Ézai 5:23 - Kazambale lé Sebe Sauunu 1979

²³ Munu lé woo wegyɛzan lé we kɛla néné, blɛ lé we ma, ’té woo weanwiinlozannu lé se sié wo lee, wenaané ’é kɛlɛ wo lɛ ma.

Ézai 5:23 ပူးပေါင်းရင်းမြစ်များ

1 Minwiinzannu 21:13

mi naané fié da yé wo dɔ a yara yé wo we fe munu lɛ Nabɔt ma ’ko zo léé: Nabɔt bale pa Bale valé minwiinzan blɛn ma. A zuo, wo goan flagini ma yé wo gɔlɛ vuli a va yé é ga.

2 Minwiinmunu lé Wezuofe Sɛbɛ 19:7

Sin, kanale Bale lee ’é kɛlɛ ka gi ma. ’Ka yuɛ pa ka kɛlɛwenu va, naa, weple do kpen ’ka Gakelebale, kolé Bale gi lo; é ’ka mi naginian é kɔlɛ ma lo, yé é ’ka dɔa mi zuo é leefɛ ma lo.

Lɛrɛvɔ Sɛbɛ 94:21

Woo zén‐é ékeva mi tegele lé tɛrɛla ma, Yé woo weanwiinlozan gya we nya.

Wegɔnévɔlenu 17:15

Mi lé é wegyɛzan vo ébo ma, é valé mi lé éé mi tegele gya we nya, wo fiénu a bélé bo zo Gakelebale yuɛ gi.

Wegɔnévɔlenu 17:23

Minaané éé blɛfɛ sié kyeen gi, zi tegelenu sɛrɛle we gi.

Wegɔnévɔlenu 24:24

Mi lé éé a fé mi naané lɛ léé: Bii a tegele, munu éé bale paan a ma, migɔnɔnu éé bale paan a ma.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 10:1

Munu lé woo bélidɔwe naané bɔraan koo, sɛbɛgyɛmunu lé wo ’ka weblesɛbɛ gya mi dére ta lo, ’té wo ’ka a nyi sié léé, wo nyanégyɛzannu lé we ble lo, ’té woo anlé munu va wenaanébɔmazannu lé se sié wo lee, ’té woo we kɛlɛ zanagalalomu lɛ bélé wo blewi lé, ’té woo fɛ sié ti valé bugalazannu lee bélé gulizarafɛ sile zo. Wenaané ’é kɛlɛ wo lɛ ma.

Ézai 28:7

Naa, Juda munu é ziin, wo dan vɔ lɛ dada nwɛ lé we ma, yé dɔrɔ ’lɛ plɛplɛ é dan wo yuɛgi nɔɔ lɛ. Balebanzannu valé balelayezannu, wo dan vɔ lɛ dada dɔrɔ ’lɛ plɛplɛ lé we ma. Nwɛ bɛn mini wo lɛ yé dɔrɔ ’lɛ plɛplɛ éé wo yuɛi nɔɔan. Woo balelawe fé dan dan dan; woo we blé yuɛgi blan nya.

Ézai 29:21

Munu lé woo we dɔa mi bɛnu nwiin weblena, ’té woo diaan dɔmizuozannu zi flagɔrɔ ’léé, ’té woo weanwiinlozannu lé se sié wo lee dabli nya, woo lé.

Ézai 32:7

Dablikɛlɛzan lé dabli kɛlɛle a naané; éé bɔn‐in naané saa ɛ daan, nyanaizénlazannu saanle we gi ’élé viédére nya, dé nyanégyɛzan lé we a tegeleoo, éé a kɛla ’bɛ lɛ.

Ézai 59:15

Webozen ta saan; mi lé éé sié wenaané kɛlɛle ma baa, wo alé fɛnu si a lee. Gakelebale a ye léé, we drɔle ’ka é dɛrɛ lo, amalé a yara kɛlɛ é nyané.

Amɔs 5:12

Naa, maa gi dɔɔ léé, kalé wenyané blɛnnu a kiɛre, kalé wenyanénu gi gyɛ. Ka yaan mi tegelenu ta, ka blɛfɛ sié gla nya, yé ka nyanégyɛmunu lé se sié wo lee weblena.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Matio 23:35

weanwiinlomunu nyɛ faa lé munu a zana tɛrɛ la, a we dɔle ka nwiin we gi; é sia mi tegele Abɛl ma fɔɔ yé é bɔ Barasi be Zakari lé ka a gyɛ Balebangikɔn valé balebanna worona bɛ, a ma, wo nyɛ lé é zana, a we a ka nwiin.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

SEBE LÉ JAK A GYE (Épitre de Jacques) 5:6

Ka ga dɔ mi tegele nwiin, yé ka a gyɛ, yé é ’ka nyana vɔ lɛ lo.