Ézai 56:3 - Kazambale lé Sebe Sauunu 1979

³ Bɛn lé é yere Gakelebale ma, té azan a fe léé, Gakelebale é dan maa valé élé munu kini lɛ ékema, lo. Té miblale a fe léé: Bé ye, maa a yili gale nya, lo.

Ézai 56:3 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:32

Bɛn lé é ’ka ilé munu Izraɛl bɛn nya lo, dé é si tɛrɛ baa ta i tɔ blɛn koo, i bɛ plɛplɛ koo, i bɛ soile koo, wolé we ma, dé é da bazoro lɛ kɔn ’ko gi,

Esitɛɛ 9:27

Juifinu dɔ a ta léé, wo yee yi fié ’ko lé we kɛla lɛɛ faa do do ma, a bléyi valé a kɛlɛbɛnu lé wa gyɛ sɛbɛ gi, wo yɛrama. Té a yi é ga monomono lo. Wo we ’ko gyɛ wobozen koo, wo kulunu koo, munu faa lé ’bɛnu zén wo va, ’bɛnu koo, wozé nya.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 39:7

I benu lé i dan wo yaa lɛ bɛ, wo dan wo ke si lɛ yé wo dan wo kɛlɛ lɛ miblalenu nya Babilɔn nwiinzan lé kɔn gi.

Ézai 56:5

maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

Ézai 56:6

Bɛnnu lé wo dan yere lɛ Gakelebale ma, a bɔle we ma, ’té Gakelebale tɔ sɔ wo lɛ, ’té woo kɛla a wuozannu nya, wo faa lé woo flinyi tawe kɛla, ’té wo ’ka a sɔnné sɛra lo, ’té woo dɔa anlé gipawe ta,

Jérémi 50:5

Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Lévinu 21:20

kɔnɔgyɛzan koo, mɛn do siéizan koo, yuɛnédɔzan koo, kwɛgyɛzan koo, puɛpuɛgyɛzan koo, mi lé a wuofɛ ’wii koo, woo lé.

Lévinu 25:45

Bɛn bɛnu lé ke é nyanale ka va, i bɔalɛ léé, i wolé nénu lɔ é ziin; bɛn bɛnu lé nénu lé wo dan wo yaa lɛ kalé tɛrɛ la, ’ka ’bɛnu lɔa yé ’wo kɛlɛ kazé nya.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Mi Nɔnɔle 18:4

’Wo vo é pale i va ma, yé nyanama faa lé é a lé wa pa zén‐ékevasɔkɔn zé nya bɛ, ’wo a tawe kɛlɛ. Té bɛn do kpen é bié ka va lo.

Mi Nɔnɔle 18:7

Bii valé i benu lé wo ke i va, ’ka kalé Bale gi nyanama pa, dé é a balebanna lé nyanama faa nyaoo, dé é a sɔkɔnmi zi lé nyanama nyaoo, ’ka a pa. Nyanama lé é a lé ka a pa, yee lé ke bɛ. Maa balebannyanama nɔ ka lɛ blɛ zin nya. Dé bɛn bié a ma, wo dan a gyɛ lɛ.

Kelewenu 10:34

Yé Piɛri kun wefele ma yé é léé: Wezen lé, maa a ye léé, Kazambale ’ka mi naginian é kɔlɛ ma lo.

Kelewenu 17:4

Wo va mi kenu dɔ dére ’ko ta, yé wo péli vɔ Pɔl valé Silas va. Yé é ziin, Grɛki mi kiɛre lé wo ke Juifinu lé bazorona, é valé lɛamalomu kiɛre, ’bɛnu a wo va é ziin.

Kelewenu 18:7

É si ’bɛna yé é go Juifinu lé bazorozan do lé wa laama Jutus, a va. Alé kɔn valé bazorokɔn bɛ a é vɔle é ke ta.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

1 Korent munu 6:17

Naa, dé mian wo kɛlɛ do Mizan nya, wo fiénu a léli do nya.

Éfez munu 2:12

’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.

Éfez munu 2:22

Ka é ziin, ka a Jézu gi, amalé é a ka dɔna ékeva yé ka kɛlɛ kɔn nya yé Kazambale ’é nyana a gi é Léli nya.

Bélidɔwesɛbɛ Fiézan 23:9

Dé ka a gulidanna ka nyanézannu va, ’ka yuɛ pa kabozen va wenaané faa ma.

1 Piɛri 1:1

’Kaanu lé ka ke é kinile ékema yé ka kɛlɛ bɛnnu nya, Pɔnt tɛrɛ la koo, Galasi tɛrɛ la koo, Kapadose tɛrɛ la koo, Azi tɛrɛ la koo, Bitini tɛrɛ la koo, wona bɛ, an we ka va. Maa Piɛri lé an ke Jézu Krist lé nwunvɔzan nya, maa ɛ ke sɛbɛ ’ko gyɛna ka lɛ.