Ézai 66:14 - Kazambale lé Sebe Sauunu 1979

¹⁴ Ka dan a ye lɛ, yé ka dan fan lɛ ginanale nya, yé ka wɔlɛi é dan dɔ lɛ ka ma bélé lutolu zo. Gakelebale é dan élé plɛplɛ nagɔɔn lɛ é wuozannu lɛ, naa, a nyanézannu é dan alé bliflile dɔɔ lɛ ’wo kɔlɛ ma.

Ézai 66:14 ပူးပေါင်းရင်းမြစ်များ

Ezidras 7:9

É si Babilɔn moné vininzan lé yi vininzan nya, yé é bɔ Jérusalɛm moné soruzan lé yi vininzan nya; alé Bale bɛ zin a é pale a ta, azama.

Ezidras 8:18

Yé kolé Bale bɛ zin ke aan wo é pale ko ta, wo da Izraɛl be Lévi be Makli be Sérébia lé, a ’wuo ke a ta, a nya; ’té a benu valé a bwenu a a va; wa mi vu ta sɔraa;

Ezidras 8:22

Ko a fe kɔɔn minwiinzan blɛn lɛ léé, Bale bɛ zin a é pale munu faa lé wa naginian, wo ta, we zin kɛlɛle wo lɛ we ma, naa, alé plɛplɛ valé alé bliflile a munu faa lé wo sɔn vɔ a ma, wo ma. Aléwemalé yara an gyɛ ganelasunyanu valé wisootasunyanu laale ma minwiinzan blɛn lee, léé, ’wo ko tabin ko nyanézannu lee zia.

Ezidras 8:31

A moné vininzan lé yi vu ta fiézan nya, ko zi sia Aava yuu ma, gole Jérusalɛm we gi. Kolé Bale bɛ zin vo é pale ko ta, yé é ko ta béli dɔ ko nyanézannu nwale ko ma lee, yee valé ko mavɔɔzannu lee, kolé tawole gi.

Lɛrɛvɔ Sɛbɛ 107:42

Mi tegelenu éé ’bɛ yé, yé wo gi éé nanaan, Naa, weple kɛlɛzannu faa lɔlu lɛ a é tanle.

Wegɔnévɔlenu 17:22

Ginanabli a lia zima nya, naa, nyanéblébli éé mi wɔlɛ gaan é gi.

Wegɔnévɔlenu 3:8

’bɛ ɛ dan fu vɔ lɛ i miin ma, yé é dan i kɔlɛ wɔlɛ gi dɔ lɛ é ma.

Ézai 10:5

Asiri munu, anlé blifli vlewɔlɛ, wenaané ’é kɛlɛ ka lɛ ma. Vlewɔlɛ lé ke a lee, é a anlé bliflile nagɔɔnfɛ nya.

Ézai 13:5

Wo si tɛrɛ baa la, wo si la glɛ sina yé wo da. Gakelebale valé élé bliflile lɛsɔɔzannu, wo dan ana tɛrɛ faa sɛrɛ lɛ.

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

Ézai 26:20

Anlé munu, ’ka go kalé kɔn gi, ’ka kɔn lɛ tan ka zuo; ’ka yɔɔ bléyi sɛ nya, fɔɔ yé bliflile é gié.

Ézai 30:27

Mi lé wa laan Gakelebale, yee lé é dan bɛ; é si baa, a bli a flina é baba, é a bélé kyɛ blɛn zo. A wɛwɛ a é baba; a nɛnɛ a bélé kyɛ lé éé fɛnu blé, a zo.

Ézai 33:20

’Ka kolé fɛtikɛlɛfla, Siɔn nagini. Ka dan nyanana drɔɔ, Jérusalɛm ye lɛ ka yuɛ nya. É a bélé sɔkɔn lé wo ’ka goan fɛ bɛna é dɛrɛ lo, a zo, yé wo ’ka dan a dɔplɛplɛyili soowɔla lɛ monomono lo, yé wo ’ka dan a balenu fuo lɛ a ma pelo.

Ézai 34:2

Naa, Gakelebale lé bliflile é dan nwa lɛ bɛnnu faa ma, yé a wɛwɛ é dan dɔ lɛ wolé sunyanu faa ma. É dan wozé nyaa lɛ; é wo pa wo gyɛzannu lee.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 41:20

Munu lé a naginile we gi, ’té woo bɔn‐in daan a ma, ’Té wa yé, yé wa gi dɔɔ léé, Gakelebale bɛ ɛ we ’konu kɛlɛ, We ’konu si Izraɛl lé Mi Sauun va.

Ézai 42:13

Gakelebale éé goo ’é ’lɛ bélé nyanazan zo, Ébo nwa bélé gulidanzan zo; Éé dére nwaan plɛplɛ, éé siaan plɛplɛ, É élé plɛplɛ nagɔɔn‐an é nyanézannu lɛ.

Ézai 58:11

Gakelebale é dan zi gɔɔn lɛ i lɛ yifaama. É dan i boen kan lɛ fɛna gale na; é dan i wi faa dɔ lɛ plɛplɛ; i dan kɛlɛ lɛ bélé féi lé wo ’yi zén a ta, a zo, bélé ’yi’wuo lé a gi ’yi ’ka bélié lo, a zo.

Ézai 59:18

É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

Zakari 10:7

Éfraim é dan kɛlɛ lɛ bélé gulidan nyanazan zo; Wo gi é dan nana lɛ bélé nwɛ lé wa mini, Wo benu é dan a ye lɛ yé wo gi é dan nana lɛ kaii; Wo gi é dan nana lɛ Gakelebale gi.

Malasi 3:18

Yé ka dan a ye lɛ é ziin léé, mi tegele zé a é yɛrama, yé mi nyané zé a é yɛrama; mi lé ’bɛ éé Bale bɔa, ’bɛ zé a é yɛrama, yé mi lé ’bɛ ’ka Bale bɔa lo, ’bɛ zé a é yɛrama.

WENÉNÉ LE JAN A GYE (Évangile selon Jean) 16:22

Bɛwemalé ka é ziin, ka bli gi kyɛ a sin, naa, maa dan ka ye lɛ é ziin, yé ka gi é dan nana lɛ, yé mi do kpen ’ka dan ka gi nanale si lɛ ka lee lo.

Ébrunu 10:27

naa, ’té weblele valé kyɛ plɛplɛ lé é dan tɔnégiplɛplɛzannu ble lɛ bɛ, ’té yee lé kaa ke a lɛbɛnna kaa zuru va nyɛ kinile blɛɛn nya.