Ézai 52:9 - Kazambale lé Sebe Sauunu 1979

⁹ Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Ézai 52:9 ပူးပေါင်းရင်းမြစ်များ

Lɛrɛvɔ Sɛbɛ 102:22

É dan we ’ko kɛlɛ lɛ léé, ’wo Gakelebale tɔ sɔɔla Siɔn, Yé wa tɔ zin fe Jérusalɛm,

Lɛrɛvɔ Sɛbɛ 98:4

’Kaa tɛrɛlamunu faa, ’Ka siaa Gakelebale lɛ ginanale nya; ’Ka fan ginanale nya fɔɔ fɔrɔle nya, yé ’ka lɛrɛ vɔ.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 14:7

Tɛrɛ faa gi nana ’wo flinle valé ’wo vole drɔɔ we ma; woo ginanalɛrɛnu vɔa.

Ézai 40:1

Kalé Bale léma: ’Ka anlé munu tɔrɔ paaoo, ’ka anlé munu tɔrɔ paa.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Ézai 49:13

Lanu, ka gi ’é nana ma. Tɛrɛ, ’i vo ginanale blɛn gi ma. Gɔnu, ’ka siaa ginanale nya ma. Gakelebale élé munu tɔrɔ paa, azama. A nyanai éé zén‐é élé nyanégyɛzannu ta.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 55:12

Iin, ka dan bɔra lɛ ginanale nya, Yé maa dan go lɛ ka nya drɔɔ; Gɔblɛnnu valé gɔpanénu é dan fan lɛ ginanale nya ka ’lɛ, Yé féi yilinu faa é dan wo bɛ gyɛ lɛ.

Ézai 61:4

Wo dan fla kwa pa lɛ é pa gi, Fɛ lé a guru zana a gi é kyɛn, wo dan a nwa lɛ é pa gi; Fla lé wo ’wii a ta ana mɔn yé é sɛrɛ, Wo dan a dɛrɛ pa lɛ.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Misé 4:10

Siɔn munu, ’ka kle ble yé ’ka dunnu bélé le lé é ke né yaana, a zo. Naa, sin ka dan si lɛ fla blɛn ta yé ka dan nyana lɛ bwi gi, yé ka dan go lɛ fɔɔ Babilɔn; ’bɛna lé Gakelebale é dan ka si lɛ munu lee; ana lé é dan ka tabo lɛ ka nyanézannu lee.

Galasi munu 4:27

Naa, é a é gyɛle Kazambale lé sɛbɛ gi léé: Bii lé i ke sɔnzan nya, ’té i ’ka né yaan lo, i gi ’é nana ma. Bii lé i ’ka né yaale lé nyanéblele gi dɔɔ lɛ lo, ’i kun siaale ma gi nanale nya ma. Naa, le bɔrale lé nénu kiɛre É dan mini lɛ bosizan zé ta.