Ézai 5:30 - Kazambale lé Sebe Sauunu 1979

³⁰ ’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Ézai 5:30 ပူးပေါင်းရင်းမြစ်များ

Bale Lé We Gifezan 12:2

’I bli kyɛ dɔle yi ga; té bé nyi si léé, i kɔlɛ é kle ble lo; pɛniɛ gyɛle valé mi boroné la bléyi a boawe nya.

Ézai 13:10

Naa, lagi monénénu valé pɔrɔ kunnu monénénu wo ’ka dan bi lɛ é dɛrɛ yé wo wo san ye lo. Dé yiri nwa tɔɔn, ’té gunu dɔra a ta yé moné ’ka dan bi lɛ é dɛrɛ lo.

Ézai 13:4

’Ka tɔné dɔ. Fɛ vun a wena gɔ nwiin bélé mi gu vun wele zo. Bɛntɛrɛnu lamunu valé bɛnnu lé wo zén ékeva, wo vun wele lé. Sunyanu lé wo dan guli dan lɛ, wa ’wolé gulili sina lai sunyanu lé Gakelebale ’lɛ.

Ézai 17:12

Oo, munu kiɛre a wena; wo vun éé wé bélé wɛyi vun wele zo. Bɛnnu bɔ gyɛ, woo gi éé wé bélé ’yiyoro plɛplɛnu gi wele zo.

Ézai 30:6

Kɔnésiwinu a gona yirinwana bɛyilazia; wa kwakulitɛrɛ valé nyanébletɛrɛ kinina. Golizrada valé golizra?-?gɔné lé fɛna lé. Ménénwunnu valé dragɔn lé éé sié, wa wolé fɛna nya. Juifinu ’wolé fuafɛnu vɔ sokofalenu punu; wo ’wolé fɛwezannu vɔ nyɔgɔmé punu, yé wa gona wo nya munu lé wo ’ka dan tɔnɔ do kpen ye lɛ ’bɛnu ma lo, wo va.

Ézai 59:9

Bɛwemalé ko vole koboma a ko ma baa, yé sile we gi ’ka ko lɛ é pu lo. Ko a san lɛbɛnna, ’té gunuti lo. Ko a fɛna fu lɛbɛnna, ’té ko tawoo gunu tiritiri va.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 30:5

Gakelebale léma: Ko dikiniémigi siaalenu ’ma, Nyɛ zén migiwe lé; vole drɔɔ we kaan lo.

Jérémi 50:42

Sa valé toané din a wo lee; Wa gi pɔnpɔnzannu nya; wo nyanai ’ka zén‐é lo. Wo dére gi éé wé bélé wɛyi zo; Wo vɔ wisoonu ta; Wo ma a é ’lɛrɛle gulidanle we ma bélé mi do kpen zo, Bii Babilɔn lé munu ma.

Jérémi 6:23

Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Jérémi Lé Wuvɔ Sɛbɛ 3:2

É go an nya gunutinu va, É ’ka go lɛ an nya san va lo.

Ézékiɛl 26:3

Bɛwemalé, Mizan Gakelebale léma: Ka ye, ’kaa Tii munu, kaa kee é wo bɛ. Maa dan bɛngɔnɔ kiɛre nwa lɛ i ma bélé wɛyi nwalenu éé nwaan fɛan zo, a zo.

Joɛl 2:10

Tɛrɛ ma éé nyɔɔn‐an wo ’lɛ, Lanu ma éé nyɔɔn‐an, Gunu éé dɔraan yiri valé moné yara, Monénénu éé daan bile ma.

Amɔs 5:18

Munu lé é sɔ wo lɛ léé, Gakelebale lé yi ’é bɔ, we tɔntɔn a wozé nya. É dɔ ka gi léé, mɛ we ɛ dan bɔ lɛ ka ma Gakelebale lé yi nyaa? É dan kɛlɛ lɛ gunudɔrayi nya, fɛnafu ’ka dan kɛlɛ lɛ lo.

Amɔs 8:9

Mizan Gakelebale léma: ’Bɛ yi nya, maa dan yiri vɔ lɛ é yiéyi, yé gunu é dan dɔra lɛ tɛrɛ la yiéyi bléyi va;

Matio 24:29

Naa, ’bɛ nyanébleyi ’konu zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

Wegɔɔnle 6:12

É zɔrɔkaanyɔɔ suiɛdozan bɔi aan wo, maa a naginina, yé tɛrɛ manyɔɔn blɛn, yé yiri kɛlɛ é ti bélé wikyɛɛ bɔlɔ zo, yé moné yara faa kɛlɛ bélé nyɛ zo,