Ézai 61:8 - Kazambale lé Sebe Sauunu 1979

⁸ Naa, maa, Gakelebale, we tegele sɔ an lɛ, ’Wiile fɛ ta kyeenwole nya valé weple za a an gi; An yuɛgi ’ka dan blan lɛ wo banwole ma lo. Gipawe lé é ’ka nyaan lo, maa dan a kɛlɛ lɛ wo va.

Ézai 61:8 ပူးပေါင်းရင်းမြစ်များ

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

Lɛrɛvɔ Sɛbɛ 105:10

É a dɔ gligli bélidɔwe nya Jakɔb zé nya. É a kɛlɛ gipawe lé a glɛ ’ka lo, a nya, Izraɛl zé nya,

Lɛrɛvɔ Sɛbɛ 11:7

Naa, Gakelebale a tegele; we tegele éé sɔa a lɛ. Mi drɔlenu é dan a yara ye lɛ.

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Lɛrɛvɔ Sɛbɛ 33:5

We tegele valé we drɔle sɔ a lɛ; Gakelebale éé tɛrɛ faan élé zin nya.

Lɛrɛvɔ Sɛbɛ 37:28

Naa, we tegele sɔ Gakelebale lɛ, Yé é ’ka sɔn vɔa élé yarapawelazannu ma lo; Éé wo tabin‐é yifaama. Naa, mi nyanénu kulu é dan ga lɛ.

Lɛrɛvɔ Sɛbɛ 45:7

Baleoo, Bale, wo ’ka dan ilé webleblin si lɛ i lee monomono lo; Ilé pla mi nwiin soowolivwii a we tegele vwii nya.

Lɛrɛvɔ Sɛbɛ 50:5

É léma: ’I anlé yarapawelazannu zén ékema an va, Wo lé wo gi pa an va do saraka bole nya.

Lɛrɛvɔ Sɛbɛ 62:10

Iin, blaminu a é pla. Blaminu a vié nya, Dé wo wo faa vɔ kilo ta ékeva, fu fɛle do bɛn mini wo la.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Wegɔnévɔlenu 3:6

’i gi bɔrɔ a ma ilé tawobɛ faa gi, yé é dan ilé zinu ta bɔ lɛ ékema.

Wegɔnévɔlenu 8:20

Maa tawoo wetegele zi ta, Yé an tawoo zi drɔlenu méléna,

Ézai 28:17

Maa dan we drɔle kɛlɛ lɛ yili drɔle prɔɔné nya, yé maa dan we tegele kɛlɛ lɛ fɛ danmabawɔrɔ nya. Dabli kɛlɛle lé ke ka yɔɔna nya, goowɔlɛlɛɛ é dan ’bɛ sɛrɛ lɛ. Viéwole lé ke ka tayɔɔfɛ nya, ’yi blɛn é dan zén lɛ ’bɛ ta.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 5:16

Lai sunyanu lé Gakelebale lé weblele ma lé wo dan a dɔɔ lɛ mi blɛn nya, yé Bale sauun é dan é kɛlɛle sauun nagɔɔn lɛ élé we tegele kɛlɛle nya.

Ézai 54:10

Dé gɔblɛnnu go baa, Dé gɔpanénu ma nyɔɔn, I va sɔlɛle ’ka sié an gi pelo, Yé anlé gipawe lé ke ka vole drɔɔ nya, é ’ka dan sɛrɛ lɛ pelo. Gakelebale lé a nyanai éé zén‐é i ta, yee ɛ fe.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Ézai 56:1

Gakelebale léma: Kalé tawogane ’é drɔ tegele yé ’ka we tegele kɛlɛ; naa, é vo sɛ yé an dan ka si lɛ we gi, yé anlé wetegele na é dan gɔɔn lɛ é kele,

Ézai 66:22

Naa, la dɛrɛ valé tɛrɛ dɛrɛ lé maa dan wo kɛlɛ lɛ, wo dan vo lɛ yifaama an yuɛ gi fɛan zo, a zo lé ka kulu valé ka tɔ é dan vo lɛ ana yifaama. Gakelebale ɛ fe.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Ézékiɛl 16:60

Naa, gipawe lé maa a kɛlɛ i va i boronéla bléyi va, a sele é dan dɔ lɛ an gi, yé gipawe lé éé voo ana lɛɛfaama, maa dan a kɛlɛ lɛ i va.

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

Malasi 1:13

Yé ka léé: Mɛ wɔlɛinyaamawe lé ke bɛɛ? ’Té ka lɔlu kplililii bo a ma. A zo lé lai sunyanu lé Gakelebale a fe. Tunbowi lé ka a kyeenwo, ’té é zanai, yee lé ka dan a nya yé ka a kɛla an banfɛ nya. Maa dan ’bɛ ban‐ɛn ble lɛ kaa? A zo lé Gakelebale a fe.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

2 Tɛsalɔnik munu 3:5

Yé Mizan ’é go ka nya Kazambale lé sɔlɛle va, é valé Krist lé bli tiéé va ma.