Ézai 57:4 - Kazambale lé Sebe Sauunu 1979

⁴ Ka a we nanana de ɛ maa? Ka ’léé blɛn fuoan de ɛ ma, ’té ka nɛnɛ bɔraan ’bɛ lɛɛ? Ka ’ka wenyané kɛlɛnénu valé viéwobɛn nya loo?

Ézai 57:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Lɛrɛvɔ Sɛbɛ 22:13

Dirigɔné kiɛre a é dirile an zi. An zi lɛ a é sɔɔle Bazan dirigɔnénu nya.

Lɛrɛvɔ Sɛbɛ 22:17

Blénnu an zi lɛ sɔɔan, Wenyanékɛlɛzannu diri an zi, Wo an bɛnu valé an ganenu fɔn.

Lɛrɛvɔ Sɛbɛ 22:7

Yé maa, maa ’ka mi nya lo, maa a blibli nya. Munu éé serele boo an ma yé woo an yé boami nya.

Lɛrɛvɔ Sɛbɛ 35:21

Woo wo ’léé fuoan an ma, A fele nya léé: I ya, i ya, ’ko, ka ye.

Lɛrɛvɔ Sɛbɛ 69:12

An bɔlɔ zén‐é an ta varɔ nya, Yé woo an ze vɔa an yuɛ ta é pla.

Fwile 9:17

Dé i nwa ’élé munu ma é ziin, dé i ’ka daan wo ma ’wo go lo,

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 10:15

Zaa ébo tɔ bɔa, mi lé éé nyanama paan a nya, a lɛɛ? Sii éé dére blɛnblɛn fé, mi lé éé nyanama paan a nya, a lɛɛ? ’Bɛ a bélé fɛan zo lé vlewɔlɛ ’é nwazan nyunu léé, ’bɛ ’é nwa, bélé yili ’é duunzan nwa, a zo.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 30:9

Naa, munu ’ko lé we ma a plɛplɛ yé wa viéwozannu nya; wa munu lé wo ’ka a nyi sié léé, ’wo tɔné dɔ Gakelebale lé bélidɔwe lɛ lo, wo nya.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 37:29

I bli fli an ma, Yé maa ilé an naginile i yuɛ zuo ye, Amalé maa dan foliɛwɔlɛ vɔ lɛ i nyé gi, yé maa dan wisoo ’léé foliɛwɔlɛ wɔra lɛ i ’léé, Yé zi lé i da a ta, maa dan i nɔla lɛ yee zi duo ta.

Ézai 48:8

Ka ’ka we do kpen ’ma lɛ a gi lo, yé ka ’ka we do kpen dɔɔ lɛ a gi lo, Yé ana we do kpen ’ka go lɛ ka tɔné gi lo; Naa, maa gi dɔɔ é kyɛn léé, ka ’ka yara pa lɛ anlé we ta lo, É sia ka yaabléyi va, woo ka laama nwamimazannu

Ézai 57:5

Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Jérémi 20:8

Naa, dé maa a we fena bléyioo bléyian va, é a lé an siaa, É a lé an siaa munu lé wo ke glawe valé va kɛlɛna, wo ta. Yé Gakelebale dére kɛlɛ gwɛmawe valé an ma wenanawe nya yi faa do do ma, munu lee.

Ézékiɛl 2:4

Munu ’ko yuɛma a plɛplɛ yé wo bli a plɛplɛ; maa i pa wo lɛ zia, bé fe wo lɛ léma: Mizan Gakelebale léma:

OZÉ (Osée) 10:9

’Kaa Izraɛlnu, é sia we lé é bɔ yi la Gibéa, a ma, ka wenyané kɛla, yé ka a yifaama ka dɔbɛ gi. Guli lé é bɔ yi la Gibéa, é ’ka wenyanékɛlɛmunu gyɛ lɛ loo?

Mi Nɔnɔle 16:11

’Bɛ lé we ma lé bii valé i vamunu faa, ka zén ékeva Gakelebale ma. Naa, de ɛ ke Arɔn nya yé ka gun gyɛ a maa?

Matio 13:38

féi a tɛrɛla nya; fɛwɔlɛ zima a munu lé Kazambale ke é plale wo nwiin, wo nya; kyankyan a Satan lé munu nya;

Matio 27:29

Wo lélinu vuru ékema yé wa wo a ’wuo ma alé tɔkoro nya, yé wo gyan do pa a bɛyi lee yé wo powuo zun a ’lɛ, yé wa ma we nana a fele nya léé: Juifinu nwiinzan blɛn, i nyɔn‐o.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

Kelewenu 9:4

É dia tɛrɛ va, yé é dére do ’ma yé ’bɛ lé a lɛ léé: Sɔl, Sɔl, mɛmalé i nyané paan an taa?

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Kolɔs munu 3:6

We ’konu lé we ma lé Kazambale bli éé flian tɔnégiplɛplɛzannu ma;

Jozué 10:21

yé munu faa da é ziin drɔɔ Jozué va sɔkɔn dɔna, Makéda, yé mi do kpen ’ka é ’léé fuo lɛ Izraɛlnu ma lo.

2 Piɛri 2:13

A zo lé wo dan ’wolé weple ma ban ye lɛ. Wobo nɔle we vɔnle kɛlɛle lɛ é yiéyi éé wo gi nanaan; mi sɛrɛle valé mi tiridɔlenu lé ke wo nya, wolé dabliwenu a wo ginanawe nya wolé fɛti kɛlɛbléyi nya ka va.