Ézai 6:2 - Kazambale lé Sebe Sauunu 1979

² Sérafɛnnu a é dɔle a wuo; wo faa do do bɛa a suiɛdo suiɛdo; wo bɛa fié a wo yarayɔɔfɛ nya; wo bɛa fié a wo gane tayɔɔfɛ nya, yé woo sié a fié nya.

Ézai 6:2 ပူးပေါင်းရင်းမြစ်များ

Wepélisiananu 17:3

Abram dia é bli la yé Kazambale we fe a lɛ yé é léé:

1 Minwiinzannu 19:13

Éli a ’ma aan wo é sɔ bua é yara yé é bɔra yé é dɔ gɔmaguru ’léé. Yé bé ye, dére do lé a lɛ léé: Éli, i a mɛ kɛlɛna ’koo?

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

1 Minwiinzannu 6:24

Sérubɛn do bɛa torole a mɛtrɛ fié é buu, ’bɛ gi léé, é sia a bɛa do zɔ ma fɔɔ yé é bɔ a bɛa koɛ zɔ ma é a mɛtrɛ soru.

1 Minwiinzannu 6:27

Salomɔn sérubɛnnu dɔ fɛna sauun tinle na kɔnguru ma. Wo bɛanu a é soile; a vininzan bɛa do bɔ kɔnguru do ma yé a fiézan bɛa do bɔ kɔnguru koɛ ma; yé wo bɛa koɛnu zɔ kee kɔn méléna.

1 Minwiinzannu 8:7

Sérubɛnnu bɛanu a é soile Bale lé kɛsu dɔrana ta loru, yé wo furɔ zén kɛsu valé é siyilinu ta.

Néémi 9:6

Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

JOB (Job) 1:6

Yi do nya Kazambale benu da wolé we zuo fe lɛ Gakelebale lɛ, yé Satan da wo va.

JOB (Job) 15:15

Dé Kazambale ’ka paan élé mi sauunnu ta lo ’naan, Dé lanu gi ’ka é bɔle a yuɛ gi lo ’naan,

JOB (Job) 4:18

Dé Kazambale bli ’ka é wuozannu lɛ lo, Dé éé tavowe yé élé lanjenu va,

Lɛrɛvɔ Sɛbɛ 103:20

Ka lé ka ke alé lanjenu nya, ’Té ka ke plɛplɛ é baba, ’té ka tawoo alé bélidɔwenu ta, ’Té ka a dére lɛdɔama, ’ka Gakelebale drɔɔ vo.

Lɛrɛvɔ Sɛbɛ 104:4

Éé funu kɛla élé nwunvɔzannu nya, Éé kyɛnɛnɛnu kɛla élé nyanamapazannu nya.

Lɛrɛvɔ Sɛbɛ 18:10

É lanu tua, yé é zun. Lati borozan a a gane wuo.

Lɛrɛvɔ Sɛbɛ 89:7

Naa, lagimunu va, mi kyɛn ɛ bɔa ébo danle lɛ Gakelebale maa? Bale benu va, mi kyɛn ɛ ke bélé bii zoo?

Fwile 25:20

Sérubɛnnu é dan wo bɛa soi lɛ a ta loru yé wo nyanai zén mi la nyanana ta bua a nya, ’té wa wo ke yara ma; sérubɛnnu é dan wo yara dɔ lɛ nyanai zén mi la nyanana ta.

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 37:9

Sérubɛnnu ’wo bɛa soi a ta loru yé wo nyanai zén mi la nyanana ta bua a nya, ’té wa wo ke yara ma; sérubɛnnu wo yara dɔ nyanai zén mi la nyanana ta.

Ézai 6:6

Sérafɛn do kyɛnyɛ do si balebanna nyaun nya, yé é da an va sile nya, ’té yee kyɛnyɛ a a lee.

Ézékiɛl 1:11

Wo yaranu valé wo bɛanu a é sile ékema loru. Wo bɛa fié a é vɔle é ke ’léé, yé wo bɛa fié éé buaan wo kɔlɛ ta.

Ézékiɛl 1:24

Dé wo tawo, maa wo bɛanu vun ’ma bélé ’yi blɛn vun zo, bélé Plɛplɛfaazan Bale dére zo. A vun a plɛplɛ; a gi éé wé bélé sunya gu blɛɛn zo. Dé wo dɔ wo bɛanu éé plaan.

Ézékiɛl 1:4

Maa a nagini, ’té fu plɛplɛ koo, lati blɛn koo, kyɛnɛnɛ kunu do lé a san éé zi kinié fɛfaana wéiin, ’bɛ koo, ’té woo sié yirinwana bɛbolazia, yé maa wo ye. Fɛ lé é ke bélé zéné lé wa ma gɔrɔla, a zo, ’té éé bié, maa a ye kyɛnɛnɛnu va lati méléna.

Ézékiɛl 1:6

Wo faa do do yara a ziɛn, yé wo faa do do bɛa a ziɛn.

Ézékiɛl 1:9

Wo bɛa éé vɔa é ke ’léé. Dé wa tawona, wo ’ka plinma lo, naa, wo faa do do éé tawoo é drɔle tegele é ’lɛzia.

Ézékiɛl 10:16

Dé sérubɛnnu a tawona, ’té ganenu éé tawoo wo sɔnɔ. Yé dé sérubɛnnu wo bɛanu soi sile we ma, wo ganenu é ziin, wo ’ka diéraan wo zuo lo.

Ézékiɛl 10:21

Wo faa do do yara a ziɛn ziɛn, yé wo bɛanu a ziɛn ziɛn, yé fɛ lé ke bélé mi bɛ zo é a wo bɛanu wuo.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Daniɛl 9:21

Maa a tan anlé bazoro dére fena tɔɔn, mi lé wa laama Gabriɛl, ’té maa a ye é vinin yuɛzi gi, é da sile plɛplɛ nya yé é bié an sɔnɔ nyanadi balebanbléyi va.

Zakari 3:4

Yé lanje we fe munu lé wo ke a ’lɛ, wo lɛ léé: ’Ka sɔ tiridɔle si a ta. ’Bɛ zuo é lé Jozué lɛ léé: Bé ye, maa ilé weplenu si i ma, yé maa fɛtikɛlɛsɔ zén i ta.

WENÉNÉ LÉ LUK A GYE (Évangile selon Luc) 1:10

Lasikɔrɔ kyɛ ble bléyi va, munu faa vo bazorona béera.

Ébrunu 1:7

Yé é ziin, é lé lanjenu ma léé: Yee ɛ élé lanjenu kɛla bélé fu zo, Yé yee ɛ é wuomunu kɛla bélé kyɛnɛnɛ zo.

Wegɔɔnle 14:6

Maa lanje do ye é ziin sina la méléna, ’té Wenéné lé é ’ka nyaan lo, é a a lee, a fele tɛrɛlamunu lɛ we gi, bɛntɛrɛ faa koo, bɛn faa koo, dére faa koo, migɔnɔ faa koo, woo lé.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

Wegɔɔnle 7:11

Yé lanjenu faa dɔ webleblin koo, mi segelenu koo, fɛ yuɛmale ziɛn koo, wo zi; ’té woo buaan ’wo yara webleblin ’lɛ, ’té woo Kazambale bɔa,

Wegɔɔnle 8:13

Maa a nagini yé gola lé é ke sina la méléna, maa a dére plɛplɛ ’ma yé é léé: We tɔntɔn, we tɔntɔn, we tɔntɔn é dan kɛlɛ lɛ tɛrɛlamunu lɛ, béli bɛ yaa lé lanje yaa é dan a fɛn lɛ bɛ, alé we ma.