Ézai 60:9 - Kazambale lé Sebe Sauunu 1979

⁹ Naa, wɛyiworona tɛrɛ la munu lé wo bli ke an lɛ, wonu lé; Taasis lé ’yitagoronu a zi ’lɛ, ’Té wo si ilé nénu nya baa, Wo valé wolé gɔɔlifu valé wolé kyan nya, Gakelebale, ilé Bale tɔ lé we ma, Izraɛl lé Mi Sauun lé é i tɔ kɛla blɛn, alé we ma.

Ézai 60:9 ပူးပေါင်းရင်းမြစ်များ

Wepélisiananu 9:27

Jafɛt lé fɛna ’é kɛlɛ blɛn ma. ’É nyana Sɛm lé sɔkɔn wuo ma. Yé Kanaan ’é kɛlɛ wolé luu nya ma.

1 Minwiinzannu 10:1

Tɔ lé Salomɔn a ye Gakelebale tɔ kɛlɛle blɛn we gi, Séba munu nwiin le a tawe ’ma aan wo, é da Salomɔn gi dan lɛ tɔraléé gyɛle nya.

1 Minwiinzannu 10:22

Naa, minwiinzan lé Taasis ’yitagoro a wɛyi ta Iiram zé va; ’yitagoronu éé sié Taasis lɛɛ yaa gɔnɔ do, ’té kyan koo, gɔɔlifu koo, vwii suiɛ koo, palenu koo, pan‐ɔnnu koo, é a wo gi.

1 Minwiinzannu 22:48

Minwiinzan blɛn ’ka Édom lo; gbɔrɔnama ɛ ke é plale wo nwiin.

1 Minwiinzannu 8:41

Bɛn lé é ’ka ilé munu Izraɛl bɛn nya lo, dé é si tɛrɛ baa ta i tɔ lé we ma . . .

Lɛrɛvɔ Sɛbɛ 48:7

Wo ma kun nyɔɔnle ma, Bélé lezan lé é ke né yaana, alé nyané blele zo.

Lɛrɛvɔ Sɛbɛ 72:10

Taasis munu nwiinzan blɛnnu valé ’yiworonatɛrɛ nwiinzannu, wo dan vagɔɔli banwo lɛ a lɛ, Séba valé Saba munu nwiinzan blɛnnu wo dan blɛ kɛlɛ lɛ a lɛ.

Lɛrɛvɔ Sɛbɛ 97:1

Gakelebale a é plale mi nwiin; tɛrɛ gi ’é nana ginanale blɛn nya ma; Tɛrɛ kiɛre lé ke wɛyi méléna, wo gi é nana blɛn ma.

Fwile 33:19

Gakelebale a zi vɔ léé: Maa dan anlé zin faa gié lɛ i ’lɛ, yé maa dan Gakelebale tɔ fe lɛ i lɛ; dé é sɔ an lɛ léé, maa zin kɛla mian lɛ, a lɛ lé maa zin kɛla, yé dé é sɔ an lɛ léé, an nyanai zén mian ta, a ta lé an nyanai éé zén‐é.

Wegɔnévɔlenu 18:20

Mi dére ma lé mi éé kaan, a lɔlu ma lé lɔrɔ éé sié a ma.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 2:16

Taasis munu lé ’yitagoronu faa koo, yuɛibɔfɛnu faa koo, Gakelebale é dan nwa lɛ wo ma.

Ézai 24:15

’Ka Gakelebale tɔ bɔ fɛana lé san ke bina, ana; ’ka Gakelebale Izraɛl lé Bale tɔ bɔ wɛyi méléna tɛrɛnu ta.

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

Ézai 42:4

A fuu ’ka dan si lɛ a ta lo yé é ’ka dan nyana lɛ lo, Fɔɔ yé é wetegele dɔ tɛrɛ la gligli, Yé wɛyi worona tɛrɛ tamunu bli é vo alé bélidɔwe lɛ.

Ézai 43:4

I wea an lee, I tɔ a é bɔle yé i sɔ an lɛ, Amalé maa munu nɔ i pa gi, Yé maa migɔnɔnu nɔ i vole é yuɛma we gi.

Ézai 43:6

Maa dan a fe lɛ yirinwana bɛbolazia lɛ léé, ’i wo nɔ. Maa dan a fe lɛ yirinwana bɛyilazia lɛ léé, té i kun wo ma lo. ’Ka an benu si tɛrɛ baanu ta, ’ka da wo nya, ’Ka an lunu si tɛrɛ glɛ sina, ’wo da.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Ézai 49:1

Wɛyiworona tɛrɛ lamunu, ’ka tɔné dɔ. Tɛrɛ baa lamunu, ’ka an ban ka tɔné nya. Gakelebale an laa an yaabléyi va, An bu lé an yaale tɔɔn é an tɔ pa.

Ézai 49:22

Mizan Gakelebale léma: Ka ye, maa dan an bɛ soi lɛ bɛnnu vazia, Yé maa dan anlé drapo nwa lɛ munu vazia; Wo dan da lɛ i benu nya ’wo bɛ gi, Yé wo dan da lɛ i lunu nya ’wo bɛapa ta.

Ézai 51:5

Anlé wetegele kɛlɛle bɔ é pu, anlé mi sile we gi é dan bɔra lɛ, An dan munu lé we ble lɛ an bɛ nya; Wɛyiworona tɛrɛ lamunu bli é dan kɛlɛ lɛ an lɛ, Dé wa an bɛ gi, wo gi é dan san lɛ wo ma.

Ézai 55:5

Bé ye, bɛnnu lé i ’ka wo dɔɔa lo, i dan wo laa lɛ, Yé bɛnnu lé wo ’ka i dɔɔa lo, wo dan go lɛ vlan nya i va, Gakelebale, ilé Bale lé we ma, Izraɛl lé Mi Sauun lé éé i tɔ kɛla blɛn, ’bɛ lé we ma.

Ézai 57:17

An bli fli wo ma yé maa wo bla wo bli blɛn lé we ma; an wɛwɛ lé we ma lé maa yɔɔ wo lee, yé bɔrɔvɔɔzan go élé blibɔmazi ta.

Ézai 60:4

’I yuɛ bɔrɔ i zi, bé nagini; Mi faa a zénna ékeva, wa dana i va, I benu a sina baa yé wo da, Wa dana i lunu nya ’wo bɛ gi.

Ézai 60:6

Nyɔgɔmé kiɛre é dan kɛlɛ lɛ ilé tɛrɛ la, Nyɔgɔménu lé wo si Madian valé Éfa, woo lé. Wo dan si lɛ Séba tɛrɛ la, Wo ta kɔné lé ke kyan valé lasikɔrɔpo nya. Yé wo dan Gakelebale tɔ ma gyɛ lɛ.

Ézai 66:12

Gakelebale léma: Maa dan vole drɔɔ nɔ lɛ a lɛ bélé yuu zo. Maa dan bɛnnu lé fua nɔ lɛ a lɛ bélé ’yiyoro lé é bɔra ’é gɔ la, a zo. Yé ’bɛ é dan kɛlɛ lɛ kalé fɛblele nya; wo dan ka si lɛ ’wo bɛ gi, wo dan ka si lɛ ’wo bɔrɔ la.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 30:19

Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

Ézékiɛl 39:7

Maa dan an tɔ sauun nagɔɔn lɛ anlé munu Izraɛl lɛ, yé maa ’ka dan a nyi si lɛ léé, wo an tɔ sauun sɛrɛ é dɛrɛ lo, yé bɛnnu é dan a gi dɔɔ lɛ léé, maa lé ke Gakelebale nya, Izraɛl lé Mi Sauun nya.

Misé 4:13

Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya.

Misé 7:12

’Bɛ yi la, munu é dan si lɛ Asiri tɛrɛ koo, Éjipiti tɛrɛ la fla blɛnnu koo, wona, é sia Éjipiti ma fɔɔ yé é bɔ yuu ma, é sia wɛyi do ma yé é bɔ a koɛ ma, é sia gɔ do ma yé é bɔ gɔ koɛ ma, wona munu é dan da lɛ ka va.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Zakari 14:14

Juda é dan pa lɛ Jérusalɛm va, yé wo guli dan. Wo dan ’wo zi bɛntɛrɛnu lé fuafɛnu zun dɔ lɛ, kyan koo, gɔɔlifu koo, sɔ kiɛre kiɛre koo, woo lé.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 17:26

Maa i tɔ gɔɔn wo lɛ, yé maa dan a gɔɔn lɛ wo lɛ é ziin, sɔlɛle lé an sɔ i lɛ a nya, a kɛlɛle wo gi valé an kɛlɛle wo gi we ma é ziin.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Galasi munu 3:26

Naa, ka faa a Kazambale benu nya, blivole Jézu Krist lɛ we ma.

Galasi munu 4:26

Naa, lagi loru Jérusalɛm a miné lu nya. Yee ɛ ke kaa bu nya.

Jozué 9:9

Wa zi pa léé: I wuozannu si tɛrɛ baa baa boen ta, Gakelebale izé Bale tɔ kɛlɛle blɛn lé we ma; alé we lé wa fe, ko a ’ma, we faa lé é a kɛlɛ Éjipiti tɛrɛ la