Ézai 57:5 - Kazambale lé Sebe Sauunu 1979

⁵ Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Ézai 57:5 ပူးပေါင်းရင်းမြစ်များ

1 Minwiinzannu 14:23

Wo é ziin, wo gɔ nwiin yobannanu kɛlɛ, ’té yofoto valé miyilinu a gɔ faa nwiin valé yili drɔɔdrɔɔ faa wuo.

2 Minwiinzannu 17:10

Wo miyilinu valé yofotonu dɔ gɔ grɔgrɔ faa nwiin valé yili drɔɔdrɔɔ faa wuo.

2 Minwiinzannu 17:7

Gakelebale, Izraɛl munu lé Bale, lé é wo si Éjipiti tɛrɛ la, Éjipiti nwiinzan blɛn Faraɔn lee, Izraɛl munu wenyané kɛlɛ a ma yé wo kana bale bɛnu lee, amalé we ’ko bɔ.

2 Minwiinzannu 23:10

Tofɛt lé ke Inom kulunu lé gɔ méléna, minwiinzan blɛn a sɛrɛ, léé, dé mi be léé, ɛɛ, dé a lu léé, té ’wo wo kyɛ ble Mɔlɔk lɛ é dɛrɛ lo.

2 Minwiinmunu lé Wezuofe Sɛbɛ 28:3

É lasikɔrɔ kyɛ ble Inom munu lé pɛnguru gi, yé é é benu kyɛ ble, bɛngɔnɔnu lé Gakelebale wo bin Izraɛl munu ’lɛ, wolé bozowe kɛlɛbɛ gi.

Fwile 32:6

’Bɛ é tu kini munu nwa bladi tutu yé wo diriné banwinu kyɛ ble yé wo bɔvɔ sarakanu bo. Munu nyana yé wo fɛ ble yé wo fɛ mini, ’bɛ zuo wo nwa yé wo vo zana gyɛna.

Ézai 1:29

Térébɛnt yilinu lé woo ka gi nanaan, yara é dan ka gyɛ lɛ wolé we ma. Zianféinu lé wo ke ka ginanamafɛ nya, ka yuɛ é dan tana lɛ wolé we ma.

Jérémi 17:2

Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 3:6

Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Jérémi 32:35

Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 50:38

Yɛrɛgabléyi ’é bɔ ’yinu ma, ’wo béli ma. Naa, tɛrɛ ’ko a é fanle miyilinu nya. Wo kɛlɛ gwegyɛzannu nya wolé miyilinu lé we ma.

Jérémi 51:7

Babilɔn a Gakelebale lee bélé ’yiminigi kyankana zo; éé tɛrɛlamunu faa gya bélé nwɛ lé mi gyɛle zo. Bɛnnu alé dɔrɔ mini, bɛwemalé wo kɛlɛ bélé gwegyɛzannu zo.

Jérémi 7:31

Wo ’wolé yobannanu dɔ Tofɛt, gɔworona lé wa laama Bɛn‐Inom, ana, wo benu valé wo lunu kyɛblele ’bɛna we ma. We lé maa ’ka a vinin fe lɛ wo lɛ pelo, we lé a vinin ’ka dɔ lɛ an gi pelo, yee lé wa kɛlɛ.

Ézékiɛl 16:20

Négɔnénu valé nélomu lé i wo yaa an lɛ, i wo bo saraka nya léé, wo kɛlɛ miyilinu blefɛ nya; ilé gɔnéginilenu ’ka izé bɔ lɛ loo?

Ézékiɛl 20:26

Maa wo tiri dɔ wolé blɛfɛnu nya, bléyian va lé wa ’wolé né vininnu faa vɔna kyɛ va, ’bɛ bléyi va; é sɔ an lɛ léé, maa we lɛdɔ wo gi ’bɛ zo, yé maa a nagɔɔn wo lɛ léé, maa lé ke Gakelebale nya.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 20:31

Kalé blɛfɛ nɔle koo, kalé nénu kyɛblele koo, wo nya lé ka a kabo tiri?-?dɔna é ziin kyɔ, kalé miyilinu faa nya. Izraɛl munu, maa zi no ka lɛ léé, ka we laa an lee? Mizan Gakelebale léma: Maa a é yuɛma. Maa ’ka dan zi nɔ lɛ ka lɛ léé, ka we laa an lee lo.

Ézékiɛl 6:13

Dé wo galenu vo é diale wolé miyilinu méléna wolé yobannanu zi, gɔ nwalenu valé gɔ zoroné faa nwiin, yili drɔɔdrɔɔnu faa valé sɛnéyili kwɛɛzannu faa wuo, dé wo wo galenu ye é diale fɛfaana lé wo ’wolé miyilinu faa ban lasikɔrɔ nya, ’té wa gin sié néné, wona, ’bɛna lé wo dan a gi dɔɔ lɛ léé, maa ɛ ke Gakelebale nya.

Lévinu 18:21

Té i Mɔlɔk banfɛ kɛlɛ ilé né do kpen nya lo; té ilé Bale tɔ sɛrɛ lo. Maa a Gakelebale nya.

Mi Nɔnɔle 25:6

Yé bé ye, Izraɛlnu va mi do da Madian le do nya é bwenu va, Moizi valé Izraɛlnu yuɛ va, ’té wa wuvɔna zén‐ékevasɔkɔn ’léé.

Bélidɔwesɛbɛ Fiézan 12:2

Bɛnnu lé ka dan wo bin lɛ bɛ, fɛ faa lé woo ’wolé balenu bɔa ana, ’ka wona sɛrɛ; dé wa gɔ grɔgrɔ nwiin‐oo, dé wa gɔpanénu nwiin‐oo, dé wa yilinu wuooo, ’ka wo sɛrɛ.

Wegɔɔnle 18:3

bɛnnu faa alé pɛnpɛnnégyɛle baba mini bélé nwɛ zo, yé tɛrɛ la minwiinzannu ’wobo nɔ pɛnpɛnnégyɛle lɛ a va, yé tɛrɛ la yaawomunu fua ble alé fuafɛ kiɛre kiɛre nya, azama.