Ézai 6:3 - Kazambale lé Sebe Sauunu 1979

³ Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Ézai 6:3 ပူးပေါင်းရင်းမြစ်များ

Ezidras 3:11

Wo lɛrɛ vɔ yé wo Gakelebale tɔ kɛlɛ blɛn yé wa tɔ zin fe dére ’konu nya: Naa, é a é zin; naa, alé nyanai zénle Izraɛlnu ta éé voo ana yifaama. Yé munu faa Gakelebale tɔ kɛlɛ blɛn ginanale lé siaalenu nya léé, wa Gakelebale lé kɔn gane vɔna.

Lɛrɛvɔ Sɛbɛ 57:11

Naa, ilé zin éé bɔa fɔɔ la ma, Yé i yarapale we ta éé bɔa fɔɔ latinu la.

Lɛrɛvɔ Sɛbɛ 66:2

’Ka alé fua tɔ vɔ lɛrɛ nya, ’Ka alé fuasan nwa a tɔ zin fele nya,

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Lɛrɛvɔ Sɛbɛ 8:2

Gakelebale, kozan, I tɔ a blɛn tɛrɛ faa la. Ilé fuasan blɛn éé nwaan lanu ta loru.

Lɛrɛvɔ Sɛbɛ 90:16

’I ilé nyanama gɔɔn i wuozannu lɛ ma, Yé wolé nénu i dɔɔ mi blɛn nya ma.

Lɛrɛvɔ Sɛbɛ 97:6

Lanu alé we tegele zana dɔɔan, Yé migɔnɔnu faa alé fua yé.

Lɛrɛvɔ Sɛbɛ 99:3

I tɔ lé é ke blɛn yé éé kana zén‐é mi gi, ’wa bié ma. A ’lɛ a.

Lɛrɛvɔ Sɛbɛ 99:9

’Ka Gakelebale, kolé Bale tɔ kɛlɛ blɛn, Yé ’ka dia ka bli ta a ’lɛ, gɔblɛn ’lɛzan nwiin. Naa, Gakelebale, kolé Bale ’lɛ a.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Ézai 24:16

Ko munu lé lɛrɛvɔle ’ma tɛrɛ glɛ sina yé wo léé: Mi tegele tɔ ’é nwa ma. Naa, maa léé: Maa a é sanleoo, maa a é sanle! We tɔntɔn kɛlɛ an lɛ. Fɛsiéglanyazan, éé fɛ sié gla nya, fɛsiéglanyazan é ébo no élé glawe kɛlɛle lɛ.

Ézai 40:5

Yé Gakelebale lé fua ta é dan bɔra lɛ, Yé mi faa é dan a ye lɛ a bléyi duo nya; Maa Gakelebale ɛ fe, azama.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézékiɛl 43:2

Yé bé ye, Izraɛl lé Bale lé fuasan si yirinwanazia yé é bié. A dére a bélé ’yi blɛnnu vun zo, yé tɛrɛ kɛlɛ nyananyana alé fuasan nya.

Ézékiɛl 44:4

É go an nya yirinwana bɛbolazia gɔrɔ ’léé kɔn yara zia. Maa nagini, ’té Gakelebale lé fuasan a Gakelebale lé kɔn fanna. Yé an dia an bli la.

Abaku 2:14

Naa, Gakelebale lé fuatɔ dɔɔle é dan fan lɛ tɛrɛ la bélé wɛyi a é fanle fɛan zo, a zo.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Mi Nɔnɔle 14:21

Naa, maa a é yuɛma, yé maa Gakelebale lé fuasan é dan tɛrɛ faa fan lɛ.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,