Ézai 66:11 - Kazambale lé Sebe Sauunu 1979

¹¹ A tɔrɔpaale ’É kɛlɛ kalé fɛblele valé ka kanfɛ nya, Yé alé fuasan tɔ blɛn ’É ka ’léli sele ka ’léé a néné zi.

Ézai 66:11 ပူးပေါင်းရင်းမြစ်များ

Lɛrɛvɔ Sɛbɛ 36:8

Oo Bale, ilé zin wea é baba. Blaminu woo yɔɔna ginian i bɛ wuo.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézai 60:1

I nwa, i va ’é kini ma, naa, i vakinisan a dana, Yé Gakelebale lé fuasan a i ta.

Ézai 60:16

I dan bɛnnu lé fɛ nyɔnɔzannu ble lɛ Yé minwiinzannu é dan i pa lɛ, Yé i dan a gi dɔɔ lɛ léé, maa a Gakelebale, i siéwegizan nya, I tabozan nya, Jakɔb lé Mi plɛplɛ nya.

Ézai 60:2

Ka ye, gunuti éé tɛrɛ ta sɔɔlaan, Yé munu a gunu tiritiri va; Naa, Gakelebale a i ta, Alé fuasan bɔra bii ɛ va.

Ézai 60:5

Dé wɛyi va fuafɛnu da i vazia, Dé bɛnnu lé fɛwezannu da i va, I gi é dan nana lɛ a ma, I zuru é dan vɔ lɛ yé i bli é dan fan lɛ ginanale nya.

Ézai 62:2

Yé bɛnnu é dan i sile we gi ye lɛ, Yé minwiinzannu faa é dan ilé fua tɔ bɔ lɛ; Yé wo dan i laa lɛ tɔ dɛrɛ lé É si Gakelebale ’léé, a nya.

Joɛl 3:18

’Bɛ bléyi va, dɔrɔ dɛrɛ é dan si lɛ gɔnu gi, ’té éé yoroan, Dirinyɔyi é dan si lɛ gɔpanénu gi ’té éé yoroan, Yé ’yi é dan kɛlɛ lɛ Juda ’yiyorona faa gi; ’Yibɔna do é dan fɔn lɛ Gakelebale lé kɔn gi, Yé alé ’yinu é dan gɔworona lé wa laama Sitim, ana vo lɛ drɔɔdrɔɔ.

1 Piɛri 2:2

Ka a bélé liinénu zo, amalé ka bli ’é bɔ nyɔyi tegele lé ke Bale dére nya, a ma, fɛan zo lé liinénu bli éé bɔa nyɔyi ma, a zo. Dé ka a mini, ka dan tin lɛ a nya yé ka béli,