Ézai 5:7 - Kazambale lé Sebe Sauunu 1979

⁷ Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Ézai 5:7 ပူးပေါင်းရင်းမြစ်များ

Wepélisiananu 4:10

Yé Gakelebale léé: Mɛ lé bé kɛlɛ bɛɛ? I zuané nyɛ a wuvɔna tɛrɛ gi bɛ, yé maa a ’ma an tɔné gi ’ko.

2 Samuɛl 7:10

maa nyanana nɔ anlé munu Izraɛl lɛ, yé maa wo suni wɔra, wo dɔle gligli, ’té wo ma ’ka nyɔɔn‐an é dɛrɛ lo we ma, léé, té wenyanékɛlɛzannu é nyané pa wo ta bélé é vinin zo lo,

JOB (Job) 34:28

’Bɛ lé we ma lé Kazambale éé nyanégyɛzan siaale maan, Yé éé tɔné dɔa wenaanébɔmazan siaale lɛ.

Lɛrɛvɔ Sɛbɛ 147:11

Munu lé woo kanaan Gakelebale lee, wonu ɛ sɔa a lɛ. Woan woo bli kɛla alé zin lɛ, wonu ɛ sɔa a lɛ.

Lɛrɛvɔ Sɛbɛ 149:4

Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

Lɛrɛvɔ Sɛbɛ 80:15

Lai sunyanu lé Bale, é a lé i da é ziin, Biian i ke lagi loru, bé nagini, bé ye, ’i gi bɔrɔ dɔrɔyili ’ko ma.

Fwile 3:7

Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Wegɔnévɔlenu 21:13

Mi lé éé tɔné lɛ taan nyanégyɛzan siaale ma, yeebozen é dan siaa lɛ yé wo ’ka dan we lɛ a zi lo.

Bale Lé We Gifezan 4:1

’Bɛ zuo kle faa lé wa pana munu ta tɛrɛ la, an gi bɔrɔ ’bɛ ma; kleblezannu a wuvɔna, yé mi do kpen ’ka wo tɔrɔ paan lo; wa ’wo ta klepazannu lé glawe kɛlɛmafɛ nya, yé mi do kpen ’ka wo tɔrɔ paan lo.

Wegɔné Ma Lɛrɛ 7:6

I ’wuo a é nwale loru bélé Kaamɛl gɔ zo, I nwinnu a bélé sɔ ti drɔndrɔn zo; I nwin éé minwiinzan blɛn yerean.

Ézai 1:21

É kɛlɛ ka yé fla lé a tamunu a turu yarapawelazannu nya, woo goo bale bɛnu zuo bélé bɔrɔdɛ le zoo? A tamunu faa, woo we drɔle kɛla turu, ’té kɛlɛle tegele a wo va; sin, munu lé woo munu ma we blé, ’té woo wo gya wobo yuɛ va, wa wo va.

Ézai 1:6

É sia wo gane buli fɔɔ yé é bɔ wo nwiin, wo zinna do kpen ’ka lo. Tuolenu koo, nyɛ dɔle wo kɔlɛnu gi valé manɔn kuru kwakwanu koo, wo saa ɛ ke wo ma; wo ’ka wo paan lo, wo ’ka sɔ vuruan wo ta lo, wo ’ka nyɔnɔ paan wo gi lo.

Ézai 27:2

’Bɛ yi la, dɔrɔféi lé éé dɔrɔ zin no, ’ka a tɔ vɔ lɛrɛ nya.

Ézai 3:14

Gakelebale a weblena élé munu va mi segelenu valé wo nwiinzannu va; é léé: Ka dɔrɔféi ble. Fɛnu lé ka si nyanégyɛzannu lee gla nya, wa kalé kɔnnu gi nuu.

Ézai 3:15

De ɛ se kɛlɛ ka lɛ, ka anlé munu zɔn ka gane nya, ’té ka nyanégyɛmunu yuɛi kyɛ dɔaa? Mizan, lai sunyanu lé Gakelebale ɛ fe.

Ézai 3:17

bɛwemalé Mizan é dan Siɔn lomu gyɛ lɛ palo nya, Gakelebale é dan wo poro lɛ.

Ézai 30:12

Bɛwemalé Izraɛl lé Mi Sauun léma: Ka sɔn vɔ dére ’ko ma, ka a pale glawe valé viéwe ɛ ta, yé ka wo kɛlɛ ka bɔvafɛ nya,

Ézai 46:12

Bli plɛplɛzannu, we drɔle nyanézannu, ’Ka tɔné dɔ an lɛ.

Ézai 5:2

É tɛrɛ ma nɔla, é gɔlɛnénu si a va yé é yiliné zima suru ana; É dɔtafɛ do kɛlɛ a méléna, Yé é dɔrɔyi borona do kɛlɛ é ziin ana. A bli a a lɛ léé, é dan dɔrɔporo zima baa lɛ, Naa, é dɔrɔporo naané ɛ baa.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Ézai 59:14

Yé vole koboma gyɛ é zuo, yé sile we gi dɔ ko ma baa; yé webozen san ko lee flavuun la, yé we drɔle ’ka bɔa biéle lɛ ko lɛ lo.

Ézai 59:4

Ka do kpen ’ka mi tɔ fé tegele lo. Ka do kpen ’ka we sié ka nwiin we drɔle nya lo. Ka paan boawenu ta, ’té ka we fé vié nya. Ka wenaané bɔn sié yé ka né yaa wenyané blɛn nya.

Ézai 62:5

Pɛniɛ éé blɛnzan sié fɛan zo, A zo duo lé i benu é dan i si lɛ. Fɛan zo lé bodɛrɛsizan é zana gi nana, A zo lé i dan ilé Bale gi nana lɛ.

Jérémi 12:10

’Blatabinzannu kiɛre ’wii anlé dɔrɔféi ta, Woo anlé féi zɔn‐o ’wo gane nya; Woo anlé ginanama féi kinié bwi nya, Wa kɛlɛ fɛna tété nya.

Jérémi 24:2

Bɔrɔyiliporo lé ke kyɛɛné do gi, wa é zima é baba, bélé yiliporo vininzannu zo, yé kyɛɛné koɛzan zé a é naané é baba; mi ’ka bɔa wo blele lɛ lo, wo naané lé we ma.

Jérémi 50:46

Vun lé é we Babilɔn sile we ma, é tɛrɛ ma nyɔɔn, yé wo wo siaale ’ma bɛnnu méléna.

Ézékiɛl 22:29

Tɛrɛ ’ko lamunu woo ’wobo no glawe kɛlɛle lɛ, ’té woo kyeenwoo; woo yaan wenaané bɔmazannu valé nyanégyɛzannu ta; woo we tegelenu gi sɛra bɛnnu yele nya ’wo yuɛ gi bélé winu zo.

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Abaku 1:3

Mɛmalé bé kɛlɛ léé, maa weple ye, yé we lé é ’ka tegele lo, mɛmalé i yuɛ vɔ a taa? Mɛmalé yaale mi ta valé glawe kɛlɛle a an yuɛ gii? Wa zɔdɔna, ’té zavɔle éé nwaan munu méléna.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Matio 23:23

Sɛbɛgifemunu valé Farizimunu, bodrɔzannu, ka gale nyɔ. Zian va blaanu mant koo, anɛt koo, kumɛn koo, ka wo vuzan no, yé we lé é ke blɛn é mini wo ta bélidɔwe gi, ka ’bɛ voo ka bɛ zuo; we tegele kɛlɛle koo, nyanai zénle koo, yarapale we ta koo, woo lé ka wo voo ka bɛ zuo. É a lé ka ’bɛnu é kɛlɛ, yé té ka a vininzannu vo ka bɛ zuo lo.

WENÉNÉ LÉ LUK A GYE (Évangile selon Luc) 18:7

Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

Bélidɔwesɛbɛ Fiézan 15:9

’I yuɛ pa ibozen va, té i gi kɛlɛ nyané yé bé fe i bli gi léé, lɛɛ sɔrafiézan, mivoéboma lɛɛ bɔ é pu, lo. ’I yuɛ pa ibozen va, té i kɛlɛ gi pɔnpɔnzan nya i bwe nyanégyɛzan ma yé i fɛ nyané kɛlɛ a lɛ lo. É dan siaa lɛ Gakelebale lɛ i tɔ nya, yé i dan wenyané kɔné dɔ lɛ ibo nwiin.

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.