Ézai 66:4 - Kazambale lé Sebe Sauunu 1979

⁴ Maa é ziin, an gi é dan nana lɛ we tɔntɔn lé é dan bɔ lɛ wo ma bɛ, a ma, yé maa dan da lɛ wo kanamawe nya wo lɛ; maa wo laa, yé wo ’ka we lɛ lo, azama; maa we fe wo lɛ yé wo ’ka tɔné dɔ lɛ an lɛ monomono lo, azama. Naa, wo wenaané kɛlɛ an yuɛ gi; we lé é ’ka an gi nanaan lo, yee lé wa si a va wozé nya.

Ézai 66:4 ပူးပေါင်းရင်းမြစ်များ

2 Minwiinzannu 21:2

We lé ke é naané Gakelebale yuɛ gi, é a kɛlɛ, bɛnnu lé Gakelebale wo bin Izraɛlnu ’lɛ, wolé bozowenu yɛrama.

2 Minwiinzannu 21:6

É é be vɔ kyɛ va; éé ’moné dɔa latinu valé ménénu nya wena yele we ma, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Lɛrɛvɔ Sɛbɛ 81:12

Naa, anlé munu ’ka tɔné dɔ lɛ an dére lɛ monomono lo. Izraɛl munu ’ka an lɛdɔ lɛ a ma pelo.

Wegɔnévɔlenu 1:24

Maa ka laan, yé ka sɔn vɔa an dére ma, maa bɛ soian ka lɛ, yé mi do kpen ’ka a naginian lo,

Wegɔnévɔlenu 10:24

Wean mi nyané a kana paan, yee ɛ bɔa a ma; yé mi tegelenu bli bɔ fɛan ma, yee lé wa no wo lɛ.

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Ézai 59:15

Webozen ta saan; mi lé éé sié wenaané kɛlɛle ma baa, wo alé fɛnu si a lee. Gakelebale a ye léé, we drɔle ’ka é dɛrɛ lo, amalé a yara kɛlɛ é nyané.

Ézai 59:7

Ka vlanburuwo wenaané vazia; ka ta a é kelekele weanwiinlozan nyɛ zanale ma; ka gibɔrɔle a weple gibɔrɔle nya; ’wiile fɛ ta valé guru zanale a gi a kalé zi ta.

Ézai 65:12

kazé é dan kɛlɛ lɛ gwɔun nya, yé ka faa é dan powuo zun lɛ yé wo ka bɔrɔ bo. Naa, maa ka laa, yé ka ’ka we lɛ an zi lo; maa we fe, yé ka ’ka tɔné dɔ lɛ an lɛ lo; naa, ka wenaané kɛlɛ an yuɛ gi. We lé é ’ka an ginanawe nya lo, yee lé ka si a va.

Ézai 65:2

Nwamimazannu lé woo tawoo zi naané ta wobozen lé bɔn‐in bɔrɔle yɛrama, maa an bɛ soian yifaama wo lɛ.

Ézai 65:3

An ’namawe lé ke léé, woo saraka boo zianféinu ta, woo lasikɔrɔpo kyɛ blé brikinu ta, woo wo nyanana kɛla mipana nya, ’té woo tu kinié suruwi blele nya gɔmagurunu gi, ’té wolé fɛble kananu gi tiri a, ’té wo ’ka daan a ma lo, wo nya. Naa, an bɛ soian wo lɛ yifaama.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Ézékiɛl 11:8

Ka kanaan gwɔun lee, yé maa dan da lɛ gwɔun nya ka va. Yee lé Mizan, Gakelebale a fe.

Ézékiɛl 14:4

Amalé, ’i we fe wo lɛ. Bé fe wo lɛ léma: Mizan Gakelebale léma: Dé Izraɛl miomian alé miyilinu we ke a bli gi, yé ’té a yuɛ a é dɔle fɛnu lé wa vɔa weple gi, wo ta bɛ, dé ’bɛzan da we laa lɛ balelayezan lee, dé alé miyilinu a dioo, maa Gakelebale, maa dan a zi vɔ lɛ a lɛ;

Ézékiɛl 20:25

Wepladérenu lé wo ’ka é zima lo, ’é valé dérenu lé wo ’ka mi voo é yuɛma lo, maa wo nɔ wo lɛ é ziin.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

1 Samuɛl 8:19

Munu ’ka a nyi si lɛ léé, wo tɔné dɔ Samuɛl dére lɛ lo. Wo léé: Gba! Naa, ko a ko nwiinzan blɛn va kpɔ!