Ézai 66:16 - Kazambale lé Sebe Sauunu 1979

¹⁶ Kyɛ nya lé Gakelebale élé we lɛgi paan; alé gwɔun éé we lɛdɔa mi faa gi, yé Gakelebale é dan mi kiɛre gyɛ lɛ.

Ézai 66:16 ပူးပေါင်းရင်းမြစ်များ

Ézai 10:4

Mi kenu é dan vo lɛ é plinle wolé luufla ta; mi kenu é dan dia lɛ é gale. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 27:1

’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Ézai 3:13

Gakelebale da ézé fe lɛ, é nwa munu lé we blele we ma.

Ézai 30:30

Yé Gakelebale é dan élé tun dɔ mi gi dére we lɛ, a bli flile baba zama; a bɛ lé ke é nwale migyɛfɛ nya, é dan a nagɔɔn lɛ kyɛnɛnɛ lé éé fɛ blé, a méléna, yuu bɔrale é gɔ la koo, fu plɛplɛ giéle koo, goowɔlɛlɛɛ koo, wo méléna.

Ézai 31:8

Asiri munu é dan dia lɛ gwɔun lé é ’ka mi zé nya lo, a ’léé. Gwɔun lé é ’ka mi zé nya lo, ’bɛ é dan wo gyɛ lɛ. Wo dan fwi lɛ yee gwɔun lee, yé wolé gulidan?-?mi boronénu wo dan kɛlɛ lɛ miwuozannu nya.

Ézai 34:2

Naa, Gakelebale lé bliflile é dan nwa lɛ bɛnnu faa ma, yé a wɛwɛ é dan dɔ lɛ wolé sunyanu faa ma. É dan wozé nyaa lɛ; é wo pa wo gyɛzannu lee.

Ézai 65:12

kazé é dan kɛlɛ lɛ gwɔun nya, yé ka faa é dan powuo zun lɛ yé wo ka bɔrɔ bo. Naa, maa ka laa, yé ka ’ka we lɛ an zi lo; maa we fe, yé ka ’ka tɔné dɔ lɛ an lɛ lo; naa, ka wenaané kɛlɛ an yuɛ gi. We lé é ’ka an ginanawe nya lo, yee lé ka si a va.

Jérémi 25:31

A vun wele é dan go lɛ fɔɔ tɛrɛ glɛ sina; Naa, Gakelebale a we blena bɛnnu va, Éé munu faa lé we blé, Yé éé mi nyanénu dɔa gwɔun ’lɛ. Maa Gakelebale ɛ ke a fena.

Jérémi 25:33

Munu lé Gakelebale é dan wo gyɛ lɛ, ’bɛ yi ’ko la wo galenu é dan vo lɛ é zanale fɔɔ tɛrɛ glɛ sina. Wo ’ka dan wo wuvɔ lɛ lo; wo ’ka dan wo sia lɛ lo; wo ’ka dan wo pa lɛ lo; wo dan kɛlɛ lɛ bélé winu bo zo tɛrɛ la.

Jérémi 45:5

Yé bii, inɔ fɛ blɛnnu ginian izé nyaa? Té i wo gini lo. Naa, Gakelebale léma: Bé ye, an dan wenaané bɔ lɛ munu faa ma. Naa, dé i go fɛofɛana, maa dan i vo lɛ é yuɛma.

Jérémi 46:15

Mɛmalé woo goo ilé nyanazannu nyaa? Wo ’ka é dɔle gligli lo; naa, Gakelebale wo zana a gi, azama.

Ézékiɛl 28:18

Ilé fɛna plɛplɛ sɛrɛ ilé weplenu kɛlɛle koo, ilé dabli yaabolenu koo, wo nya. Maa dan kyɛ bi lɛ i méléna yé ’é i ble; maa dan i kɛlɛ lɛ kyɛyee nya tɛrɛ la, munu faa lé wo ke i naginina, wo yuɛ gi.

Ézékiɛl 38:17

Mizan Gakelebale léma: Bii ɛ ma lé an we fe é kyɛn an leezannu Izraɛl lé balelayezannu lɔlu nya, yé wo balelawe fe lɛɛ kiɛre gi, léé, maa dan i nwa lɛ Izraɛl ma. Yee kaan loo?

Ézékiɛl 5:15

Dé maa kalé we ble bliflile valé wɛwɛ nya, yé dé an we lɛdɔ ka gi plɛplɛ, ka dan kɛlɛ lɛ serelebomazannu valé yaragyɛwebɔ?-?mazannu nya, yé bɛnnu lé wo ka zi lɛ sɔɔ, wo dan we pla lɛ wobo lɛ kalé we ma, yé di é dan kini lɛ wo gi. Maa lé an ke Gakelebale nya, maa ɛ fe.

Joɛl 3:2

An dan bɛnnu faa zén lɛ ékeva, Yé maa dan wo zun lɛ Jozafat lé gɔ worona; Anlé munu Izraɛl, anlé tɔnɔ lé we ma lé, Maa dan wolé we ble lɛ ’bɛna. Wo anlé munu sɔɔla bɛnnu gi, Yé wo anlé tɛrɛ guli, azama.

Amɔs 7:4

Mizan Gakelebale we do gɔɔn an lɛ yuɛzi gi. Ka yua, Mizan Gakelebale a we lɛdɔle mi gi kyɛ nya zana dɔɔna, yé kyɛ a blena guru blɛn gi, yé féi kyɛ a blena.

Naum 3:15

’Bɛna lé kyɛ é dan i ble lɛ; gwɔun é dan i kulu ga lɛ; é dan i ble lɛ bélé gangannu zo. ’Ka kɛlɛ kiɛre bélé seenénu zo. ’Ka fan bélé gangannu zo.

Naum 3:3

Wisootazannu éé fɔrɔan, gwɔun ta éé bié, din ta éé bié nyananyana, Mi gu blɛn a é tuole, mi galenu zun a é tééle. Mi galenu ’léé ’ka nyaan lo, Woo diaan mi galenu ta.

Zakari 14:5

Ka dan vɔ lɛ flii, anlé gɔ ’konu worona, naa, gɔworona ’ko é dan go lɛ fɔɔ yé é bɔ Azɛl; fɛan zo lé ka fwi tɛrɛ manyɔɔnle lee Juda nwiinzan blɛn Ozias bléyi va, ka dan fwi lɛ a zo. Yé Gakelebale anlé Bale é dan da lɛ élé mi sauunnu faa nya é va.