Ézai 60:4 - Kazambale lé Sebe Sauunu 1979

⁴ ’I yuɛ bɔrɔ i zi, bé nagini; Mi faa a zénna ékeva, wa dana i va, I benu a sina baa yé wo da, Wa dana i lunu nya ’wo bɛ gi.

Ézai 60:4 ပူးပေါင်းရင်းမြစ်များ

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 14:2

Bɛn bɛ gi munu é dan Izraɛl si lɛ yé wo go wo nya Izraɛl lé tɛrɛ la, yé munu lé ’bɛnu da wo nya bɛ, ’bɛnu é dan kɛlɛ lɛ Izraɛlnu leegɔnénu valé wo leelomu nya, Gakelebale lé tɛrɛ la. Munu lé wo kɛlɛ ’bɛnu lé luu nya, ’bɛnu é dan kɛlɛ lɛ woé luu nya, yé wo dan pla lɛ yaawotazannu nwiin.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 43:6

Maa dan a fe lɛ yirinwana bɛbolazia lɛ léé, ’i wo nɔ. Maa dan a fe lɛ yirinwana bɛyilazia lɛ léé, té i kun wo ma lo. ’Ka an benu si tɛrɛ baanu ta, ’ka da wo nya, ’Ka an lunu si tɛrɛ glɛ sina, ’wo da.

Ézai 49:12

Wo lo, wo si baa, A kenu si yirinwana bɛbolazia valé yirivɔnazia, Yé a kenu si Sinim tɛrɛ la.

Ézai 49:17

I benu é dan é kele; Munu lé wo i sɛrɛ yé wo i guru zana a gi, Wo dan si lɛ i méléna.

Ézai 49:18

’Ka yuɛ bɔrɔ ka zi yé ’ka nagini; Wo faa a zénna ékeva yé wo da i va. Gakelebale léé: Maa a é yuɛma. I dan wo zén lɛ i ta bélé ’lɛrɛfɛ zo, Wo dan ’lɛrɛ lɛ, bélé le lé ébo ma’lɛrɛ é bwɛ lɛ, a zo.

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Misé 7:12

’Bɛ yi la, munu é dan si lɛ Asiri tɛrɛ koo, Éjipiti tɛrɛ la fla blɛnnu koo, wona, é sia Éjipiti ma fɔɔ yé é bɔ yuu ma, é sia wɛyi do ma yé é bɔ a koɛ ma, é sia gɔ do ma yé é bɔ gɔ koɛ ma, wona munu é dan da lɛ ka va.

Agajé 2:7

maa dan bɛnnu faa ma nyɔɔn lɛ; bɛnnu faa lé fɛwezannu é dan da lɛ yé maa dan kɔn ’ko fan lɛ fuafɛnu nya. A zo lé lai sunyanu lé Gakelebale a fe.

Matio 8:11

Naa, maa lé ka lɛ léé, munu kiɛre é dan si lɛ yirinwana valé yirivɔnazia, yé wo dan fɛ ble lɛ Abraam koo, Izak koo, Jakɔb koo, wo va, Kazambale lé fla.

WENÉNÉ LE JAN A GYE (Évangile selon Jean) 4:35

Ka ’ka a fena léé, é vo moné ziɛn yé wo ’sa gyɛ bɛ loo? Ka yua bɛ, ’ka yara nwa yé ka féinu nagini. Wa é tanale wo gyɛle yɛrama.

Kelewenu 13:44

Yee flinyi bɛ bɔ aan wo, é vo sɛ yé flamunu faa ’é zén ékeva Kazambale dére ’male we gi.