Ézai 7:4 - Kazambale lé Sebe Sauunu 1979

⁴ Bé fe a lɛ léma: ’I dɔ flee, té i kana we do kpen lee lo. Té nyɛ é ’wii i zuru va kyɛ pééné fié lé wo goi éé bɔa é pla, wo lee lo; ’bɛ gi léé, Rɛsɛn koo, Sirinu koo, Rémalia be koo, té nyɛ é ’wii i zuru va ’bɛnu lee lo.

Ézai 7:4 ပူးပေါင်းရင်းမြစ်များ

2 Minwiinzannu 15:27

Juda nwiinzan blɛn Azaria lɛɛ yɔ fié wɔlɛ vu ta fiézan nya, Rémalia be Pékas pla Izraɛl nwiin Samari. É pla wo nwiin lɛɛ yɔ do.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

Ézai 10:24

Naa, Mizan, lai sunyanu lé Gakelebale léma: Anlé munuoo, anlé munu, ka lé ka nyanaan Siɔn, té ka kana Asirimi lee lo. É a ka blana vlewɔlɛ nya é wo; éé yili nwaan ka ma bélé Éjipiti munu a kɛlɛ ka lɛ fɛan zo, a zo.

Ézai 30:15

Naa, Mizan, Gakelebale, Izraɛl lé Mi Sauun léma: Dé ka nɔla an va yé ka flin an va, é dan kɛlɛ lɛ ka sile we gi nya; vole drɔɔ valé ka pale an ta, é dan kɛlɛ lɛ kalé plɛplɛ nya. Naa, ’bɛ ’ka sɔ lɛ ka lɛ lo.

Ézai 30:7

Naa, Éjipiti munu bɔle wo va a boawe valé we pla nya, bɛwemalé maa we ’ko laan, vunwele lé a ’wuoplana ’ka lo.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 37:6

Yé Ézai lé wo lɛ léma: We lé ka dan a fe lɛ kazan lɛ, yee lé ke ’ko: Gakelebale léma: An sɔnɔdérenu lé Asiri munu nwiinzan lé nwunvɔzannu a fe, ’té ka a ’ma bɛ, té ’wo kana vɔ i gi lo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 7:1

Bléyian va lé Ozias be Jotam be Akaz a Juda munu nwiinzan nya, Sirinu nwiinzan Rɛsɛn nwa Jérusalɛm ma, a mabɛnle we gi; ’té Izraɛl munu nwiinzan Rémalia be Pékas péli a a va; naa, wo ’ka bɔ lɛ a lɛ lo.

Ézai 7:8

Naa, Damas a Siri tɛrɛ la kuru ’léé nya, yé Rɛsɛn a Damas flanwiinzan nya. É sia ’ko, lɛɛ yɔ yaa wɔlɛ soru, Éfraim ’ka dan kɛlɛ lɛ bɛn nya é dɛrɛ lo.

Ézai 7:9

Naa, Éfraim tɛrɛ la kuru ’léé a Samari nya, yé Rémalia be a Samari flanwiinzan nya. Dé ka ’ka dɔ lɛ a ta lo, ka ’ka dan vo lɛ ana lo.

Ézai 8:4

Naa, dé né ’ko ’ka tan bɔa a fele lɛ an ti valé an bu lo, wo dan go lɛ Damas lé fuafɛnu valé Samari lé gulizarafɛnu nya Asirinu nwiinzan blɛn ’lɛ.

Ézai 8:6

Munu ’ko serele bo Siloé ’yi lé éé yoroan drɔɔ, a ma, yé Rɛsɛn valé Rémalia be kɛlɛ wo ginanamazannu nya,

Jérémi Lé Wuvɔ Sɛbɛ 3:26

Dé mi éé Gakelebale lɛbɛn‐é léé, é bɔ ’é va yé é vo é tadɔle, ’Bɛ a é zima.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Zakari 3:2

Yé Gakelebale lé Satan lɛ léé: Satan, Gakelebale ’é i tadɔ ma. Gakelebale lé é Jérusalɛm si a va, ’é i tadɔ ma. Kyɛ péliné lé wa gana kyɛ va, yeean é ke bɛ loo?

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Matio 24:6

Ka dan gulidan we ’ma lɛ, yé ka dan a ’ma lɛ léé, wa guli danna fɛ kiɛrena. ’Ka yuɛ pa kabozen va, té ka ’bɛ gi bɔrɔ pa lo. É a bélé we ’konu é bɔ, naa, ’bɛ ’ka a nyaabléyi nya lo.

Bélidɔwesɛbɛ Fiézan 20:3

É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo.

1 Samuɛl 17:32

David lé Saul lɛ léé: Té mi do kpen fuu é si é ta Filisiti mi ’ko lé we ma lo. I wuozan é dan go lɛ guli dan lɛ a va.