Ézai 51:7 - Kazambale lé Sebe Sauunu 1979

⁷ Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Ézai 51:7 ပူးပေါင်းရင်းမြစ်များ

Lɛrɛvɔ Sɛbɛ 37:31

Alé Bale lé bélidɔwe a a bli gi; A gane ’ka dan zi saan lɛ pelo.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 37:6

Yé Ézai lé wo lɛ léma: We lé ka dan a fe lɛ kazan lɛ, yee lé ke ’ko: Gakelebale léma: An sɔnɔdérenu lé Asiri munu nwiinzan lé nwunvɔzannu a fe, ’té ka a ’ma bɛ, té ’wo kana vɔ i gi lo.

Ézai 51:1

Ka lé ka tawoo we tegele zuo, ’Té ka Gakelebale naginian, ’ka tɔné dɔ an lɛ. Gɔlɛ lé wo ka so a ma, a sele ’é dɔ ka gi ma, Guru lé wo ka si a gi, a sele ’é dɔ ka gi ma.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Jérémi 1:17

Yé bii, ’i nwa, ’i kyɛsidi dɔ i gyɛn, yé we faa lé maa dan a fe lɛ i lɛ bɛ, bé fe wo lɛ. Té gligli é zén i gi wo ’lɛ lo, dé maa ɛ da gligli zén i gi wo ’lɛ.

Ézékiɛl 2:6

Yé bii blami be, té i kana wo lee lo. Té i kana wolé wefele lee lo, dɔlé té i nyanaan goligyɛné valé lélinu va, ’té i nyanaan zɛnɛanu va. Té i kana wolé wefele lee lo; té i kana wo yara lee lo, dɔlé ’té wa tɔné gi plɛplɛ gɔnɔ nya.

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Matio 5:11

Dé wo ka sɔnɔ anlé we maoo, dé wo kle pa ka ta anlé we maoo, dé wo ka tɔ sɛrɛ bɛ faa ma anlé we maoo, ka a bɛan ’bɛ gi bɛ, ’bɛ a é zima kazé nya.

WENÉNÉ LÉ LUK A GYE (Évangile selon Luc) 6:22

Dé wo ka za paoo, dé wo ka bin?-?oo, dé wo ka sɔnɔoo, dé wo sɔn vɔ ka tɔ ma fɛ naané zo‐oo, maa blami Be lé we ma, ka a bɛan gi bɛ, ’bɛ a é zima kazé nya.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

2 Korɛnt Munu 3:3

’Kaanu ɛ ke Krist lé sɛbɛ wéiin lé, ko panyanama a gyɛ, a nya; wo ’ka a gyɛ lɛ nankréyi nya lo; naa, wa gyɛ Bale yuɛmale Léli nya. Wo ’ka a gyɛ lɛ gɔlɛfén ta lo; naa, wa gyɛ mi nɛfén ɛ ta, ka blinu gi.

Bélidɔwesɛbɛ Fiézan 6:6

Bélidɔwe ’konu lé maa wo nɔ ka lɛ kyɔ, ’wo vo ka bli gi ma.

Filip munu 3:10

Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo,

Filip munu 3:8

Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo.

Ébrunu 10:16

Mizambale léé: Gipawe lé maa dan a kɛlɛ lɛ wo va, yee lé é ke ’ko: Yi ’konu zuo Maa dan anlé bélidɔwenu pa lɛ wo bli gi, Yé maa dan wo pa lɛ wo ’wuo gi. ’Bɛ zuo é lé é ziin léé:

1 Piɛri 4:14

Dé wo ka sɔnɔ Krist tɔ ma, kazé a néné, naa, fuasan Léli, Kazambale Léli, é a ka ta.

1 Piɛri 4:4

Sin, ’bɛ zo wenu lé mi ’ka a kɛla lo, ’té wa kɛlɛna bélé blii lé, ka péli ’ka é vɔle wo va ’bɛ kɛlɛna é dɛrɛ lo, amalé wo gi vuru, yé wa ka tɔ sɛrɛna.