Ézai 53:11 - Kazambale lé Sebe Sauunu 1979

¹¹ É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 53:11 ပူးပေါင်းရင်းမြစ်များ

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

Rom munu 4:24

é a sɛbɛ gi kaalé we ma é ziin, kaa lé, kaalé blipale é dan nɔla lɛ kaa ma we tegele nya bɛ, kaalé we ma; kaa lé, kaa bli vo mi lé é Kaazan Jézu nwa gamunu va bɛ, a lɛ, kaalé we ma lé é a sɛbɛ gi.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Ézai 53:12

Bɛwemalé maa dan azé nɔ lɛ a lɛ mi blɛnnu va; Maa dan gulizarafɛ guli lɛ yee valé mi plɛplɛnu ma, Ébo nɔ ga lɛ Yé wa pa wenaané kɛlɛzannu va, ’bɛzama; É mi kiɛre lé wenyanénu si Yé é dɔ wegyɛzannu lé we gi, ’bɛzama.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

1 Jan 2:1

Anlé né kiénénu, maa a we ’konu gyɛna ka lɛ, té ka wenyané kɛlɛ lo we ma. Yé dé mianzan wenyané kɛlɛ, kaa ta weblezan a kaa Ti sɔnɔ mi, yee lé é ke mi tegele Jézu Krist nya.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

WENÉNÉ LE JAN A GYE (Évangile selon Jean) 16:21

Dé le a né yaana, dé a yaabléyi bɔ a gi kyɛ éé dɔa, naa, dé é a yaa faa nyanéblele sele ’ka dɔa a gi é dɛrɛ lo, mi yaale tɛrɛ la lé gi nanale we ma.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Ézai 53:8

Kleblele valé we lɛdɔle a gi a si tɛrɛ la, Munu lé wo tin wo nya ékeva, Wo va mi kyɛn ɛ bli vo a lɛ léé, Wa si mi yuɛmale lé tɛrɛ la Yé wa gyɛ anlé munu lé wenyané maa?

Ézai 45:25

Gakelebale é dan Izraɛl kulu faa kɛlɛ lɛ tegele, ’Té éé wo tɔ kɛla blɛn.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

2 Jan 1:3

Tibale valé Tibale Be Jézu Krist, ’wo zin kɛlɛ ka lɛ ma, yé wo nyanai ’é zén ka ta ma, yé ’wo ka vo drɔɔ webozen valé sɔlɛle nya ma.

2 Jan 1:1

Lezan Kiria lé Bale a si a va, bii valé ilé nénu, an we ka va. Maa, léglizi gi mi segele, maa ɛ ke sɛbɛ ’ko pana ka lɛ zia. Ka sɔ an lɛ webozen nya, yé maa do lɛan ka sɔ lo; naa, munu lé wo webozen dɔɔ, ’bɛnu koo é ziin, ka sɔ ’bɛnu lɛ.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

Galasi munu 4:19

Ka a anlé nénu nya; kalé we ma lé maa a nyané blena é ziin né yaale lé nyanéblelenu zo, fɔɔ yé Krist ’é kɛlɛ ka bli gi.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Rom munu 5:9

Ko kɛlɛ tegele sin a nyɛ nya ’naan, é ’ka dan ko si lɛ bliflile wuo é ziin loo?

WENÉNÉ LE JAN A GYE (Évangile selon Jean) 12:24

Maa fe ka lɛ kyɔ webozen nya, ’sawɔlɛ do lé wa vɔ, dé a gɔn ’ka bɔ lɛ lo, é vo é do; naa, dé a gɔn bɔ, éé baan di.

WENÉNÉ LÉ LUK A GYE (Évangile selon Luc) 22:44

É a nyané blena kaii, yé é bazoro plɛplɛ taa nya yé kyɛyee nyi bɔra a ma nyɛ nya yé é zana tɛrɛ va.

Ézai 49:3

É léé, maa a ’é wuozan Izraɛl lé é dan ’é tɔ bɔ lɛ a ma, a nya.

Ézai 52:13

Ka ye, we faa nyian é dan wo lɛ an wuozan ma, É dan nwa lɛ, é dan kɛlɛ lɛ blɛn, é dan kɛlɛ lɛ blɛn é baba.

Daniɛl 12:3

Wedɔɔzannu é dan bi lɛ bélé lagi fuasan zo, yé munu lé woo we tegele paan munu gi, wo dan bi lɛ bélé lagi monénénu zo, bléyi faa ma, ’bɛ glɛ ’ka dɔa lo.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.