Ézai 7:14 - Kazambale lé Sebe Sauunu 1979

¹⁴ Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 7:14 ပူးပေါင်းရင်းမြစ်များ

Wepélisiananu 16:11

Gakelebale lé lanje lé a lɛ léé: Bé ye, i bɔn a i ma. I dan né ’ko yaa lɛ gɔné nya. Gakelebale i dére ’ma ilé kleblele gi, bɛwemalé bé tɔ pa Ismaɛl.

Wepélisiananu 29:32

Léa bɔn si yé é né yaa gɔné nya yé é a tɔ pa Rubɛn yé é léé: Gakelebale anlé kleblele ye, yé sin an dan sɔ lɛ an zana lɛ.

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Wepélisiananu 30:6

Rasɛl léé: Kazambale anlé we ble, é an dére ’ma yé é négɔné nɔ an lɛ. Bɛwemalé é a tɔ pa Dan.

Wepélisiananu 30:8

Rasɛl léé: Bale bɔ an va yé an guli dan an buru va yé guliwuo vo an lɛ. Yé é a tɔ pa Néfitali.

Wepélisiananu 4:25

Adam é na dɔɔ le nya é ziin; é négɔné do yaa yé é a tɔ pa Sɛt, ’bɛ gi léé, mipaizan, naa, é léé: Kazambale négɔné do nɔ an lɛ, Abɛl lé Kain a gyɛ, a paizan nya, azama.

1 Minwiinzannu 13:3

Yé é tɔmase fe wo lɛ a yi duo nya; é léé: Tɔmase lé Gakelebale a gɔɔn, yee lé ke ’ko: bé ye, balebanna fɛn é dan gyɛ lɛ, yé a ta kyɛyee é dan nwɛɛn lɛ.

Lɛrɛvɔ Sɛbɛ 46:8

Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya. Ka ye do.

Ézai 38:7

Tɔmase lé maa Gakelebale é dan a nɔ lɛ yé ’bɛ nya lé i dan a gi dɔɔ lɛ léé, Gakelebale é dan é dére lɛ sɔɔ lɛ, yee lé ke ’ko:

Ézai 8:10

’Ka gi bɔrɔ, é dan kɛlɛ lɛ ka ma we pla nya. ’Ka fe munu lɛ léé, ’wa kɛlɛ ’koo, ’wa kɛlɛ ’koo, a faa é dan vo lɛ é pla. Naa, Bale a ko va, azama.

Ézai 8:8

É dan go lɛ Juda tɛrɛ la, yé é dan ana mini lɛ fɔɔ yé é bɔ mi bɔrɔ ma. Yiba, Émanuɛl, é dan é bɛa soi lɛ yé é dan ilé tɛrɛ faa ta bua lɛ.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Jérémi 44:29

Yé Gakelebale léé: Tɔmase do é dan kɛlɛ lɛ, ’bɛ nya lé ka dan a gi dɔɔ lɛ léé, maa dan we lɛdɔ lɛ ’wo gi fɛkona, kalé a dɔɔle we ma léé, an dére lɛ é dan sɔɔ lɛ wenaané bɔle ka ma nya.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

WENÉNÉ LÉ LUK A GYE (Évangile selon Luc) 1:31

Bé ye, i dan bɔn si lɛ, yé i dan né yaa lɛ gɔné nya, yé bé tɔ pa Jézu.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LÉ LUK A GYE (Évangile selon Luc) 2:12

Tɔmasean ka dan a dɔɔ lɛ a ma, yee lé é ke ’ko: ka dan né dɛrɛ do ye lɛ é yiale winu lé fɛble kɛsu gi, ’té sɔ a é vurule a ma.

WENÉNÉ LÉ LUK A GYE (Évangile selon Luc) 20:44

David Krist laa ’ézan ’naan, é kɛlɛ kaa yé Krist kɛlɛ David be nyaa?

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Weblezannu 6:36

Jédéɔn lé Bale lɛ léé: Dé é sɔ i lɛ léé, i Izraɛl si we gi an bɛ nya, fɛan zo lé bé fe, a zo,

1 Samuɛl 1:20

’Bɛ lɛɛ ’ko gi Ane bɔn si yé é négɔné yaa yé é a tɔ pa Samuɛl; é léé, maa a laa Gakelebale lee, azama.

1 Samuɛl 4:21

É tɔ pa né ma I‐Kabɔd a fele nya léé: Fuasan san Izraɛl. Bale lé kɛsu sile koo, a zana ti valé a zana gale koo, wolé we ma lé é a fe.