Ézai 5:2 - Kazambale lé Sebe Sauunu 1979

² É tɛrɛ ma nɔla, é gɔlɛnénu si a va yé é yiliné zima suru ana; É dɔtafɛ do kɛlɛ a méléna, Yé é dɔrɔyi borona do kɛlɛ é ziin ana. A bli a a lɛ léé, é dan dɔrɔporo zima baa lɛ, Naa, é dɔrɔporo naané ɛ baa.

Ézai 5:2 ပူးပေါင်းရင်းမြစ်များ

2 Samuɛl 7:10

maa nyanana nɔ anlé munu Izraɛl lɛ, yé maa wo suni wɔra, wo dɔle gligli, ’té wo ma ’ka nyɔɔn‐an é dɛrɛ lo we ma, léé, té wenyanékɛlɛzannu é nyané pa wo ta bélé é vinin zo lo,

Néémi 13:15

’Bɛ bléyi va, an munu ye Juda tɛrɛ la, ’té woo dɔrɔporo zɔn‐o wo gane nya flinyi nya, ’té woo ’sanwunnu sian, ’té dɔrɔ koo, dɔrɔporo koo, bɔrɔyiliporo koo, fɛ gɔnɔ faa koo, ’té woo wo vɔa sokofalenu punu yé wo da wo nya Jérusalɛm flinyi nya. Yé yian nya lé wo da wolé fɛ dan lɛ, an we pla wo lɛ ’bɛ yi la.

Lɛrɛvɔ Sɛbɛ 80:8

Lai sunyanu lé Bale, ’i ko nwa, ’I yara soi ko lɛ, yé ko dan si lɛ we gi.

Lɛrɛvɔ Sɛbɛ 80:9

I dɔrɔyili soowɔla Éjipiti tɛrɛ la; I bɛnnu bin, yé bé suru wo pa gi.

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Ézai 1:8

Siɔn munu vo bélé banwuliné zo é do dɔrɔféi; wo vo bélé sunbanwuliné zo zianféi; wo vo bélé fla lé wo diri a zi, a zo.

Ézai 5:7

Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 2:21

An ka suru dɔrɔyili zima lé A gɔnɔ ke tegele, a féi nya. É kɛlɛ kaa yé sin ka dɔbɛ nɔla Yé ka kinin dɔrɔyili dɛn nyaa?

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

Misé 4:8

Yé bii trubɛ palu lé dɔtafɛ, Siɔn munu lé gɔpané, plale mi nwiin kyɛn é dan da lɛ i va yé i pla mi nwiin; Jérusalɛm munu plale mi nwiin lé.

Mi Nɔnɔle 23:9

Maa Izraɛlnu ye, ’té maa a é dɔle gɔlɛgɔ nwiin, Yé an yuɛ vɔ wo ta tirilii, ’té maa a gɔ nwiin loru. Migɔnɔ do lé é ke é nyanale é yɛrama, yee lé, Yé é ’ka é pale bɛnnu va lo.

Matio 21:19

É bɔrɔyili ye zi ma yé é bié a ma, naa, a laa saa lé é a ye a nwiin, yé é lé a lɛ léé: Té i poro é baa é dɛrɛ monomono lo ma. Tɔɔn bɔrɔyili ga.

Matio 21:33

’Ka tɔné dɔ gɔné do vɔle lɛ é ziin. Gɔnézan do ana, kɔnzan lé, yé é dɔrɔféi pa. É gɔrɔ bo a zi, yé é dɔrɔ borona kɛlɛ, yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, yé é si tɛrɛ ’ko la.

Matio 21:34

Dé dɔrɔporo sobléyi pa é ’é wuomunu nwunvɔ élé féinwiinzannu va élé féi dɔrɔporo sile we ma.

Maak 11:13

É bɔrɔyili do ye baa, ’té a laanu a a ta. É go a nagini lɛ, dé a poro baa? É bié a ma, yé é a laa saa ɛ ye. Bɔrɔ poro baabléyi ’ka tan bɔ lɛ lo, azama.

Maak 12:1

’Bɛ zuo Jézu kun gɔnénu vɔle ma wo lɛ. Gɔnézan do dɔrɔféi pa. É gɔrɔ bo a zi, yé é dɔrɔ borona kɛlɛ yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, léé, ’wa guli wo nya, yé é si tɛrɛ ’ko la.

Maak 12:2

Dé dɔrɔporo sobléyi pa, é ’é wuozan do pa zia féinwiinzannu va, léé, ’é go ’ézé si wo va.

Rom munu 9:4

Wa Izraɛl munu nya; wo ɛ ke Kazambale lé né bozennu nya; wo ɛ Kazambale lé fuasan ye; Kazambale é gi pa do wo ɛ va; Kazambale bélidɔwe nɔ wo ɛ lɛ; wo ɛ Kazambale bɔ é bangikɔn gi; Kazambale blivolɛdére fe wo ɛ lɛ;

1 Korent munu 9:7

Mi kyɛn ɛ sunya kɛla ’té é ébozen banwoo? Yé mi kyɛn ɛ yili suruan, ’té é ’ka a poro blé loo? Mi kyɛn ɛ trubɛ tabin‐é, ’té é ’ka a nyɔyi minian loo?

Bélidɔwesɛbɛ Fiézan 32:6

’Tugyɛzannu lé ka ’ka we dɔɔa lo, ’Bɛ zo lé ka we lɛgi paan Gakelebale maa? Ka ti kaan loo? Ka Kɛlɛzan kaan loo? Yeean é ka ’lɛrɛ loo? Yeean é ka dɔ plɛplɛ loo?

Weblezannu 16:4

’Bɛ zuo a bli bɔ lezan do ma Sorɛk gɔ worona. Wa tɔ laama Délila.