Ézai 66:22 - Kazambale lé Sebe Sauunu 1979

²² Naa, la dɛrɛ valé tɛrɛ dɛrɛ lé maa dan wo kɛlɛ lɛ, wo dan vo lɛ yifaama an yuɛ gi fɛan zo, a zo lé ka kulu valé ka tɔ é dan vo lɛ ana yifaama. Gakelebale ɛ fe.

Ézai 66:22 ပူးပေါင်းရင်းမြစ်များ

Ézai 48:19

’Té i kulunu a bélé nyéné zo di, ’Té ilé nénu a bélé wɛyi gɔɔn ma nyéné zo; ’Té maa ’ka i tɔ fwian lo, ’té i tɔ ’ka nyaan an ’lɛ lo.

Ézai 51:16

Maa an dérenu paan i ’léé, Maa i tabuaan an bɛ furɔ nya. Maa ɛ lanu fwila yé maa ɛ tɛrɛ kɛlɛ, Yé maa ɛ fe Siɔn munu lɛ léé: Ka a anlé munu nya.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 56:5

maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Ézai 61:8

Naa, maa, Gakelebale, we tegele sɔ an lɛ, ’Wiile fɛ ta kyeenwole nya valé weple za a an gi; An yuɛgi ’ka dan blan lɛ wo banwole ma lo. Gipawe lé é ’ka nyaan lo, maa dan a kɛlɛ lɛ wo va.

Ézai 61:9

Wo dan wo bɛn dɔɔ lɛ bɛnnu va, Munu é dan wo kulu dɔɔ lɛ; Munu faa lé woo wo yé, wo dan a gi dɔɔ lɛ léé, Bɛn lé Gakelebale a drɔɔ vo, wo lo.

Ézai 65:17

Naa, maa dan la dɛrɛ valé tɛrɛ dɛrɛ kɛlɛ lɛ. We kyɛnnu lé wo gié bɛ, wo ’ka dan ’bɛ tɔ fe lɛ é dɛrɛ lo, yé a sele boen ’ka dan dɔ lɛ mi gi é dɛrɛ lo.

Ézai 65:22

Wo ’ka dan kɔn dɔ lɛ yé mi bɛ é nyana ’bɛ gi lo; wo ’ka dan dɔrɔféi pa lɛ yé mi bɛ a poro ble lo. Naa, anlé munu lé yinu é dan kɛlɛ lɛ bélé yilinu zé zo, yé munu lé maa wo si a va, wo gi é dan nana lɛ ’wo bɛ panyanama ma.

Ézai 65:23

Wo ’ka dan nyanama pa lɛ yé ’bɛ é vo é pla lo, yé wo ’ka dan né yaa lɛ yé ’bɛnu é zamaga wo wo yuɛ va lo; wo dan kɛlɛ lɛ bɛn lé Gakelebale a drɔɔ vo, a nya, ’bɛzama, yé wo valé wolé nénu é dan vo lɛ ékeva.

Jérémi 33:20

Gakelebale léma: We lé maa a fe yiéyi lɛ, é valé we lé maa a fe béli lɛ, dé ka bɔa ’bɛ sɛrɛle lɛ, yé té yiéyi valé béli ’ka kɛla é dɛrɛ lo,

Jérémi 33:21

’té gipawe lé maa a kɛlɛ an wuozan David va, ’té é sɛrɛ, ’té a kululazan ’ka nyanaan alé webleblin ta é dɛrɛ lo, yé anlé gipawe lé maa a kɛlɛ Balebanmunu Lévinu lé woo an va nyanama paan bɛ, wo va, ’té é dan sɛrɛ lɛ.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

2 Piɛri 3:13

Naa, alé blivolɛdére yɛrama lé kaa ke la dɛrɛnu valé tɛrɛ dɛrɛ lɛbɛnna, ’bɛna lé we tegele é dan kɛlɛ lɛ.

Wegɔɔnle 21:1

A zuo maa la dɛrɛ valé tɛrɛ dɛrɛ ye, naa, la vinin valé tɛrɛ vinin san, yé wɛyi ’ka ana é dɛrɛ lo.