Ézai 53:3 - Kazambale lé Sebe Sauunu 1979

³ Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Ézai 53:3 ပူးပေါင်းရင်းမြစ်များ

Lɛrɛvɔ Sɛbɛ 69:29

’I wo tɔ fwi mi bélilenu tɔgyɛla sɛbɛ gi ma, Yé té i wo tɔ gyɛ mi tegelenu tɔ va lo.

Lɛrɛvɔ Sɛbɛ 88:4

Naa, wenaanénu an kan Yé an bié gamunu nyanana sɔnɔ.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Ézai 50:6

Maa an lala nɔ an blamunu lɛ, Maa an blin nɔ an puomagun soowɔlazannu lɛ; Maa ’ka an yara yɔɔ lɛ An sɔnɔle valé ’lélibɔlɛ vɔle an yara lee lo.

Ézai 52:14

A yara sɛrɛ fɛan zo, ’Té a yara ’ka blami yara nya é dɛrɛ lo, amalé É kana zén mi kiɛre gi é vinin;

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 53:4

É kolé gyɛnu si, Yé é kolé kleblelenu kɔné si; É a ko yuɛ gi bélé wegyɛzan lé Kazambale a bla, ’té é a kɛlɛ kiéné, a zo.

Misé 5:1

Yé bii Bɛtléɛm Éfrata, Juda fla wurunu va fla kiéné, anlé mi do é dan si lɛ i va; a pélisiana mɔn é li kwakwa tɛrɛ bɔrale ’lɛ, yé é dan pla lɛ Izraɛl munu nwiin.

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

Matio 26:67

’Bɛ zuo, wo ’lélibɔlɛ vɔ a yara yé wo fɔlɛ duun a lɛ yé wa blin kyɛ si, a fele nya léé:

Matio 27:63

yé wo léma: Kozan, a sele dɔ ko gi léé, bléyian va lé midɔnasizan gla nya ’ko ke é yuɛma, é léé, yi yaa bɔle nya é dan nwa lɛ.

Maak 10:33

Ka ye, kaa a gona Jérusalɛm yé wo dan maa blami Be pa lɛ Balebanmunu segelenu valé sɛbɛgifemunu lee. Wo dan ga dɔ lɛ an nwiin, yé wo dan an nɔ lɛ bɛn bɛnu lɛ,

Maak 10:34

yé ’bɛnu é dan an ma we nana lɛ; wo dan ’lélibɔlɛ vɔ lɛ an ma, yé wo dan an bla lɛ wɛséné nya yé wo dan an gyɛ lɛ yé yi fié a yaazan nya an dan nwa lɛ gamunu va.

Maak 14:34

Yé é lé wo lɛ léma: An bɔn‐in kyɛ dɔle ’ko, é vo sɛ é an gyɛ. ’Ka vo ’ko yé ’ka vo é yuɛma.

Maak 15:19

Yé wo gyan dia a nwiin yé wo ’lélibɔlɛ vɔ a ma, yé wo powuo zun tɛrɛ va, yé wo dia ’wo bli la a ’lɛ a ma yéri sile nya.

Maak 9:12

Jézu a zi pa wo lɛ léé: Éli é dan da lɛ é vinin, weboen nya. É dan wenu faa dɔ lɛ wo dɔbɛ gi é ziin. Yé mɛmalé wo maa blami Be lé we gyɛ sɛbɛ gi léé, é a lé an nyané ble é baba yé wan ye boami nyaa?

WENÉNÉ LÉ LUK A GYE (Évangile selon Luc) 16:14

Gɔɔli sɔ Farizimunu lɛ é baba, amalé wo ’bɛ we ’ko faa ’ma aan wo, wo Jézu ma we nana.

WENÉNÉ LÉ LUK A GYE (Évangile selon Luc) 19:41

Wo bɔ aan wo fla sɔnɔ Jézu fla ye, yé é kun wuvɔle ma alé we ma,

WENÉNÉ LÉ LUK A GYE (Évangile selon Luc) 8:53

Wa gi dɔɔ léé, é ga, amalé wo Jézu ma we nana.

WENÉNÉ LÉ LUK A GYE (Évangile selon Luc) 9:22

Yé é we taa fe léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, wo sɔn vɔ an ma; é a lé wo an gyɛ yé yi fié a yaazan nya yé an nwa gamunu va.

WENÉNÉ LE JAN A GYE (Évangile selon Jean) 11:35

Jézu wuvɔ.

WENÉNÉ LE JAN A GYE (Évangile selon Jean) 8:48

Juifinu lé a lɛ léé: Dé ko a fe léé, bii a Samari mi nya yé yo a i gi, ’té ko ’ka wezen fe lɛ loo?

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.

Ébrunu 5:7

Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.