Ézai 51:16 - Kazambale lé Sebe Sauunu 1979

¹⁶ Maa an dérenu paan i ’léé, Maa i tabuaan an bɛ furɔ nya. Maa ɛ lanu fwila yé maa ɛ tɛrɛ kɛlɛ, Yé maa ɛ fe Siɔn munu lɛ léé: Ka a anlé munu nya.

Ézai 51:16 ပူးပေါင်းရင်းမြစ်များ

Lɛrɛvɔ Sɛbɛ 75:3

Bale léé: Yi lé maa a dɔ, dé a yi bɔ Maa dan we ble lɛ tegele.

Lɛrɛvɔ Sɛbɛ 91:4

É dan i ta bua lɛ é kyɛɛ nya Yé i dan yɔɔna ye lɛ a bɛanu wuo; Alé yara pale we ta a i takuunfɛ valé i golɛtayɔɔfɛ nya.

Lɛrɛvɔ Sɛbɛ 92:13

Mi tegelenu éé tin‐é bélé yɔ zo, Woo toroan bélé Liban lé sɛdrɛyili zo.

Fwile 33:22

Dé anlé fuasan gié, maa dan i dɔ lɛ gɔlɛkoro gi yé maa dan an bɛ bua lɛ i ta fɔɔ yé an gié.

Fwile 4:15

I dan we fe lɛ a lɛ yé i dan dérenu pa lɛ a ’léé; yé maa dan kɛlɛ lɛ i ’léé valé a ’léé va, yé we lé ka dan a kɛlɛ lɛ, maa dan a paa lɛ ka gi.

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Ézai 48:13

An bɛ tɛrɛ gane vɔ, An bɛyi ɛ lanu fwila, Maa wo laa tɔɔn, wo da.

Ézai 49:2

É an ’léé kɛlɛ gwɔun ’lɛzan zo, É bɛ furɔ zén an ta; É an kɛlɛ sawɔlɛ ’lɛmabole nya Yé é an yɔɔ élé sawɔlɛ paagifɛ gi.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 50:4

Mizan Gakelebale é dére néné nɔ an lɛ, léé, Mi lé a fuu si a ta, an bɔ a va an dére nya; Éé an tɔné lɛ soo bladi faa do do ma, Léé, maa tɔné dɔ we lɛ bélé mizuo?-?zan zo.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Ézai 65:17

Naa, maa dan la dɛrɛ valé tɛrɛ dɛrɛ kɛlɛ lɛ. We kyɛnnu lé wo gié bɛ, wo ’ka dan ’bɛ tɔ fe lɛ é dɛrɛ lo, yé a sele boen ’ka dan dɔ lɛ mi gi é dɛrɛ lo.

Ézai 66:22

Naa, la dɛrɛ valé tɛrɛ dɛrɛ lé maa dan wo kɛlɛ lɛ, wo dan vo lɛ yifaama an yuɛ gi fɛan zo, a zo lé ka kulu valé ka tɔ é dan vo lɛ ana yifaama. Gakelebale ɛ fe.

Jérémi 1:9

Yé Gakelebale é bɛ soi, yé é bɛ mane an lɔlu ma. Yé é lé an lɛ léé: Bé ye, maa an dérenu pa i ’léé.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:38

Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

WENÉNÉ LE JAN A GYE (Évangile selon Jean) 17:8

yé dérenu lé bé pa an ’léé, maa a fe wo lɛ yé wa nyi si yé wa gi dɔɔ webozen nya léé, i va lé maa si, yé wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Bélidɔwesɛbɛ Fiézan 18:18

É léé, ’é dan balelayezan do nwa lɛ ka lɛ ka bwenu méléna bélé maa zo, ’é dan ’é dére pa lɛ ’bɛ ’léé, yé we faa lé ’é a fé ’bɛ lɛ, ’bɛ é dan a fe lɛ ka lɛ.

Bélidɔwesɛbɛ Fiézan 33:27

Bale lé a glɛ ’ka lo, é a mi vɔzizan nya, Yé woo yɔɔan a bɛ lé é ’ka nyaan lo, a wuo. É i nyanézan bin i ’lɛ, Yé é léé: ’Bé kulu ga.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

2 Piɛri 3:13

Naa, alé blivolɛdére yɛrama lé kaa ke la dɛrɛnu valé tɛrɛ dɛrɛ lɛbɛnna, ’bɛna lé we tegele é dan kɛlɛ lɛ.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.