Ézai 57:2 - Kazambale lé Sebe Sauunu 1979

² Mi lé éé tawoo zi drɔle ta, é dan wɔra lɛ vole drɔɔ na, yé é dan flin lɛ élé yialafɛ ta.

Ézai 57:2 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

2 Minwiinmunu lé Wezuofe Sɛbɛ 16:14

Wa pa gɔlɛkoro lé é a bo ézé nya David lé fla, a gi. Wo yialafɛ ma’lɛrɛ lia ginzannu valé lasikɔrɔ lé lasikɔrɔ kɛlɛzan a kɛlɛ a kɛlɛbɛ yɛrama, wo nya, yé wa yia a ta, yé wo lasikɔrɔ kiɛre kyɛ ble a lɛ.

JOB (Job) 3:17

’Bɛna mi, mi naanénu ’ka we kɛla é dɛrɛ lo, Munu lé wo wɔlɛi nyaa wo ma, ’té plɛplɛ ’ka wo lee lo, wa flinna ’bɛna.

Lɛrɛvɔ Sɛbɛ 37:37

Mi lé alé we ke tegele, bé gini do; yé mi lé alé we ke é drɔle, bé ye do; Naa, mi drɔɔ kulu é dan kɛlɛ lɛ.

Bale Lé We Gifezan 12:7

wo dan kana lɛ gɔsɛnénu giéle lee, yé tawole zi ta di é dan kini lɛ mi gi; mi nwana é dan bɔ lɛ bélé amandéyili vwi bile zo; gangan ma bɛn é dan dɔ lɛ, yé zian va bla ’ka zian kɛla néné é dɛrɛ lo; naa, blami a gona ’é gona, yé wuvɔmunu éé giéan zinu ta;

Ézai 14:18

Iin, bɛnnu faa nwiinzannu wo faa do do yia wo vun gi wo tɔbɔle nya.

Ézai 26:7

We drɔle a mi tegele lé zi nya; Bii lé i ke tegele, i mi tegele lé zi ta bɔa ékema.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Ézékiɛl 32:25

Wa yiana kɛlɛ gamunu va, yee valé élé mi gu blɛn nya, yé alé mipananu a a zi; yé wo ganedɔlozannu ’ko faa gyɛ gwɔun nya, naa, wo di kini munu gi mi yuɛmalenu lé tɛrɛ la, azama. Yé wo go ’wolé yaragyɛwenu nya ’wo lee, munu lé wo go guruwɔlɛ ma, wo va. Wo wo pla gamunu va.

Daniɛl 12:13

Yé bii, ’i tawo a ’wuoplana zia. I dan flin lɛ yé i dan nwa lɛ loru ilé zarafɛ yele we ma a yi nyaalanu nya.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

WENÉNÉ LÉ LUK A GYE (Évangile selon Luc) 16:22

Yé yee nyanégyɛzan ga, yé lanjenu a sia yé wo goan yé wa vɔ Abraam bɛ gi. ’Bɛ zuo yé fuablezan ga yé wo ’bɛ pa.

WENÉNÉ LÉ LUK A GYE (Évangile selon Luc) 2:29

Anzan, ’i daan maa i wuozan ma sin, yé ’an go drɔɔ, dére lé bé fe an lɛ, a yɛrama.

WENÉNÉ LÉ LUK A GYE (Évangile selon Luc) 7:50

Naa, Jézu lé lezan lɛ léé: Ilé blipale ma lé i si we gi. ’I go drɔɔ ma.

2 Korɛnt Munu 5:1

Naa, ko a gi dɔɔ léé, sɔkɔn lé ko ke é nyanale a gi tɛrɛ la ’ko, dé é sɛrɛ, kolé kɔn do ana la gi. Mi ’ka kɔn ’ko dɔ lɛ lo, Kazambale ɛ dɔ ko lɛ, yé a guru ’ka dan zana lɛ a gi monomono lo.

2 Korɛnt Munu 5:8

Ko fuu a ko ta yé é sɔ ko lɛ léé, ko si kɔlɛ ’ko gi yé ko go Mizan va.

Filip munu 1:23

An bli a bɛ fié la. É sɔ an lɛ léé, ’an go yé an kɛlɛ Krist va. ’Bɛ fila vɔ é baba.

Wegɔɔnle 14:13

Yé maa dére do ’ma la gi yé é léé: ’Bé gyɛ léé: É sia bléyi ’ko va, munu lé wo ga Mizan gi, wozé a néné. Kazambale Léli léé: Iin, wa flinna wolé nyanama ma, naa, wo kɛlɛwenu éé goo wo zuo.