Ézai 6:7 - Kazambale lé Sebe Sauunu 1979

⁷ É a zun an lɔ ma yé é léé: Fɛ ’ko mane i lɔlu ma; amalé ilé weple si i lee yé ilé wenyané ’yibo.

Ézai 6:7 ပူးပေါင်းရင်းမြစ်များ

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 53:5

Kolé wenyané ma lé é tuo, Kolé weplenu ma lé wa ’wii; We lɛ lé é a kɔɔn lé wa dɔ ko gi, é dia yee ɛ ta, yé ko vo drɔɔ, Yé a tuolenu ma lé ko béli.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Jérémi 1:9

Yé Gakelebale é bɛ soi, yé é bɛ mane an lɔlu ma. Yé é lé an lɛ léé: Bé ye, maa an dérenu pa i ’léé.

Daniɛl 10:16

Yé bé ye, mi do lé é ke bélé blaminu zo, é mane an lɔlu ma. An ’léé fuo yé mi lé é ke é dɔle an ’lɛ bɛ, maa lé a lɛ léé: Anzan, yuɛziwe ’ko é an gi nyɛ blɛn kini yé anlé plɛplɛ faa si an lee.

Sofoni 3:9

Yé maa dan dére tegelenu nɔ lɛ migɔnɔnu lɛ, léé, wo faa é Gakelebale tɔ laa, a bɔle bli do nya we ma.

Zakari 3:4

Yé lanje we fe munu lé wo ke a ’lɛ, wo lɛ léé: ’Ka sɔ tiridɔle si a ta. ’Bɛ zuo é lé Jozué lɛ léé: Bé ye, maa ilé weplenu si i ma, yé maa fɛtikɛlɛsɔ zén i ta.

Mi Nɔnɔle 16:46

’I kyɛnyɛsibɔ si, yé kyɛ lé é ke balebanna ta, bé ke si, bé zén a gi, yé i lasikɔrɔpo pla a ta, yé ’i go zén‐ékevamunu vazia é nya do, yé ’i wolé wenyané ’yibo; naa, Gakelebale fuo wo ma yé migyɛgyɛ kun mi gyɛle ma tɛkɛ.

Matio 9:2

Yé munu da furuagyɛzan nya a va é yiale yialafɛ ta. Jézu a ye aan wo léé, wo bli a ’é lɛ, yé é lé furuagyɛzan lɛ léé: Anlé né, ’i bli ta dɔ plɛplɛ. Maa i ma we vo ilé wenyanénu ma.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.