Ézai 7:2 - Kazambale lé Sebe Sauunu 1979

² Munu da a fe lɛ David kulunu lɛ léé: Siri sunyanu ’wolé sɔkɔnnu dɔ Éfraim tɛrɛ la. Yé Akaz valé élé munu bli nano wo gi bélé fu éé pɔrɔ gi yilinu manyɔɔn‐an fɛan zo, a zo.

Ézai 7:2 ပူးပေါင်းရင်းမြစ်များ

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

1 Minwiinzannu 11:32

Naa, bɛn do é dan vo lɛ a lee, an wuozan David valé fla lé maa a si a va anzé nya Izraɛl bɛnnu faa gi, Jérusalɛm lé we ma.

1 Minwiinzannu 12:16

Izraɛlnu faa a ye aan wo léé, minwiinzan blɛn ’ka ’wo dére ’ma lɛ lo, wa fe minwiinzan blɛn lɛ léé: Kolé mɛ fɛ ɛ ke David vaa? Kolé tɔnɔ do kpen ’ka Izai be va lo. Izraɛl munu, kaa go kaalé sɔkɔnnu ’léé. David, ’i ibo lé kɔn mawe kɛlɛ sin, yé Izraɛlnu go ’wolé sɔkɔnnu ’léé.

1 Minwiinzannu 13:2

É siaa balebanna ta Gakelebale dére nya, yé é léé: Balebanna! Balebanna! Gakelebale léma: Bé ye, wo dan né do yaa lɛ David gɔnɔ gi; wo dan a tɔ laa lɛ Jozias; gɔ nwiin yobannanu lé balebanzannu lé woo lasikɔrɔ kyɛ blé i ta bɛ, é dan saraka bo lɛ wo nya i ta, yé wo dan mi wɔlɛnu kyɛ ble lɛ i ta.

2 Minwiinmunu lé Wezuofe Sɛbɛ 25:10

’Bɛ zuo, sunyanu palu lé wo si Éfraim tɛrɛ la, é wo si ’é va, léé, ’wo nɔla ’wo pa gi wolé fla. Naa, wo bli fli Judamunu ma, yé wo diéra wo pa gi bliflile blɛn nya.

2 Minwiinmunu lé Wezuofe Sɛbɛ 28:12

Éfraim minwiinzan kenu lé wo nwa munu lé wo si gulidanna, wo ma, wo tɔ lé ke ’ko: Jokanan be Azaria, Mésilémɔt be Bérékia, Salum be Ézékia, Aadalai be Amasa.

Lɛrɛvɔ Sɛbɛ 11:1

Lɛrɛ lé David a vɔle gɔɔn lɛrɛvɔmunu ’lɛzan lɛ. An vɔa Gakelebale ɛ zi. É kɛlɛ ka yé ka fé an lɛ léé: ’I fwi, ’i go gɔblɛnnu nwiin bélé miané zoo?

Wegɔnévɔlenu 28:1

Dé mi do kpen ’ka mi naané zuo bina looo, ’té éé vlan buruwo, naa, mi tegele éé bli ta dɔa plɛplɛ bélé golizra boroné zo.

Ézai 11:13

Éfraim munu ’ka dan maawo lɛ é dɛrɛ lo; wo nyané lé ke Juda munu gi, ’bɛ yi é dan ga lɛ. Éfraim munu ’ka dan maawo lɛ Juda munu va é dɛrɛ lo. Juda munu ’ka dan bla gié lɛ ’wo péli ma yé wa pla Éfraim munu nwiin é dɛrɛ lo.

Ézai 22:22

Maa dan David lé kɔn lé lakléwɔlɛ nɔ lɛ a lɛ; é dan a lɛ so lɛ, yé a lɛtanzan ’ka lo; dé é a lɛ tan, a lɛsozan ’ka lo.

Ézai 37:27

Plɛplɛ ’ka ana munu lee lo, Kana a wo gi yé wo gona ’ka lo. Wa bélé féifɛnu valé luyɛ drɔɔdrɔɔ zo, Wa bélé kɔn gwa la dinin Valé ’sa lé a ma yuru, ’té a turu ’ka lo, wo zo.

Ézai 37:35

Maa dan fla ’ko takuun lɛ, a sile we gi we ma, Maa koo, an wuozan David koo, kolé we ma.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 7:13

Naa, Ézai léé: ’Kaa David gɔnɔlazannu lé ka ke minwiinzannu nya, ’ka tɔné dɔ. Dé ka munu wɔlɛ gi nyaa ’wo ma, ’bɛ ’ka kazé bɔa loo? É a lé ka anlé Bale wɔlɛ gi nyaa é ziin?

Ézai 7:17

Wenu lé Gakelebale é dan a kɛlɛ lɛ bii koo, ilé munu valé i ti kulunu koo, ka lɛ, é sia yian nya lé Éfraim valé Juda kini ékema fɔɔ kyɔ, wo ’ka ’bɛ zo wenu ye lɛ lo. É dan da lɛ Asirinu nwiinzan nya.

Ézai 7:5

Sirinu a ’wo gi bɔrɔna léé, ’wo wenaané kɛlɛ i lɛ; ’té Éfraim munu valé Rémalia benu a fena léé:

Ézai 8:12

Dé munu ’ko a fe léé, wo gi pa ko ma, té bii a fe a zo lo; woo kanaan fɛan lee, té i kana ’bɛ lee lo, té di é kini i gi lo.

Ézai 9:9

Brikikɔn zana, naa, ko dan gɔlɛ ma nyaale kɔn dɔ lɛ; wo sikomɔyilinu vɔ, naa, ko dan sɛdrɛyilinu suru lɛ wo pa gi.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

OZÉ (Osée) 12:1

Éfraim an zi lɛ sɔɔ viéwole nya; Izraɛl munu an zi lɛ sɔɔ dabliwe nya. Juda dɔfɛ ’ka Bale yuɛ gi lo; a dɔfɛ ’ka Yarapawelazan Sauun yuɛ gi lo.

Matio 2:3

Minwiinzan Érɔd we ’ko ’ma aan wo, é gibɔrɔ pa yee valé Jérusalɛm munu faa ma.