Ézai 54:3 - Kazambale lé Sebe Sauunu 1979

³ I gi é dan gyɛ lɛ i bɛyila valé i bɛbola, azama. I kulu é dan fan lɛ bɛnnu gi, Yé flanu lé wo vo bwi nya, wo dan nyana lɛ wo ta.

Ézai 54:3 ပူးပေါင်းရင်းမြစ်များ

Wepélisiananu 26:22

É si ’bɛna yé é ’yiguru do bo é ziin, yé wo ’ka za vɔ lɛ ’bɛ ta é dɛrɛ lo. É a tɔ pa Réobɔt yé é léé: Sin, Gakelebale fɛna nɔ ko lɛ, yé ko dan fua ble lɛ ’bɛ tɛrɛ ’ko la.

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 14:2

Bɛn bɛ gi munu é dan Izraɛl si lɛ yé wo go wo nya Izraɛl lé tɛrɛ la, yé munu lé ’bɛnu da wo nya bɛ, ’bɛnu é dan kɛlɛ lɛ Izraɛlnu leegɔnénu valé wo leelomu nya, Gakelebale lé tɛrɛ la. Munu lé wo kɛlɛ ’bɛnu lé luu nya, ’bɛnu é dan kɛlɛ lɛ woé luu nya, yé wo dan pla lɛ yaawotazannu nwiin.

Ézai 26:15

Gakelebaleoo Gakelebale, ’i munu kɛlɛ kiɛre; ’I munu kɛlɛ kiɛre, ’i tɔbɔle nagɔɔn, ’I tɛrɛ glɛ faa buru so é zuo.

Ézai 45:14

Gakelebale léma: Éjipitinu lé fuafɛnu koo, Étiopi lé tɛrɛ tɔnɔ koo, Sabémunu lé ke grɔgrɔ bɛ, wozé koo, A faa é dan da lɛ i va, yé wa kɛlɛ izé nya; Munu ’konu, wo dan tawo lɛ ka zuo, Wo dan gié lɛ gɔgɔbale nya wo ma, Wo dan dia lɛ ’wo bli la ka ’lɛ, ’té woo ’wo ma dunnuan, léé, Ka do kpen va lé Bale ke, Dé é ’ka yee nya lo, Bale bɛ ’ka lo.

Ézai 48:19

’Té i kulunu a bélé nyéné zo di, ’Té ilé nénu a bélé wɛyi gɔɔn ma nyéné zo; ’Té maa ’ka i tɔ fwian lo, ’té i tɔ ’ka nyaan an ’lɛ lo.

Ézai 49:12

Wo lo, wo si baa, A kenu si yirinwana bɛbolazia valé yirivɔnazia, Yé a kenu si Sinim tɛrɛ la.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 52:9

Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 55:5

Bé ye, bɛnnu lé i ’ka wo dɔɔa lo, i dan wo laa lɛ, Yé bɛnnu lé wo ’ka i dɔɔa lo, wo dan go lɛ vlan nya i va, Gakelebale, ilé Bale lé we ma, Izraɛl lé Mi Sauun lé éé i tɔ kɛla blɛn, ’bɛ lé we ma.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Rom munu 11:12

Naa, dé wo saanle lé we ma lé tɛrɛlamunu fua ble, dé wo kɛlɛle kiéné lé we ma lé bɛn bɛnu fua ble, dé wo faa ’wo bli nɔla Kazambale va ’naan, ’bɛzé ’ka dan mini lɛ koɛnu ta loo?

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.