Ézai 6:1 - Kazambale lé Sebe Sauunu 1979

¹ Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

Ézai 6:1 ပူးပေါင်းရင်းမြစ်များ

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

2 Minwiinzannu 15:7

Azaria yi gyɛ é tranu va yé wa pa é tranu va David lé fla. Yé a be Jotan pla munu nwiin a pa gi.

2 Minwiinmunu lé Wezuofe Sɛbɛ 18:18

Yé Misé léé: ’Ka Gakelebale dére ’ma ma. Maa Gakelebale ye é nyanale élé webleblin ta, yé lanu lé sunyanu a é dɔle a bɛyila valé a bɛbola.

JOB (Job) 42:5

Maa i tawe ’ma an tɔné nya é wo; Naa, maa i ye sin an yuɛ nya.

Lɛrɛvɔ Sɛbɛ 108:5

Naa, ilé zin a blɛn fɔɔ é bɔ lai, Yé i yara pale we ta éé bɔa fɔɔ lafunu ta.

Lɛrɛvɔ Sɛbɛ 113:5

De ɛ ke bélé kozé Bale, Gakelebale zoo? A nyanana a loru;

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Fwile 24:9

Moizi gɔ gié Arɔn koo, Nadab valé Abiu koo, Izraɛl lé mi segelenu yɔ yaa wɔlɛ vu koo, wo nya ’é va.

Ézai 1:1

We lé Amosi be Ézai a fe balelawefele nya Juda valé Jérusalɛm ma, yee lé ke ’ko. É a fe Ozias koo, Jotam koo, Akaz koo, Ézékia koo, wo plale Juda munu nwiin bléyi va.

Ézai 12:4

Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 66:1

Gakelebale léma: La a an nyanala blin nya, yé tɛrɛ a a ganedɔralafɛ nya. Mɛ kɔn lé ka dɔa an lɛ yé fɛ kyɛnna lé ka ana nɔ an lɛ an nyanana nyaa?

Ézékiɛl 1:1

A lɛɛ yɔ do wɔlɛ vuzan lé moné ziɛnzan lé yi soruzan nya, ’té maa a luugimunu va mi do nya Kébaa yuu sɔnɔ. La lɛ so an lɛ, yé yuɛzi wenu si Bale va yé maa a ye.

Ézékiɛl 10:1

Maa a nagini, ’té fɛ do lé é ke safiigɔlɛ zo, é a la lé é ke é dunle baworona sérubɛnnu nwiin loru, a ta. Yé fɛ do a wo ta loru, fɛ lé é ke bélé webleblin zo, yee lé.

Ézékiɛl 10:4

Gakelebale lé fuasan nwa sérubɛnnu ta, yé é yara dɔ kɔn ’léé zia. Kɔn fan lafu nya, yé kɔngɔrɔ gi fan Gakelebale lé fua tɔbɔle nya.

Daniɛl 10:17

Anzan, i wuozan é bɔa wefele lɛ kaa? Sin, an fuu do kpen ’ka an ta lo, an tunu an gi.

Daniɛl 7:9

Maa a naginina bléyian va, ’té woo webleblinnu dɔraan. Yé mi kwa lé ke yinu ’lɛ, é nyana. Alé sɔ a fu tata bélé tɔrɛ zo. A nwiin nwinnu a bélé ’blakyɛɛ zima zo. Alé webleblin a bélé kyɛnɛnɛnu zo, yé alé webleblin ganenu a bélé kyɛnyɛ zo.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 12:41

Bléyian va lé Ézai Mizan lé fuasan ye, é we ’konu fe, yé é a ma we fe.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

Wegɔɔnle 15:8

Balebangikɔn lé fɛna sauun fan Kazambale ta kyɛgoi lé é ke alé fuasan valé alé plɛplɛ nya, a nya; yé mi do kpen ’ka bɔa wɔrale lɛ Balebangikɔn gi lo, fɔɔ yé lanje sɔrafié lé migyɛgyɛ sɔrafié lɛ é sɔɔ.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 4:2

Tɔɔn yé maa si an pɔlɛ gi yé an nɔla miléli nya. Yé bé ye, webleblin a la gi, ’té mi do a é nyanale yee webleblin ’ko ta.

Wegɔɔnle 4:3

Mi lé é ke é nyanale é a bélé jasipegɔlɛ valé saadɔanegɔlɛ zo; yé webleblin zi lɛ a é sɔɔle bɔmlɛ lé é ke émérodegɔlɛ zo, a nya.

Wegɔɔnle 4:9

Webleblin tazan lé é ke é yuɛma lɛɛfaama, bléyian va lé fɛ yuɛmalenu a a tɔ zin fena, ’té wa tɔ bɔa, ’té wa bɔ vɔa,

Wegɔɔnle 5:1

A zuo maa sɛbɛ do ye webleblin tazan bɛyi lee. Wo sɛbɛ gyɛ a gi valé a lala yé wa lɛ tan zɔrɔkaanyɔɔ sɔrafié nya.

Wegɔɔnle 5:7

É da, yé é sɛbɛ si webleblin tazan bɛyi lee.

Wegɔɔnle 6:16

Yé wo lé gɔnu valé gɔlɛnu lɛ léé: ’Ka dia ko ta, yé ’ka ko ta yɔɔ fuablintazan yara valé ’Blané lé bliflile lee;