Ézai 57:3 - Kazambale lé Sebe Sauunu 1979

³ Naa, ’kaa yokɛlɛ le benu, leginizan valé bɔrɔdɛ dɔgɔnɔ, ’ka bié ze.

Ézai 57:3 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Ézai 1:21

É kɛlɛ ka yé fla lé a tamunu a turu yarapawelazannu nya, woo goo bale bɛnu zuo bélé bɔrɔdɛ le zoo? A tamunu faa, woo we drɔle kɛla turu, ’té kɛlɛle tegele a wo va; sin, munu lé woo munu ma we blé, ’té woo wo gya wobo yuɛ va, wa wo va.

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Ézai 48:16

’Ka bié an va, yé ’ka tɔné dɔ. É sia a pélisia bléyi va, maa ’ka we do kpen fe lɛ kyeen gi lo, We ’konu pélisiana, ’té maa ana. Yé sin, Mizan Gakelebale é maa valé é Léli nwunvɔ.

Ézai 57:7

Ka kalé yialafɛ plaan gɔblɛn torole nwiin; yee fɛkona lé ka yo baan.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Jérémi 3:6

Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Jérémi 3:9

Alé pɛnpɛnné gyɛlenu lé wo tɔ bɔ fɛfaana, wo nya lé é tɛrɛ tiri dɔ; é gɔlɛ valé yili kɛlɛ é zana nya.

OZÉ (Osée) 1:2

We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

OZÉ (Osée) 2:4

Anlé nénu, ’ka we dɔ ka bu nwiin, ’ka nwa a ma; é ’ka an na nya é dɛrɛ lo, yé maa ’ka a zana nya é dɛrɛ lo, ’bɛzama. ’É yara si élé bɔrɔdɛ kɛlɛle ta ma, alé gɔnéginile ’é si a lee ma.

OZÉ (Osée) 2:6

Alé nénu a bwɛ la nénu nya, amalé maa ’ka dan nyanai zén lɛ wo ta é dɛrɛ lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 12:34

Ménénwunnu bɛn, ka a mi plenu nya bɛan zo, ka kɛla kaa yé ka we zima fee? We lé éé mi bli faan, éé bɔraan a ’léé wefele nya.

Matio 16:4

’Kaa pɛnpɛnnégyɛmunu lɛrɛlɛrɛ ’ko, kaa ɛ tɔmase ma laan. Naa, maa ’ka dan tɔmase bɛ nagɔɔn lɛ ka lɛ lo fɔɔ, Jonas zé do kpen lé. A zuo é si wo va yé é go.

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

WENÉNÉ LÉ LUK A GYE (Évangile selon Luc) 3:7

Mi gu lé wo da Jan va léé, ’é wo batizéwo, é lé wo lɛ léé: Ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.