Ézai 54:4 - Kazambale lé Sebe Sauunu 1979

⁴ Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Ézai 54:4 ပူးပေါင်းရင်းမြစ်များ

JOB (Job) 11:16

I gi é dan san lɛ ilé nyanéblelenu ma, Wo sele é dan dɔ lɛ i gi bélé ’yi lé é béli, a zo.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 29:22

Bɛwemalé Gakelebale lé é Abraam tabo, é lé Jakɔb kululazannu lɛ léé: Sin, Jakɔb yuɛ ’ka dan tana lɛ é dɛrɛ lo. Sin, a yara nyɔnɔ é dan kɛlɛ lɛ ana yifaama.

Ézai 4:1

’Bɛ yi la, lomu sɔrafié é dan kun lɛ gɔné do ma yé wo dan a fe lɛ a lɛ léé: Ko dan kobo lé fɛ ble lɛ, ko dan kobo lé sɔ lɔ lɛ; naa, i tɔ ’é pa ko ma é pla; ’i yara si ko ’wuo ma.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 50:7

Naa, Mizan Gakelebale bɔ an va; Amalé an tɔ ’ka dan sɛrɛ lɛ lilo, Amalé an yara kɛlɛ plɛplɛ, Maa gi dɔɔ léé, an gi ’ka dan blin lɛ an ma lo, azama.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Ézai 61:7

Ka dan tɔnɔ ble lɛ gɔnɔ fié, serele bole ka ma pa gi; Wo gi é dan nana lɛ, yaragyɛwe lé é bɔ wo ma, ’bɛ pa gi; Wo dan tɔnɔ ble lɛ gɔnɔ fié wolé tɛrɛ la, Yé wo ginanale glɛ ’ka lo.

Ézai 65:16

Mi lé é sɔ a lɛ léé, ’é drɔɔ ’é vo tɛrɛ ’ko la, é dan sɔ lɛ a lɛ léé, Webozen Bale ɛ ’é drɔɔ vo; dé mian é dan bale ’nyɔɔn lɛ tɛrɛ ’ko la, é dan Webozen Bale ’nyɔɔn lɛ; naa, kle kyɛn lé ka ble bɛ, ka gi é dan san lɛ ’bɛ ma, ’té wo ta saan an yuɛ gi.

Jérémi 31:19

An yara si i ta, naa, ’bɛ zuo an bli nɔla; Dé maa an saanna ye, an vo an bin gyɛna; Yara an gyɛ yé an ’yibo, Naa, wenu lé maa wo kɛlɛ an boro‐né la bléyi va, wo tɔ a an ma.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Ézékiɛl 16:22

Ilé bozowe kɛlɛ bléyi valé gɔné gini bléyi va, i liiné bléyi va we sele saan i gi; bléyian va lé i a é porole, é porole tata; ’té i a é diale nyɛ va, ’bɛ sele saan i gi.

Ézékiɛl 16:43

I boronéla bléyi sele saan i gi, yé i an ’léé wɛɛ we ’konu faa nya, amalé maa dan i kɛlɛwenu kɔné dɔ lɛ i nwiin; yé i ’ka dan ilé bozowenu kɛlɛle taa pa lɛ weplenu kɛlɛle nya é dɛrɛ lo. A zo lé Mizan Gakelebale a fe.

Ézékiɛl 36:15

Maa ’ka dan a nyi si lɛ léé, i bɛn bɛnu lé sɔnɔdére ’ma é dɛrɛ lo, yé munu ’ka dan serele bo lɛ i ma é dɛrɛ lo; i ’ka dan ibo bɛngɔnɔ sɛrɛ lɛ é dɛrɛ lo. A zo lé Mizan Gakelebale a fe.

Joɛl 2:21

Tɛrɛ, té i kana lo, Yéri ’é pa i lɔ ma, yé i gi ’é nana ma. Naa, Gakelebale éé we blɛnblɛnnu kɛla.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

1 Piɛri 2:6

Naa, é a é gyɛle Kazambale lé sɛbɛ gi léé: Ka ye, maa kɔnsungɔlɛ wezan si a va yé maa a pla Siɔn; Mi lé é bli voo a lɛ, ’bɛzan gi ’ka dan vuru lɛ é ma monomono lo.