Ézai 52:8 - Kazambale lé Sebe Sauunu 1979

⁸ Kalé fla taginizannu dére zuogi é dan we lɛ; Wo dére é dan nwa lɛ, Yé wo dan siaa lɛ ékeva ginanale nya; Naa, wo dan a ye lɛ wobo yuɛ nya léé, Gakelebale a dana Siɔn munu nya wo pa gi, azama.

Ézai 52:8 ပူးပေါင်းရင်းမြစ်များ

Lɛrɛvɔ Sɛbɛ 102:22

É dan we ’ko kɛlɛ lɛ léé, ’wo Gakelebale tɔ sɔɔla Siɔn, Yé wa tɔ zin fe Jérusalɛm,

Wegɔné Ma Lɛrɛ 3:3

Fla taginimunu lé woo fla zi lɛ sɔɔan, ko kee wo nya; Maa laa wo lee léé: Mi lé an bli bɔ ma, ka a yee?

Wegɔné Ma Lɛrɛ 5:7

Flataginimunu lé woo giéan fla é béli, ko kee wo nya; Wo an bla, wo an tuo; Gɔrɔtabinzannu an ’wuo ma sɔ si.

Ézai 24:14

Munu wo dére nwa, wo siaa ginanale nya; wo Gakelebale kɛlɛle blɛn ze vɔ wɛyi gɔnu la.

Ézai 26:1

’Bɛ yi la wo dan lɛrɛ vɔ lɛ Juda tɛrɛ la léé: Kolé fla plɛplɛ a; É a gɔrɔ kɛlɛ blɛn ko takuunfɛ nya.

Ézai 27:2

’Bɛ yi la, dɔrɔféi lé éé dɔrɔ zin no, ’ka a tɔ vɔ lɛrɛ nya.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 40:9

’Ka go gɔ grɔgrɔ nwiin, ’Ka we néné zana dɔɔ Siɔn munu lɛ, ’Ka dére nwa, té ka kana lo, ’Ka we néné zana dɔɔ Jérusalɛm; ’Ka fe Juda tɛrɛ la flanu lɛ léé: Kalé Bale looo, kalé Bale lo!

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Ézai 58:1

’I siaa plɛplɛ, té ibo kun lo; ’i dére nwa plɛplɛ bélé béli zo; ’i anlé munu lé weple fe ’wo lɛ, ’i Jakɔb lé munu lé wenyané fe ’wo lɛ.

Ézai 62:6

Jérusalɛm, maa fla taginizannu dɔ ilé gɔrɔnu ta; Wo ’ka dan ’wo tadɔ lɛ béli valé yiéyi lo. Ka lé ka ke a sele dɔna Gakelebale gi, Té ka flin lo.

Jérémi 31:12

Wo dan da lɛ, wo dan siaa lɛ ginanale nya Siɔn gɔ nwiin; Wo dan vlanburu lɛ Gakelebale lé fɛ zinnu zuo, ’Sa koo, dɔrɔ dɛrɛ koo, nyɔnɔ koo, ’Blanu koo, dirinu koo, wo zuo; Wo boennu é dan kɛlɛ lɛ bélé féi lé woo ’yi zén‐é a ta, a zo, Yé wo ’ka dan nyané ble lɛ é dɛrɛ lo.

Jérémi 32:39

Maa dan bli do vɔ lɛ wo gi, yé maa dan zi do gɔɔn lɛ wo lɛ, léé, ’wo kana an lee yifaama, wo valé wolé nénu lé we zin yele we ma.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi 33:7

Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Jérémi 6:17

Maa ka tabin sunyanu dɔ ka sɔnɔ; ’ka tɔné dɔ gulibéli dére lɛ. Naa, wa zi pa léé: Ko ’ka dan ko tɔné dɔ lɛ ’bɛ lɛ lo.

Ézékiɛl 3:17

Blami be, maa i dɔ Izraɛlnu taginizan nya. ’I tɔné dɔ an dére lɛ, yé i dan we lɛ kini lɛ wo lɛ an dére nya.

Ézékiɛl 33:7

Yé bii blami be, maa i dɔ Izraɛl munu lé flataginizan nya. Dére lé éé sié an ’léé, é a lé i tɔné dɔ a lɛ, yé i we lɛ kini wo lɛ an lɛ gi.

Sofoni 3:9

Yé maa dan dére tegelenu nɔ lɛ migɔnɔnu lɛ, léé, wo faa é Gakelebale tɔ laa, a bɔle bli do nya we ma.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Kelewenu 2:1

Juifinu lé fɛti lé wa kɛla Taboyi zuo yi yɔ fié wɔlɛ vu, ’té wa laama Pantekot bɛ, a yi bɔ aan wo, ’té wa é zénle ékeva yee fɛ duona.

Kelewenu 4:32

Mi gu lé wo bli ke Jézu lɛ, wo bli valé wo gibɔrɔle a do. Wo va mi do ’ka a fé léé, ézé fɛ ɛ ke ’ko lo, naa, wolé fɛnu faa vo ékeva.

1 Korent munu 1:10

Bwenu, maa we plaan ka lɛ Kaazan Jézu Krist tɔ gi, ka dére ’é kɛlɛ do. Té ka gɔnɔ kini monomono lo, naa, ka faa ’é vo ékeva tegele bli do valé gibɔrɔle do nya.

1 Korent munu 13:12

Kyɔ, kaa wenu yé é vɔɔle bélé fɛan zo lé wa vlinvlin gi, a zo, naa, dé a bléyi bɔ, kaa dan wo ye lɛ wéiin kaa ke yara. Kyɔ, maa we kenu dɔɔ, naa, ’bɛ bléyi va maa dan we dɔɔ lɛ bélé fɛan zo lé wo an dɔɔ, a zo.

Ébrunu 13:17

’Ka ka zilɛzannu lɛdɔma, yé ’ka ’wuo dɔ wo wuo ma; naa, wa ka boennu tabinna, yé wa gi dɔɔ léé, Bale é dan a zuo laa lɛ ’wo lee, amalé wa kɛlɛna ’bɛ yɛrama. Ka kɛla fɛan zo yé wo ka tabin ginanale nya yé é ’ka kɛla wo ma gi kyɛ nya lo, ’ka kɛlɛ. Dé wo bli kyɛ dɔ ka tabinle we ma, ’té kazé tɔnɔ ’ka lo.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 19:4

Yé mi segele yɔ do wɔlɛ ziɛn valé fɛ yuɛmale ziɛn dia ’wo bli la yé wo webleblin ta Bale bɔ yé wo siaa léé: Amɛɛn! Aléluya!