Ézai 51:5 - Kazambale lé Sebe Sauunu 1979

⁵ Anlé wetegele kɛlɛle bɔ é pu, anlé mi sile we gi é dan bɔra lɛ, An dan munu lé we ble lɛ an bɛ nya; Wɛyiworona tɛrɛ lamunu bli é dan kɛlɛ lɛ an lɛ, Dé wa an bɛ gi, wo gi é dan san lɛ wo ma.

Ézai 51:5 ပူးပေါင်းရင်းမြစ်များ

Lɛrɛvɔ Sɛbɛ 110:6

É dan bɛnnu lé we ble lɛ, migalenu a é diale fɛfaana; É dan bɛntɛrɛ blɛn nwiinzan zɔn lɛ,

Lɛrɛvɔ Sɛbɛ 67:4

Oo Bale, migɔnɔnu i tɔ zin fe ma, Wo faa i tɔ zin fe ma.

Lɛrɛvɔ Sɛbɛ 85:9

Bale, Gakelebale éé wean fé, maa dan an tɔné dɔ lɛ a lɛ. Naa, éé dére drɔɔ fé élé munu valé élé yarapawelamunu lɛ, ’Té dé wo ’ka vɔ lɛ wolé ’tugyɛwe gi é ziin lo.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 24:15

’Ka Gakelebale tɔ bɔ fɛana lé san ke bina, ana; ’ka Gakelebale Izraɛl lé Bale tɔ bɔ wɛyi méléna tɛrɛnu ta.

Ézai 26:4

’Ka pa Gakelebale ta, té ’bɛ glɛ é dɔ lo, Naa, Gakelebale a gɔlɛgɔ nya lɛɛfaama zé nya.

Ézai 33:2

Gakelebale, ’i nyanai zén ko ta. Ko bli a bii ɛ lɛ. ’I bɔ ko va tu faa do do ma; ’i ko si we gi kolé kleblebléyi va.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 40:10

Ka ye, Mizan Gakelebale a dana élé plɛplɛ nya; Éé plaan munu nwiin é bɛ plɛplɛ nya. Ka ye, ka banwofɛ a a lee, Éé ka gooli paan zia, yé yeeboen éé dan a zuo.

Ézai 42:4

A fuu ’ka dan si lɛ a ta lo yé é ’ka dan nyana lɛ lo, Fɔɔ yé é wetegele dɔ tɛrɛ la gligli, Yé wɛyi worona tɛrɛ tamunu bli é vo alé bélidɔwe lɛ.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Ézai 49:1

Wɛyiworona tɛrɛ lamunu, ’ka tɔné dɔ. Tɛrɛ baa lamunu, ’ka an ban ka tɔné nya. Gakelebale an laa an yaabléyi va, An bu lé an yaale tɔɔn é an tɔ pa.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Ézai 56:1

Gakelebale léma: Kalé tawogane ’é drɔ tegele yé ’ka we tegele kɛlɛ; naa, é vo sɛ yé an dan ka si lɛ we gi, yé anlé wetegele na é dan gɔɔn lɛ é kele,

Ézai 59:16

É a ye léé, mi do kpen ’ka ana yé ’bɛ é dɔ we ’ko gi lo, amalé a gi vuru, amalé é léé, ’é bɛ é dan bɔ lɛ ’é va, yé ’élé wetegele é dan dɔ lɛ ’é zuo.

Ézai 60:9

Naa, wɛyiworona tɛrɛ la munu lé wo bli ke an lɛ, wonu lé; Taasis lé ’yitagoronu a zi ’lɛ, ’Té wo si ilé nénu nya baa, Wo valé wolé gɔɔlifu valé wolé kyan nya, Gakelebale, ilé Bale tɔ lé we ma, Izraɛl lé Mi Sauun lé é i tɔ kɛla blɛn, alé we ma.

Ézai 62:11

We lé Gakelebale a zana dɔɔ fɔɔ tɛrɛ glɛ sina, yee lo; É léé, ’Ka fe Siɔn munu lɛ léé, Ka yua, ka siwegizan lé é dan bɛ; Ka ye, ka gooli a a lee, Yé a ’lɛvlɛ lé ke mibanwole nya.

Ézai 63:5

Maa nagini, yé an bɔvazan do kpen ’ka lo; an gi vuru léé, an dɔ zuozan ’ka lo, amalé anbozen bɛ bɔ an va, yé an wɛwɛ an fuu dɔ an ta.

Joɛl 3:12

Bɛnnu ’é vuo, yé ’wo gɔ gié Gɔ worona lé wa laama Jozafat, a vazia ma. Ana lé maa dan nyana lɛ ka zi bɛnnu faa lé we blele we ma.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Maak 16:15

Yé é lé wo lɛ léé: ’Ka go tɛrɛ faa la, yé ’ka Wenéné ’ko fe munu faa lɛ.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

Rom munu 2:16

Yee ɛ dan bɔra lɛ yian nya lé Kazambale é dan munu lé kyeengiwenu ble lɛ Jézu nya anlé Wenéné yɛrama, a yi nya.

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Bélidɔwesɛbɛ Fiézan 30:14

Gba, é a fɛ do lé é ke ka sɔnɔ, ’té é a ka ’léé, ’té é a ka bli gi, a nya, kalé a ta tawole we gi.

1 Samuɛl 2:10

Gakelebale nyanézannu ma é dan nyɔɔn lɛ; Lagiloru baabaana lé é dan élé zagele zun lɛ wo ta. Gakelebale é dan tɛrɛlamunu faa lé we ble lɛ. É dan plɛplɛ nɔ lɛ élé minwiinzan lɛ, Yé é dan élé Nyɔnɔzénnwiinzan lé plɛplɛ lɛ si lɛ.