Ézai 66:2 - Kazambale lé Sebe Sauunu 1979

² An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Ézai 66:2 ပူးပေါင်းရင်းမြစ်များ

1 Minwiinzannu 21:29

Akab ébo kɛlɛ kiéné an ’lɛ fɛan zo, bé yee? Ébo kɛlɛ kiéné an ’lɛ, bɛwemalé maa ’ka dan we tɔntɔn bɔ lɛ a ma a yuɛma bléyi va lo; a be lé tɛrɛla bléyi va lé maa dan we tɔntɔn bɔ lɛ alé munu ma.

2 Minwiinzannu 22:10

Sɛbɛgyɛzan Safan lé é ziin minwiinzan blɛn lɛ léé: Balebanzan Ilkija sɛbɛ do nɔ an lɛ. Yé Safan a ta fe minwiinzan blɛn lɛ.

2 Minwiinzannu 22:11

Minwiinzan bélidɔwe sɛbɛ gi dérenu ’ma aan wo, élé sɔnu fia.

Ezidras 10:3

Sin, ko gi paan do Bale va ma, yé lomu ’konu faa valé wolé nénu, ko wo paan zia, anzan valé munu lé wo ma éé nyɔɔn‐an kolé Bale lé bélidɔwenu ma, wolé wepaale yɛrama. Yé ’wo we kɛlɛ Bale lé bélidɔwe yɛrama.

Ezidras 9:4

Yé munu faa lé wo ma éé nyɔɔn‐an Izraɛl lé Bale dére lee luugimunu lé wenyané ma, wo zén ékeva an punma; yé maa, yé an vo é nyanale, yé tɛrɛla lɔrɔ nyaa an ma, fɔɔ yé nyanadi saraka bobléyi bɔ.

Lɛrɛvɔ Sɛbɛ 119:120

Kana blɛn zén an gi ilé we ma, yé an ma éé nyɔɔn‐an, Yé an kanaan ilé weblelenu lee.

Lɛrɛvɔ Sɛbɛ 119:161

Minwiinzannu éé nyané paan an ta é pla, Naa, gligli éé zén‐é an gi i dére saa lé we ma.

Lɛrɛvɔ Sɛbɛ 138:6

Gakelebale a loru, ’té éé bokiénémunu yé, Naa, éé boblɛnzannu ma kunna yé, ’té wa baa.

Lɛrɛvɔ Sɛbɛ 34:18

Dé mi tegelenu siaa, Gakelebale a maan, Yé éé wo sié wolé kleblelenu faa gi.

Lɛrɛvɔ Sɛbɛ 51:17

Mizan, ’i an ’léé fuo, Yé an dan i tɔ zin fele zana dɔɔ lɛ.

Lɛrɛvɔ Sɛbɛ 51:19

Dé mi léli si é ta élé wenyané ma, ’bɛ a saraka lé é sɔ Bale lɛ, a nya; Baleoo, Bale, mi lé a bli gi kyɛ dɔ fɔɔ yé é so a kɔlɛ zi, i ’ka serele boo ’bɛ ma lo.

Wegɔnévɔlenu 28:14

Mi lé éé kanaan yifaama a gi éé nanaan. Naa, mi lé é bli dɔ plɛplɛ we tɔntɔn éé bɔa a ma.

Wegɔnévɔlenu 29:23

Boblɛn éé mi kɛla kiéné, naa, woo bokiénézan tɔ bɔa.

Ézai 40:26

’Ka yuɛ vɔ loru, ’ka nagini, Dé de ɛ fɛ ’konu kɛlɛɛ? De ɛ wo giéna gɔɔn wo lɛɛ? Éé wo faa laan wo tɔ nya; Alé se blɛn valé alé plɛplɛ baba lé we ma lé A do kpen ’ka sié é dɔna lo.

Ézai 41:20

Munu lé a naginile we gi, ’té woo bɔn‐in daan a ma, ’Té wa yé, yé wa gi dɔɔ léé, Gakelebale bɛ ɛ we ’konu kɛlɛ, We ’konu si Izraɛl lé Mi Sauun va.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

OZÉ (Osée) 11:10

Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Abaku 3:16

Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

Matio 12:6

Naa, maa lé ka lɛ léé, fɛ do a ’ko, a blɛn mini Balebangikɔn ta.

Kelewenu 7:50

’É bɛan é fɛ ’konu faa kɛlɛ loo?

Kelewenu 9:6

’I nwa, ’i bɔra fla, yé wean é a lé bé kɛlɛ, wo dan a fe lɛ i lɛ ’bɛna.

Filip munu 2:12

An blibɔmamunu, ka an lɛdɔama yifaama fɛan zo é vinin bɛ, sin, é a lé ka nyanama pa ka bɔle ka sile we gi ’wuoplana we ma, kanale valé manyɔɔnle nya. Té ka a kɛlɛ an yuɛ va saawo lo; naa, sin, bléyian va lé maa ’ka ka va lo, kalé a kɛlɛle gi ’é gyɛ ma.

Kolɔs munu 1:17

É a fɛ faa ’lɛ, yé alé we ma lé fɛ faa a é kunle ékema.