Ézai 51:11 - Kazambale lé Sebe Sauunu 1979

¹¹ Munu lé Gakelebale wo tabo, wo dan da lɛ wo pa gi, Wo dan go lɛ Siɔn guliwuovolɛ lɛrɛ vɔle nya, Ginanale lé é ’ka nyaan lo, é dan kɛlɛ lɛ wo ’wuo ma bélé tɔkoro zo; Ginanale valé vole drɔɔ é dan kɛlɛ lɛ ana, Nyanéblele valé dunnule é dan si lɛ ana.

Ézai 51:11 ပူးပေါင်းရင်းမြစ်များ

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Wegɔɔnle 21:4

É dan wo yuɛyi si lɛ yé mi ’ka dan ga lɛ é dɛrɛ lo; wo ’ka dan gyɛ bo lɛ é dɛrɛ lo; wo ’ka dan wuvɔ lɛ é dɛrɛ lo; wo ’ka dan nyané ble lɛ é dɛrɛ lo, naa, we vininnu faa gié.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

Ézai 61:7

Ka dan tɔnɔ ble lɛ gɔnɔ fié, serele bole ka ma pa gi; Wo gi é dan nana lɛ, yaragyɛwe lé é bɔ wo ma, ’bɛ pa gi; Wo dan tɔnɔ ble lɛ gɔnɔ fié wolé tɛrɛ la, Yé wo ginanale glɛ ’ka lo.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Wegɔɔnle 22:3

Balepale ’ka é dɛrɛ lo. Kazambale valé ’Blané lé webleblin é dan kɛlɛ lɛ fla; a wuomunu é dan a bɔ lɛ,

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

Ézai 65:19

Maa dan Jérusalɛm kɛlɛ lɛ an ginanafla nya; maa dan anlé munu kɛlɛ lɛ an ginanamazannu nya. Wo ’ka dan wuvɔle valé siaale vun ’ma lɛ ana é dɛrɛ lo.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 49:13

Lanu, ka gi ’é nana ma. Tɛrɛ, ’i vo ginanale blɛn gi ma. Gɔnu, ’ka siaa ginanale nya ma. Gakelebale élé munu tɔrɔ paa, azama. A nyanai éé zén‐é élé nyanégyɛzannu ta.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Wegɔɔnle 21:1

A zuo maa la dɛrɛ valé tɛrɛ dɛrɛ ye, naa, la vinin valé tɛrɛ vinin san, yé wɛyi ’ka ana é dɛrɛ lo.

Lɛrɛvɔ Sɛbɛ 126:5

Munuan woo fɛ vɔa yuɛyi sole nya Wo dan fɛ gyɛ lɛ ginanalɛrɛ vɔle nya.

Ézai 11:15

Wɛyi lé ke Éjipiti tɛrɛ bɛ do la, Gakelebale é dan a blan sina do béli lɛ; é dan é bɛ nwa lɛ yuu ta yé é fu fɛ plɛplɛ; é dan a yoro kɛlɛ lɛ sɔrafié, yé munu é dan a kini lɛ sawala nya ’wo gane ma.

Ézai 55:12

Iin, ka dan bɔra lɛ ginanale nya, Yé maa dan go lɛ ka nya drɔɔ; Gɔblɛnnu valé gɔpanénu é dan fan lɛ ginanale nya ka ’lɛ, Yé féi yilinu faa é dan wo bɛ gyɛ lɛ.

Ézai 65:14

ka ye, an wuozannu é dan lɛrɛ vɔ lɛ wo gi nanale saa zi, naa, ’kaa, ka dan wuvɔ lɛ ka gi kyɛ dɔle we ma yé ka dan gyɛ wuvɔ lɛ ka fuu sile ka ta we ma.

Jérémi 31:13

Yé leboronénu é dan nɛnɛ bo lɛ gi nanale nya, Pɛniɛnu valé mi kwanu gi é dan nana lɛ é ziin; Maa dan wolé gyɛbole nɔla lɛ gi‐nandale baba nya, yé maa dan wo tɔrɔ paa lɛ; Yé maa dan ginanale nɔ lɛ wo lɛ wo bli kyɛdɔle pa gi.

Lɛrɛvɔ Sɛbɛ 126:2

’Té ko a é fanle ginanale nya, ’té ko siaan. ’Té ko nɛnɛ éé ginanalɛrɛ saa vɔa, ’Té wa fé bɛnnu méléna léé: Gakelebale we blɛn kɛlɛ wo lɛ.