Ézai 52:1 - Kazambale lé Sebe Sauunu 1979

¹ Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 52:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:29

’Ka Gakelebale tɔ bɔ, a tɔ lé we ma, ’Ka da blɛnu nya, yé ’ka da a ’lɛ, Dé mi sauun bɔra a gi, ’ka ’wuo wɔra a gane wuo.

Néémi 11:1

Munu nwiinzannu nyana Jérusalɛm. Mi pɔnénu ’munnu zun léé, dé mi a vu, a do ’é go nyana fla sauun Jérusalɛm ta, yé mi pɔnénu ’é nyana flanu ta.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Fwile 28:2

I dan i bwe Arɔn lé balelasɔnu kini lɛ, a segele gɔɔnle valé a ’lɛrɛle we ma.

Fwile 28:40

Varɔ bɛ grɔgrɔnu koo, bɔn‐in kunsɔnu koo, sɔ koronu koo, i dan wo kɛlɛ lɛ Arɔn benu zé nya, wo segele gɔɔnle valé wo ’lɛrɛle we ma.

Ézai 1:21

É kɛlɛ ka yé fla lé a tamunu a turu yarapawelazannu nya, woo goo bale bɛnu zuo bélé bɔrɔdɛ le zoo? A tamunu faa, woo we drɔle kɛla turu, ’té kɛlɛle tegele a wo va; sin, munu lé woo munu ma we blé, ’té woo wo gya wobo yuɛ va, wa wo va.

Ézai 1:26

Maa dan ilé weblezannu dɔ lɛ bélé é vinin zé zo, yé maa dan ilé weplamilɛzannu dɔ lɛ bélé é vinin zé zo. Wo dan i laa lɛ é ziin, yarapawelafla.

Ézai 26:2

Wo flagɔrɔ lɛ so, ’Ka zi nɔ yarapawela bɛn tegele lɛ léé, ’wo wɔra.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 4:3

Siɔn mi pɔnénu valé Jérusalɛm mi pɔnénu lé wo vo, ’té wo wo tɔ gyɛ mi yuɛmalenu va Jérusalɛm bɛ, wo dan wo laa lɛ Bale lé munu.

Ézai 48:2

Naa, wo fla plɛplɛ tɔ pa ’wo ma, Yé wo pale a Izraɛl lé Bale lé, Wa tɔ laama lai sunyanu lé Gakelebale bɛ, a ta.

Ézai 49:18

’Ka yuɛ bɔrɔ ka zi yé ’ka nagini; Wo faa a zénna ékeva yé wo da i va. Gakelebale léé: Maa a é yuɛma. I dan wo zén lɛ i ta bélé ’lɛrɛfɛ zo, Wo dan ’lɛrɛ lɛ, bélé le lé ébo ma’lɛrɛ é bwɛ lɛ, a zo.

Ézai 51:17

Jérusalɛm munuoo, ’ka vuo, ’ka nwa, Ka lé ka Gakelebale leekana gi bliflile mini, ’Yiminikana lé a gifɛ éé mi yuɛi nɔɔan, ka lé ka ’yi mini a gi, ’té ka foroloo vɔa fɔɔ yé ka bɔ a bo ma, ’ka vuo.

Ézai 51:9

Gakelebaleoo, ’i nwa, ’i bɛ kun ilé zana ma, bé gyɛ. ’I nwa, bé kɛlɛ bélé é vinin zé zo, Bélé é li zé zo. Biian i Éjipitinu gyɛ loo? Biian i wi nyané blɛn fɔn loo?

Ézai 60:1

I nwa, i va ’é kini ma, naa, i vakinisan a dana, Yé Gakelebale lé fuasan a i ta.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Ézai 64:10

Kolé kɔn sauun tɔbɔle lé ko tinu i tɔ ma gyɛ a gi, é kɛlɛ kyɛblefɛ nya; kolé fɛwezannu faa guru zana a gi.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Ézékiɛl 44:9

Mizan Gakelebale léma: Bɛnnu lé wo bli ’ka é sile ’wo kɛlɛwe kyɛn lɛ lo, ’té wo gane ’ka é dɔle lo, wo vazan do kpen ’ka dan wɔra lɛ anlé fɛna tinle na lo. Bɛnnu lé wo dan nyana lɛ Izraɛlnu méléna, wo vazan do kpen ’ka dan wɔra lɛ ana lo.

Daniɛl 10:9

Maa a dérenu ’ma; maa a dérenu ’ma aan wo, an dia an bli la, yé an zɔrɔ.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Agajé 2:4

Gakelebale léma: Sin, Zorobabɛl, ’ibo dɔ plɛplɛ. Balebanmunu nwiinzan Josadak be Jozué, ’ibo dɔ plɛplɛ. Gakelebale léma: ’Kaa tɛrɛ ’ko la munu faa, ’kabo dɔ plɛplɛ. ’Ka nyanama pa, naa, maa a ka va. A zo lé lai sunyanu lé Gakelebale a fe.

Zakari 3:4

Yé lanje we fe munu lé wo ke a ’lɛ, wo lɛ léé: ’Ka sɔ tiridɔle si a ta. ’Bɛ zuo é lé Jozué lɛ léé: Bé ye, maa ilé weplenu si i ma, yé maa fɛtikɛlɛsɔ zén i ta.

Matio 4:5

Yonufaatagɔné go a nya fla sauun ta, yé é a vɔ Balebangikɔn nwiin loru yé é lé a lɛ léé:

WENÉNÉ LÉ LUK A GYE (Évangile selon Luc) 15:22

Naa, a ti lé é wuozannu lɛ léé: Varɔ lé é ke é zima é mini varɔ faa ta, ’ka da a nya fiéfié, yé ’ka a nɔ a lɛ. Yé ’ka bɛmafɛ nɔ a lɛ, yé ’ka sawala nɔ a lɛ.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

Éfez munu 4:24

yé dɔbɛ dɛrɛ lé wa kɛlɛ Kazambale yɛrama tegele valé sauun, ’té éé sié webozen va bɛ, ’ka ’bɛ si.

Éfez munu 5:14

Bɛwemalé wo léé: Bii lé i ke yiɛna, ’i vuo, ’I vuo mi galenu va, Yé Krist é dan i va kini lɛ.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Wegɔɔnle 11:2

Naa, wo Balebangikɔn zi gɔrɔ gi nɔ bɛnnu lɛ, amalé ’i ’bɛ vo, té i ’bɛ dan lo, yé bɛnnu é dan fla sauun zɔn lɛ ’wo gane nya moné yɔ fié wɔlɛ fié.

Wegɔɔnle 19:14

Lai sunyanu da a zuo wisoonu ta, lɛnsɔ zima fu gibɔle nya ’wo ta.

Wegɔɔnle 19:8

yé wa se kɛlɛ lezan lɛ léé, ’é lɛnsɔ zima nyananyana gibɔle zén ’é ta. Naa, lɛnsɔ a Kazambale lé munu kɛlɛwe tegelenu nya.

Wegɔɔnle 21:2

Fla sauun lé ke Jérusalɛm dɛrɛ nya, maa a ye sina la gi Kazambale va yé é zun. A ma a é ’lɛrɛle bélé bosizan lé é ’lɛrɛ é zana lɛ, a zo.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.