Ézai 7:6 - Kazambale lé Sebe Sauunu 1979

⁶ Kaa nwa Juda munu ma, kaa wolé fla mabɛn, kaa wolé flagɔrɔ zana a gi, kaa Tabéél be dɔ ana mununwiinzan nya.

Ézai 7:6 ပူးပေါင်းရင်းမြစ်များ

1 Minwiinzannu 12:16

Izraɛlnu faa a ye aan wo léé, minwiinzan blɛn ’ka ’wo dére ’ma lɛ lo, wa fe minwiinzan blɛn lɛ léé: Kolé mɛ fɛ ɛ ke David vaa? Kolé tɔnɔ do kpen ’ka Izai be va lo. Izraɛl munu, kaa go kaalé sɔkɔnnu ’léé. David, ’i ibo lé kɔn mawe kɛlɛ sin, yé Izraɛlnu go ’wolé sɔkɔnnu ’léé.

2 Minwiinzannu 11:2

Naa, Akazia buru, minwiinzan Joram lu Joséba, é Akazia be Joas si kyeen gi, minwiinzan benu lé wo wo gyɛ, wo méléna; yé é a nɔ é pazan lɛ yé wo yɔɔ yialafɛ tadɔkɔn gi. ’Bɛ zo léé, wa yɔɔ Ataali lee, yé wo ’ka a gyɛ lɛ lo.

2 Minwiinmunu lé Wezuofe Sɛbɛ 13:8

Yé sin, é dɔ ka gi léé, David lé plale mi nwiin lé é si Gakelebale va, ka dan ’bɛ si lɛ David benu lee? Ka a mi gu blɛn nya, yé kyan dirinénu lé Jéroboam a kɛlɛ balenu nya, wa ka va.

2 Minwiinmunu lé Wezuofe Sɛbɛ 21:7

Naa, Bale valé ’é wuozan David lé gi pale do lé we ma lé Gakelebale ’ka a va léé, é David kulu ga lo; blivolɛdére lé é a fe David lɛ léé, é dan kyɛbɔ nɔ lɛ yee valé é kulunu lɛ yifaama, ’bɛ we koo, é ziin.

2 Minwiinmunu lé Wezuofe Sɛbɛ 28:5

Gakelebale alé Bale a pa Sirinu nwiinzan blɛn lee. Sirinu lé gulibɛ dia a ta yé wo mi kiɛre kɛlɛ luunu nya. Wo go wo nya Damas. É wo pa é ziin Izraɛl nwiinzan blɛn lee, yé ’bɛ wo kele tata.

Lɛrɛvɔ Sɛbɛ 21:11

I dan wo kulu ga lɛ tɛrɛ la, I dan wo bɛn tɔ ga lɛ blaminu méléna,

Lɛrɛvɔ Sɛbɛ 83:3

Naa, bé ye, i nyanézannu woo bli nwaan, Munu lé i za ke wo gi, woo ’wo ’wuo nwaan.

Wegɔnévɔlenu 19:21

Mi ’wuogibɔrɔwenu a di, naa, Gakelebale zé ’wuogibɔrɔwe ɛ a lɛ sɔɔan.

Ézai 7:1

Bléyian va lé Ozias be Jotam be Akaz a Juda munu nwiinzan nya, Sirinu nwiinzan Rɛsɛn nwa Jérusalɛm ma, a mabɛnle we gi; ’té Izraɛl munu nwiinzan Rémalia be Pékas péli a a va; naa, wo ’ka bɔ lɛ a lɛ lo.

Ézai 7:5

Sirinu a ’wo gi bɔrɔna léé, ’wo wenaané kɛlɛ i lɛ; ’té Éfraim munu valé Rémalia benu a fena léé:

Ézai 7:7

Amalé Mizan, Gakelebale léma: ’Bɛ ’ka dan bɔ lɛ lo, ’bɛ ’ka dan kɛlɛ lɛ lo.

Ézai 8:6

Munu ’ko serele bo Siloé ’yi lé éé yoroan drɔɔ, a ma, yé Rɛsɛn valé Rémalia be kɛlɛ wo ginanamazannu nya,