Ézai 66:5 - Kazambale lé Sebe Sauunu 1979

⁵ Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

Ézai 66:5 ပူးပေါင်းရင်းမြစ်များ

1 Minwiinzannu 21:29

Akab ébo kɛlɛ kiéné an ’lɛ fɛan zo, bé yee? Ébo kɛlɛ kiéné an ’lɛ, bɛwemalé maa ’ka dan we tɔntɔn bɔ lɛ a ma a yuɛma bléyi va lo; a be lé tɛrɛla bléyi va lé maa dan we tɔntɔn bɔ lɛ alé munu ma.

2 Minwiinzannu 22:10

Sɛbɛgyɛzan Safan lé é ziin minwiinzan blɛn lɛ léé: Balebanzan Ilkija sɛbɛ do nɔ an lɛ. Yé Safan a ta fe minwiinzan blɛn lɛ.

2 Minwiinmunu lé Wezuofe Sɛbɛ 34:27

Mi guru zana a gi dére valé bale pa mi ma dére lé maa a fe tɛrɛ ’ko valé a tamunu ma, bé ’ma aan wo, i bli kyɛ dɔ yé i ibo kɛlɛ kiéné Bale ’lɛ; i ilé sɔnu fia yé i wuvɔ an ’lɛ, bɛwemalé maa é ziin, maa ’ma. Yee lé Gakelebale a fe.

Ezidras 9:4

Yé munu faa lé wo ma éé nyɔɔn‐an Izraɛl lé Bale dére lee luugimunu lé wenyané ma, wo zén ékeva an punma; yé maa, yé an vo é nyanale, yé tɛrɛla lɔrɔ nyaa an ma, fɔɔ yé nyanadi saraka bobléyi bɔ.

Lɛrɛvɔ Sɛbɛ 119:120

Kana blɛn zén an gi ilé we ma, yé an ma éé nyɔɔn‐an, Yé an kanaan ilé weblelenu lee.

Lɛrɛvɔ Sɛbɛ 38:20

Yé an nyanézannu fuu a wo ta, yé wa plɛplɛ. Munu lé wo an za paan é pla, wa di.

Wegɔnévɔlenu 13:13

Mi lé éé Bale dére yé boadére nya, é ébo saan, naa, mi lé éé kanaan bélidɔwe lee, wa banwoo.

Wegɔné Ma Lɛrɛ 1:6

Té ka nyé yéli an kɛlɛle é ti ma lo, Naa, yiri ɛ an waan é wo. An bu benu bli fli an ma, Yé wo an kɛlɛ wolé dɔrɔféi zibinzan nya. Maa ’ka anbozen lé dɔrɔféi zi bin lɛ lo.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 5:19

yé wo léé: Bale, ’ibo tunu, ’ilé we kɛlɛ é kele, ko ye; Izraɛl lé Bale sauun lé bélidɔwe ’é da yé ’é lɛ sɔɔ yé ko a gi dɔɔ.

Ézai 60:15

Fɛana lé wo i za pa yé wo i vo, ’Té mi do ’ka bɔrɔwona i ta lo, ’Bɛna lé maa dan i kɛlɛ lɛ bélé mi’lɛrɛkyan zo lɛɛfaama; Ma dan i kɛlɛ lɛ mi ginanama fla nya mi kulu faa zé nya.

Ézai 65:13

Bɛwemalé Mizan Gakelebale léma: Ka ye, an wuozannu é dan fɛ ble lɛ yé lɔrɔ é dan ka gyɛ lɛ; ka ye, an wuozannu é dan ’yi mini lɛ, yé ’yiminilɔrɔ é dan ka gyɛ lɛ; ka ye, an wuozannu gi é dan nana lɛ yé ka gi é dan blin lɛ ka ma;

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Jérémi 36:16

Wo dére ’konu faa ’ma aan wo, wo vo wo ke yara ginina di kinile nya wo gi. Yé wo lé Baruk lɛ léé: Ko dan dére ’konu faa zuo fe lɛ minwiinzan blɛn lɛ.

OZÉ (Osée) 11:10

Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

WENÉNÉ LÉ LUK A GYE (Évangile selon Luc) 13:17

É ’bɛ fe aan wo, yara a nyanézannu faa gyɛ, yé mi gu gi nana Kazambale tɔbɔwenu faa lé é ke a kɛlɛna, wolé we ma.

WENÉNÉ LE JAN A GYE (Évangile selon Jean) 16:2

Wo dan ka bɔra lɛ bazorokɔnnu gi; yé é ziin bléyi do é dan bɔ lɛ, ’bɛna dé miomian é ka gyɛ é dan dɔ lɛ a gi léé, ’é a Kazambale bɔna.

WENÉNÉ LE JAN A GYE (Évangile selon Jean) 9:34

Yé wa zi pa a lɛ léé: Wo i yaa wenyanékɛlɛzan nya tegele boenwo yé bii ɛ we paan ko gii? Yé wa bin.

2 Tɛsalɔnik munu 1:12

A zo lé Kaazan Jézu tɔ é dan kɛlɛ lɛ blɛn kalé we ma, yé ka tɔ é dan kɛlɛ lɛ blɛn alé we ma, kaalé Bale valé Mizan Jézu Krist lé zin yɛrama.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Jan 3:13

An zuanénu, dé ka za a tɛrɛlamunu gi, té ka gi é vuru ’bɛ ma lo.