Ézai 57:18 - Kazambale lé Sebe Sauunu 1979

¹⁸ Maa a kɛlɛwenu ye, yé maa dan a béli lɛ. Maa dan zi gɔɔn lɛ a lɛ; maa dan a tɔrɔ paa lɛ, yee valé munu lé woo wuvɔa wo nya, wo nya.

Ézai 57:18 ပူးပေါင်းရင်းမြစ်များ

Lɛrɛvɔ Sɛbɛ 23:2

Éé an nyanaan lu tɔnu méléna, Éé goo an nya ’yi zima sɔnɔ.

Lɛrɛvɔ Sɛbɛ 51:12

Baleoo Bale, ’i bli dɛrɛ bɛ nɔ an lɛ, ’I léli zin nɔ an lɛ é ziin.

Lɛrɛvɔ Sɛbɛ 94:19

Dé gibɔrɔle kiɛre da an ’wuo gi, ’Té i an tɔrɔ paan yé an gi éé nanaan.

Bale Lé We Gifezan 9:4

Mi yuɛmalenu faa bli a we lɛ; blén yuɛmale mini boenwo golizra gale lɛ.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 19:22

’Bɛ zo lé Gakelebale é dan Éjipiti munu bla lɛ. É dan wo bla lɛ, naa, é dan wo béli lɛ yé wo dan ’wo péli vɔ lɛ Gakelebale va yé é dan é tɔné dɔ lɛ wo lɛ yé é wo béli.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Ézai 49:10

Lɔrɔ ’ka dan wo gyɛ lɛ lo, yé ’yiminilɔrɔ ’ka dan wo gyɛ lɛ lo; Wo ’ka dan nyané ble lɛ tɛrɛ kyɛ dɔle valé yiri lee lo; Naa, mi lé a nyanai é zén wo ta, é dan kɛlɛ lɛ wolé zigɔɔnzan nya, Yé é dan go lɛ wo nya ’yibɔnanu na.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 52:12

Té ka nwa wiao lo, Té ka go bélé vɔfliizannu zo lo, Naa, Gakelebale é dan go lɛ ka ’lɛ, Yé Izraɛl lé Bale é dan da lɛ ka zuo.

Ézai 53:5

Kolé wenyané ma lé é tuo, Kolé weplenu ma lé wa ’wii; We lɛ lé é a kɔɔn lé wa dɔ ko gi, é dia yee ɛ ta, yé ko vo drɔɔ, Yé a tuolenu ma lé ko béli.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 58:11

Gakelebale é dan zi gɔɔn lɛ i lɛ yifaama. É dan i boen kan lɛ fɛna gale na; é dan i wi faa dɔ lɛ plɛplɛ; i dan kɛlɛ lɛ bélé féi lé wo ’yi zén a ta, a zo, bélé ’yi’wuo lé a gi ’yi ’ka bélié lo, a zo.

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 30:17

Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

Jérémi 33:6

Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Zakari 1:13

Gakelebale a zi pa lanje lé ko we fé a nya, a lɛ, dére zinnu valé tɔrɔpaadére nya.

WENÉNÉ LÉ LUK A GYE (Évangile selon Luc) 15:20

Yé é nwa yé é ti va zi sia. Bléyian va lé é ke baa mi, a ti a ye, yé ’bɛ nyanai zén a ta, yé ’bɛ vlan si yé ’bɛ vɔ a bɔrɔ ma yé ’bɛ a tuu gyɛ.

Rom munu 5:20

Naa, bélidɔwe da, léé, wesɛrɛle ’é kɛlɛ di, yé fɛana lé wenyané kɛlɛ di, ana lé zin kɛlɛ di é minini,

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.