Ézai 66:10 - Kazambale lé Sebe Sauunu 1979

¹⁰ ’Kaa faa lé Jérusalɛm sɔ ka lɛ, Ka gi ’é nana a tamunu va ma, ’É kɛlɛ ka ginanamazan nya. ’Kaa faa lé ka a gyɛ bo, Ginanale ’é ka kun a va, léé,

Ézai 66:10 ပူးပေါင်းရင်းမြစ်များ

Lɛrɛvɔ Sɛbɛ 122:6

’Ka Jérusalɛm vole drɔɔ ma laa, Munuan i sɔ wo lɛ, ’wo nyana woboma duaa ma.

Lɛrɛvɔ Sɛbɛ 137:6

Dé i sele ’ka dɔ lɛ an gi lo, Dé Jérusalɛm ’ka an gi nanaan Yé é mini we bɛnu faa ta lo, An nɛnɛ ’é kua an lagolo ma ma.

Lɛrɛvɔ Sɛbɛ 26:8

Gakelebale, nyanale ilé kɔn gi sɔ an lɛ, Ilé fuasan nyanana sɔ an lɛ.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 65:18

A fila vɔ léé, ka gi ’é nana ginanale blɛn nya, we lé maa dan a kɛlɛ lɛ, a we ma. Naa, maa dan Jérusalɛm kɛlɛ lɛ mi ginanale baba we ma, yé maa dan a tamunu kɛlɛ lɛ ginanazannu nya.

Ézai 9:3

I luubale kini wo bɔrɔ ma, Wo blayili koo, Yaawotazannu lé vlewɔlɛ koo, I wo yéli, i Madian zé kɛlɛ fɛan zo yi la, a zo, amalé wo gi nana.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Bélidɔwesɛbɛ Fiézan 32:43

Bɛnnu, ’ka alé munu tɔ zin fe lɛrɛ vɔle nya. Naa, Gakelebale é wuozannu nyɛ lɛgi paan, Yé é we lɛgi paan ’é mazannu ma, Yé alé tɛrɛ koo, alé munu koo, Éé wolé wenyané ’yiboo.