Ézai 61:3 - Kazambale lé Sebe Sauunu 1979

³ Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Ézai 61:3 ပူးပေါင်းရင်းမြစ်များ

Esitɛɛ 8:15

Maadosé si minwiinzan blɛn lé fɛna, ’té tɔvarɔ lé a yuɛɛ ke glayiayou valé é fu nya bɛ, é a a ta; ’té kyankoro blɛn a a ’wuo ma, ’té lɛnsɔ varɔ blɛn ti drɔndrɔn a é zénle a ta. Fla blɛn Suz munu siaa ginanale blɛn nya.

Esitɛɛ 9:22

Yi ’konu nya lé wo vo wobo ma wobozen sile nya ’wo nyanézannu lee. Yé yee moné lé wolé bli kyɛdɔle nɔla ginanale nya yé di kinile wo gi nɔla wolé fɛti kɛlɛle nya bɛ, a sele ’é dɔ wo gi, yé wo yee yi ’konu kɛlɛ fɛti valé ginanayinu nya, ’té woo blɛ kɛla ’wo ke lɛ, yé munu lé we do ’ka wo lee lo, ’té woo fɛ no ’bɛnu lɛ ’bɛ yi nya.

Lɛrɛvɔ Sɛbɛ 104:15

Yé nwɛ lé éé mi gi nanaan, Yee valé nyɔnɔ lé éé mi yara kɛla yɔrɔyɔrɔ, éé wo bɔraan, É valé buru lé éé mi dɔa plɛplɛ, wo nya.

Lɛrɛvɔ Sɛbɛ 149:4

Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

Lɛrɛvɔ Sɛbɛ 23:5

I fɛblele no an lɛ, ’té maa blé An nyanémunu yuɛ va. I nyɔnɔ zén‐é an nwiin, Anlé ’yiminikana éé zanaan a ma.

Lɛrɛvɔ Sɛbɛ 30:11

Gakelebale, ’i tɔné dɔ an lɛ; ’i nyanai zén an ta. Gakelebale, ’i bɔ an va.

Lɛrɛvɔ Sɛbɛ 30:12

’I anlé wuvɔlenu nɔla ginanale lé éé giéan é glɛ ta, a nya, ’I wuvɔ voli si an ta yé i ginanale nɔ an lɛ a pa gi,

Lɛrɛvɔ Sɛbɛ 45:7

Baleoo, Bale, wo ’ka dan ilé webleblin si lɛ i lee monomono lo; Ilé pla mi nwiin soowolivwii a we tegele vwii nya.

Bale Lé We Gifezan 9:8

’I sɔ fu zén i ta yifaama, ’i nyɔnɔ gié i nwun ma yifaama.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 26:2

Wo flagɔrɔ lɛ so, ’Ka zi nɔ yarapawela bɛn tegele lɛ léé, ’wo wɔra.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Jérémi 31:13

Yé leboronénu é dan nɛnɛ bo lɛ gi nanale nya, Pɛniɛnu valé mi kwanu gi é dan nana lɛ é ziin; Maa dan wolé gyɛbole nɔla lɛ gi‐nandale baba nya, yé maa dan wo tɔrɔ paa lɛ; Yé maa dan ginanale nɔ lɛ wo lɛ wo bli kyɛdɔle pa gi.

Ézékiɛl 34:29

Féi lé a tɔ ke é bɔle, maa dan a pa lɛ wo lɛ. Lɔrɔ ’ka dan wo gyɛ lɛ é dɛrɛ tɛrɛ ’ko la lo, yé bɛnnu ’ka dan serele bo lɛ wo ma é dɛrɛ lo.

Ézékiɛl 47:7

Dé é go an nya an pa gi, maa a ye léé, yili kiɛre ana ’yi ’ko gɔ ’wuo fiénu la.

Zakari 3:5

Yé maa léé: ’Wo nɔɔn zima vuru a ’wuo ma ma. Yé wo nɔɔn zima vuru a ’wuo ma, yé wo sɔ zén a ta. ’Té Gakelebale lé lanje ana.

Matio 15:13

Jézu a zi pa léé: Fɛ faa lé Lagi Ti ’ka a vɔ lɛ lo, wo dan wo soowɔla lɛ.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

WENÉNÉ LÉ LUK A GYE (Évangile selon Luc) 15:22

Naa, a ti lé é wuozannu lɛ léé: Varɔ lé é ke é zima é mini varɔ faa ta, ’ka da a nya fiéfié, yé ’ka a nɔ a lɛ. Yé ’ka bɛmafɛ nɔ a lɛ, yé ’ka sawala nɔ a lɛ.

WENÉNÉ LE JAN A GYE (Évangile selon Jean) 15:8

Dé ka baan di, ’bɛ a gɔɔn léé, ka a an zuomunu nya, yé ’bɛ é dan an Ti tɔ bié lɛ.

WENÉNÉ LE JAN A GYE (Évangile selon Jean) 16:20

Maa fe ka lɛ kyɔ webozen nya, ka dan wuvɔ lɛ, yé ka dan gyɛ bo lɛ, yé tɛrɛlamunu gi é dan nana lɛ. Ka gi kyɛ é dan dɔ lɛ, naa, kalé gi kyɛ dɔle é dan nɔla lɛ gi nanale nya.

1 Korent munu 3:9

Naa, konu valé Kazambale éé nyanama paan ékeva. Ka a Kazambale lé féi nya; ka a Kazambale lé kɔn nya.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

2 Tɛsalɔnik munu 1:10

We ’ko é dan kɛlɛ lɛ yian nya lé é dan élé fua tagɔɔn lɛ élé munu gi, yé munu é dan Jézu ze vɔ lɛ ’bɛ yi nya, munu faa lé wo bli vo a lɛ, wolé we ma. Naa, wenayedére lé ko a fe ka lɛ, ka bli vo ’bɛ lɛ.

Ébrunu 1:9

Bale, we tegele sɔ i lɛ, yé weple za a i gi, Amalé ilé Bale gi nanale lé nyɔnɔ zén i nwiin Yé é gié i yɛramamunu zé ta.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Piɛri 4:14

Dé wo ka sɔnɔ Krist tɔ ma, kazé a néné, naa, fuasan Léli, Kazambale Léli, é a ka ta.