Ézai 51:3 - Kazambale lé Sebe Sauunu 1979

³ ’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézai 51:3 ပူးပေါင်းရင်းမြစ်များ

Wepélisiananu 13:10

Lɔt é yuɛ vɔ, yé é Juudɛn yuu lé fɛna pɛblɛɛ ye, ’té ’yi yoro ana di. ’Té Kazambale ’ka tan Sɔdɔm valé Gɔmɔɔ kyɛ ble lɛ lo; ana a bélé Gakelebale lé féi zo. É a bélé Éjipiti tɛrɛ la zo fɔɔ é bɔ Soaa.

Lɛrɛvɔ Sɛbɛ 85:8

Gakelebale, ilé zin nagɔɔn yé ko ye, Yé ’i ko si we gi.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 35:6

Ganesuruzannu é dan fɔrɔ lɛ bélé gan zo, Yé bobogyɛzannu ’léé lɛ é dan so lɛ ginanale nya. Naa, ’yi é dan so lɛ nyéné saa lé fɛna, Yé ’yinu é dan yoro lɛ bwi gi.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 43:19

Ka ye, maa a dana we dɛrɛ kɛlɛ lɛ, é bɔ é pu; Ka ’ka a yé loo? Maa dan zi pla lɛ nyéné lé fɛna, Maa dan yuunu bɔra lɛ bwi gi.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Ézai 49:13

Lanu, ka gi ’é nana ma. Tɛrɛ, ’i vo ginanale blɛn gi ma. Gɔnu, ’ka siaa ginanale nya ma. Gakelebale élé munu tɔrɔ paa, azama. A nyanai éé zén‐é élé nyanégyɛzannu ta.

Ézai 49:19

Ilé fɛnanu lé wo ’wii ana ta, ’té mi ’ka ana lao lo, Ilé tɛrɛ lé ke é sɛrɛle, É sia bléyi ’ko va, é dan kɛlɛ lɛ kiéné munu ma. Munu lé woo ’wiié i ta turu, wo dan si lɛ i ma baa.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 52:9

Jérusalɛm ’bin, ’ka fɔn ékeva ginana siaale nya, Naa, Gakelebale élé munu tɔrɔ paan Yé é Jérusalɛm tabo, azama.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 65:18

A fila vɔ léé, ka gi ’é nana ginanale blɛn nya, we lé maa dan a kɛlɛ lɛ, a we ma. Naa, maa dan Jérusalɛm kɛlɛ lɛ mi ginanale baba we ma, yé maa dan a tamunu kɛlɛ lɛ ginanazannu nya.

Jérémi 31:25

Naa, munu lé ’yiminilɔrɔ wo vo tɔɔtɔɔ, maa dan ’yiminilɔrɔ si lɛ wo ma, yé munu lé lɔrɔ blɛn wo fuu si wo ta, maa dan wo kan lɛ.

Ézékiɛl 28:13

I ana é vinin Bale lé Édɛn féi. Gɔlɛ wezannu gɔnɔ faa i ta sɔɔla; saadɔanegɔlɛ koo, topazegɔlɛ koo, diaman koo, krisolitegɔlɛ koo, ɔnisigɔlɛ koo, jasipegɔlɛ koo, safiigɔlɛ koo, gɔlɛwezan nyananyana koo, émérodegɔlɛ koo, kyan koo, woo lé. Ilé poonu valé séén bélinu a i lɛ, wo wo ma’lɛrɛ i bɔrayi nya.

Ézékiɛl 36:11

Maa dan blaminu valé winu ’léé gi gyɛ lɛ ka nwiin di. Wo gi é dan gyɛ lɛ yé wo dan fan lɛ. É sɔ an lɛ léé, munu é nyana ka nwiin bélé é vinin zé zo, yé maa dan zin kɛlɛ lɛ ka lɛ yé ’bɛ é gié é vinin zé ta, yé ka dan a gi dɔɔ lɛ léé, maa ɛ ke Gakelebale nya.

Ézékiɛl 36:35

’té wa fé léé, tɛrɛ sɛrɛle ’ko, é nɔla bélé Édɛn zianféi zo. Yé fla ’konu lé wa guru zana a gi, ’té wo vo bwi nya, wo fla pa ana yé munu éé nyanaan ana.

Joɛl 2:3

Kyɛ lé éé fɛnu blé é a wo ’lɛ, Yé kyɛnɛnɛ lé éé fɛnu waan, ’bɛ a wo zuo; É vinin ’té tɛrɛ a bélé Édɛn zianféi zo, A zuo tɛrɛ la vo yuoyuo, Fɛ do kpen ’ka soo wo lee lo.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,