Ézai 57:13 - Kazambale lé Sebe Sauunu 1979

¹³ Dé ka siaa, kalé miyili kiɛre wo dan ka si lɛ we gii? Fu é dan go lɛ wo faa nya, fu fɛɛle do é dan wo sia lɛ. Mian éé paan an ta, é dan tɛrɛ ye lɛ tɔnɔfɛ nya; anlé gɔ sauun é dan kɛlɛ lɛ azé nya.

Ézai 57:13 ပူးပေါင်းရင်းမြစ်များ

2 Minwiinzannu 3:13

Élizé lé Izraɛl minwiinzan lɛ léé: Ko a é nanale i nya mɛ we taa? ’I go i ti lé balelayezannu valé i bu lé balelayezannu va. Yé Izraɛl minwiinzan lé a lɛ léé: Gba, naa, Gakelebale minwiinzan yaa ’ko laa léé, ’é wo pa Moab munu lee.

JOB (Job) 21:18

É kɛlɛ léé, woo kɛla bélé lɔɔ gale lé fu a sian, a zoo? Bélé ’sapɛɛ lé barikoko a sian, a zoo?

Lɛrɛvɔ Sɛbɛ 1:4

Mi plenu lé we ’ka ’bɛ zo lo: Wa bélé lɔɔ gale lé fu a fwilaan, a zo.

Lɛrɛvɔ Sɛbɛ 118:8

Vɔle Gakelebale zi fila vɔ É mini vɔle mi zi lɛ;

Lɛrɛvɔ Sɛbɛ 125:1

Gɔ gié lɛrɛ do lé. Munuan woo paan Gakelebale ta Wa bélé Siɔn gɔblɛn zo; a ma ’ka nyɔɔnma lo, É a é dɔle gligli lɛɛfaama, a glɛ ’ka lo.

Lɛrɛvɔ Sɛbɛ 37:11

Tɛrɛ éé voo nyanaizénlazannu zé nya, ’Té woo vole drɔɔ boen yé.

Lɛrɛvɔ Sɛbɛ 37:22

Naa, munu lé Gakelebale éé wo drɔɔ voo, tɛrɛ é dan kɛlɛ lɛ wozé nya Yé munu lé éé bale paan wo ma, wo dan ga lɛ.

Lɛrɛvɔ Sɛbɛ 37:29

Tɛrɛ é dan kɛlɛ lɛ mi tegelenu zé nya, Yé wo dan nyana lɛ ana yifaama.

Lɛrɛvɔ Sɛbɛ 37:3

Bii, ’i pa Gakelebale ta, yé ’i wezin kɛlɛ, ’I nyana tɛrɛ la, yé ilé tɛrɛla ’é kɛlɛ drɔɔ.

Lɛrɛvɔ Sɛbɛ 37:34

’I bli vo Gakelebale lɛ, ’i tawo alé zi ta, Yé é dan i kɛlɛ lɛ blɛn tɛrɛ ’ko yele izé nya we ma; I dan mi nyanénu kulu gana ye lɛ.

Lɛrɛvɔ Sɛbɛ 37:9

Naa, wo dan mi nyanénu zana lɛ a gi, Yé munu lé woo bli voo Gakelebale lɛ, tɛrɛ é dan kɛlɛ lɛ wozé nya.

Lɛrɛvɔ Sɛbɛ 58:9

’Wo zamaga wo, yé wo ’yi ’é bo bélé kɔnnékɔnné zo; Té wo yiri ye lo, bélé né sɛrɛle zo.

Lɛrɛvɔ Sɛbɛ 84:12

Naa, Bale, Gakelebale a yiri nya; é a mi takuunzan nya, Gakelebale éé zin valé fua no mi lɛ, Munu lé gun ’ka wolé tawobɛ ma lo, é ’ka sɔn vɔa zin do kpen kɛlɛle ma wo lɛ lo.

Wegɔnévɔlenu 28:25

Boblɛnzan éé mi vɔa ékema, naa, mi lé ébo bɛ pa Gakelebale lee, éé kaan.

Ézai 11:9

Wo ’ka dan wenaané kɛlɛ lɛ anlé gɔ sauun faa nwiin lo, Yé wo ’ka dan fɛ sɛrɛ lɛ ana lo; Naa, Gakelebale dɔɔle é dan tɛrɛ ta sɔɔla lɛ, Bélé ’yi éé wɛyi wɔlɛ ma sɔɔlaan fɛan zo, a zo.

Ézai 14:32

Munu lé wo wo nwunvɔ, wo dan a zi pa lɛ wo lɛ nɔɔ? Wo dan a fe lɛ wo lɛ léé: Gakelebale Siɔn gane vɔ, yé alé munu lé wenaané bɔ wo ma, woo yɔɔna yé ’bɛna.

Ézai 25:4

I kɛlɛ mi tɔɔtɔɔnu yɔɔna nya, Nyanaizénlamunu lé we tɔntɔn bɔ wo ma, i kɛlɛ wo yɔɔna nya. Munu vɔ i zi fu plɛplɛ giéle valé lɛɛ plɛplɛ dale we ma; I kɛla furɔ nya kyɛyee bɔ bléyi va; Naa, yaamitazannu lé fu fɛɛle A bélé fu plɛplɛ lé éé gɔrɔ zanaan, a zo.

Ézai 40:24

Wo ’ka wo suru lɛ boenwo lo, Wo ’ka wo vɔ lɛ boenwo lo, Wo suni boen ’ka tɛrɛ gi lo; Éé fu fɛɛan wo ma yé wo ma éé yuruan Yé barikoko éé wo sian bélé ’sagɔ zo.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 56:7

maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Ézai 65:25

Glau valé ’blané é dan lu ble lɛ ékeva. Golizra é dan lu ble lɛ bélé diri zo, yé méné é dan vun ble lɛ. Wo ’ka dan fɛ tuo lɛ lo, yé wo ’ka dan fɛ sɛrɛ lɛ lo anlé gɔ sauun faa nwiin. Gakelebale ɛ fe.

Ézai 65:9

Maa dan Jakɔb kulu kɛlɛ lɛ, yé maa dan an zaragɔ kɛlɛ lɛ Juda punlazan do zé nya; munu lé maa wo si a va, tɛrɛ ’ko é dan kɛlɛ lɛ wozé nya, yé an wuozannu é dan nyana lɛ ana.

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Jérémi 2:28

’Té balenu lé ka wo kɛlɛ kazé nya, wa kyɛɛn? Dé wenaané bɔ ka ma bléyian va, wo bɔalɛ léé, wo ka si we gii? ’Wo nwa ma. Oo Juda munu, kalé flanu ’léé a kiɛre fɛan zo, a zo lé kalé balenu ’léé ke.

Jérémi 22:20

’I vɔ Liban gɔ nwiin. ’I siaa Bazan tɛrɛ ta. ’I siaa Abarim gɔ nwiin, Naa, munu faa lé i sɔ wo lɛ, wo wo guru ’wii.

Jérémi 22:22

Fu é dan ka tabinzannu faa zana lɛ a gi, Yé munu lé i sɔ wo lɛ, wo dan go lɛ luu gi; ’Bɛ bléyi nya yara é dan i gyɛ lɛ, yé yaragyɛwe é dan bɔ lɛ i ma, I kɛlɛwe naanénu faa lé we ma.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Ézékiɛl 20:40

Naa, Mizan Gakelebale léma: Izraɛl munu faa valé munu faa lé wo ke tɛrɛ ’ko la, wo dan an bɔ lɛ anlé gɔ sauun, Izraɛl gɔ torole nwiin. ’Bɛna lé maa dan ka si lɛ ginanale nya, yé an bli é dan vo lɛ kalé blɛfɛnu koo, kalé féifɛ vininnu koo, fɛnu faa lé ka wo pa é yɛrama anzé nya koo, wo lɛ.

OZÉ (Osée) 13:3

Wo dan kɛlɛ lɛ bélé bladi lati zo, bélé fli lé éé bélié, a zo, bélé ’sapun lé fu a sié ’sa sunwona, a zo, bélé kyɛgoi lé éé bɔraan fɛnɛti ta, a zo.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Weblezannu 10:14

’Ka go, balenu lé ka wo si, ’ka wo laa; ’wo ka vo kabo ma kalé nyanéble bléyi va ma!