Ézai 52:7 - Kazambale lé Sebe Sauunu 1979

⁷ Mi lé éé dan wenéné nya, ’Té éé vole drɔɔ zana dɔɔan, Mi lé éé dan wenéné nya, ’Té éé sile we gi zana dɔɔan, ’Té éé a fé Siɔn munu lɛ léé: Kalé Bale a é plale mi nwiin, Azan gane a é nɔnɔmi gɔnu nwiin.

Ézai 52:7 ပူးပေါင်းရင်းမြစ်များ

Lɛrɛvɔ Sɛbɛ 59:13

Dére faa do do lé éé bɔraan wo ’léé, é a wenyané saa nya; Wobozen lé boblɛn ’é wo kun ma. Balepadérenu valé viédérenu saa lé wa fé.

Lɛrɛvɔ Sɛbɛ 68:11

Oo Bale, tɛrɛ lé bé ma’lɛrɛ ilé zin nya wenaané bɔmazannu zé nya, Ilé munu wo nyanana kɛlɛ a ta.

Lɛrɛvɔ Sɛbɛ 93:1

Gakelebale a é plale mi nwiin, fuasan a é zénle a ta bélé varɔ zo, Gakelebale plɛplɛ dɔ é gyɛn bélé kyɛsidi zo. É ziin, tɛrɛ a é dɔle gligli, a ma ’ka nyɔɔn‐an lo.

Lɛrɛvɔ Sɛbɛ 96:10

’Bé fe bɛnnu lɛ léé, Gakelebale a é plale mi nwiin; Amalé tɛrɛ a é dɔle gligli, a ma ’ka nyɔɔn‐an lo. Gakelebale éé migɔnɔnu lé we blé we drɔle nya.

Lɛrɛvɔ Sɛbɛ 97:1

Gakelebale a é plale mi nwiin; tɛrɛ gi ’é nana ginanale blɛn nya ma; Tɛrɛ kiɛre lé ke wɛyi méléna, wo gi é nana blɛn ma.

Lɛrɛvɔ Sɛbɛ 98:2

Gakelebale éé mi sié we gi fɛan zo, é a nagɔɔn, É ’élé we tegele nagɔɔn bɛnnu yuɛ va.

Lɛrɛvɔ Sɛbɛ 98:3

Alé zin koo, a yara pale Izraɛl mawe kɛlɛle ta koo, Wo sele dɔ a gi. Kolé Bale éé mi sié we gi fɛan zo, munu a ye fɔɔ tɛrɛ glɛ sina.

Lɛrɛvɔ Sɛbɛ 99:1

Gakelebale a é plale munu nwiin, gligli éé zén‐é munu gi; É mini sérubɛnnu ta; tɛrɛ ma éé nyɔɔn‐an.

Wegɔné Ma Lɛrɛ 2:8

An sɔlɛzan dére lé éé wé bɛoo bɛ! Bé ye, yee lé é dan Fɔrɔle nya gɔnu nwiin miɛ, ’Té éé zunwo gɔpanénu nwiin.

Ézai 24:23

Yara é dan moné gyɛ lɛ, yaragyɛwe é dan bɔ lɛ yiri ma; naa, lai sunyanu lé Gakelebale é dan pla lɛ munu nwiin Siɔn gɔ la, Jérusalɛm, ’té alé fuasan éé bié planplan alé mi segelenu yuɛ va.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 40:9

’Ka go gɔ grɔgrɔ nwiin, ’Ka we néné zana dɔɔ Siɔn munu lɛ, ’Ka dére nwa, té ka kana lo, ’Ka we néné zana dɔɔ Jérusalɛm; ’Ka fe Juda tɛrɛ la flanu lɛ léé: Kalé Bale looo, kalé Bale lo!

Ézai 41:27

Maa a mi vininzan lé é a fe Siɔn munu lɛ léé: Wo looo lo! a nya. Yé maa ɛ fe Jérusalɛm munu lɛ léé: Maa mi do nwunvɔ léé, ’é da wenéné zuo fe ka lɛ.

Ézai 42:11

Bwi valé é ta flanu, wo dére ’é nwa, Kédaa munu lé flanu, wo dére ’é nwa, Munu lé woo nyanaan gɔlɛgɔnu ta, wo ma ’é nyɔɔn ginanale nya ma, Ginana siaalenu wo zuo gi ’é go wele nya gɔnu nwiin.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Naum 2:1

Ka ye, nwunvɔzan lé éé mi vole drɔɔ lé we fé, É a dana gɔnu nwiin. Juda munu, ’ka kalé fɛtinu kɛlɛ, ’ka kalé bale kunlenu lɛ sɔɔ. Naa, mi nyané ’ka dan gié lɛ ka méléna é dɛrɛ lo, A kulu ga tata.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Maak 13:10

É a lé wo Wenéné fe bɛnnu faa lɛ é vinin.

Maak 16:15

Yé é lé wo lɛ léé: ’Ka go tɛrɛ faa la, yé ’ka Wenéné ’ko fe munu faa lɛ.

WENÉNÉ LÉ LUK A GYE (Évangile selon Luc) 2:10

Naa, lanje lé wo lɛ léé: Té ka kana monomono lo; naa, wenéné lé é dan munu faa gi nana lɛ é baba, an da a fe lɛ ka lɛ.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

Éfez munu 6:15

fuu dɔle mi ta lé éé sié vole drɔɔ lé Wenéné fele va, ’ka ’bɛ wo ka gane ma sawalanu nya;

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 14:6

Maa lanje do ye é ziin sina la méléna, ’té Wenéné lé é ’ka nyaan lo, é a a lee, a fele tɛrɛlamunu lɛ we gi, bɛntɛrɛ faa koo, bɛn faa koo, dére faa koo, migɔnɔ faa koo, woo lé.