Ézai 5:16 - Kazambale lé Sebe Sauunu 1979

¹⁶ Lai sunyanu lé Gakelebale lé weblele ma lé wo dan a dɔɔ lɛ mi blɛn nya, yé Bale sauun é dan é kɛlɛle sauun nagɔɔn lɛ élé we tegele kɛlɛle nya.

Ézai 5:16 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

Lɛrɛvɔ Sɛbɛ 21:13

Yé i wo nwunzi dɔ i ta, Yé i dan sa vɔ lɛ wo ma.

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Lɛrɛvɔ Sɛbɛ 9:16

Migyɛguru lé bɛnnu a bo, wobozen éé diaan a gi, Séli lé wa vɔ é yɔɔle, woboen a sian a gi ’wo gane nya.

Ézai 12:4

Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:9

Mi kiénénu é dan tua lɛ yé mi blɛnnu lé plɛplɛ ta é dan zana lɛ. I ’ka dan wo ma we vo lɛ lo.

Ézai 28:17

Maa dan we drɔle kɛlɛ lɛ yili drɔle prɔɔné nya, yé maa dan we tegele kɛlɛ lɛ fɛ danmabawɔrɔ nya. Dabli kɛlɛle lé ke ka yɔɔna nya, goowɔlɛlɛɛ é dan ’bɛ sɛrɛ lɛ. Viéwole lé ke ka tayɔɔfɛ nya, ’yi blɛn é dan zén lɛ ’bɛ ta.

Ézai 29:23

Naa, dé alé nénu an panyanama ye ’wo va, wo dan kana lɛ an tɔ ma, wo dan Jakɔb lé Mi Sauun kɛlɛ lɛ lɛamazan nya, yé wo dan kana lɛ Izraɛl lé Bale lee.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 33:10

Gakelebale léé: Sin, maa dan nwa lɛ; sin, wo dan an tɔ bié lɛ; sin, wo dan an kɛlɛ lɛ blɛn.

Ézai 33:5

Gakelebale a é nwale, naa, a nyanana a loru, azama. É Siɔn fan we drɔle valé we tegele nya.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Ézai 61:8

Naa, maa, Gakelebale, we tegele sɔ an lɛ, ’Wiile fɛ ta kyeenwole nya valé weple za a an gi; An yuɛgi ’ka dan blan lɛ wo banwole ma lo. Gipawe lé é ’ka nyaan lo, maa dan a kɛlɛ lɛ wo va.

Ézai 8:13

’Ka lai sunyanu lé Gakelebale ye blɛn, ’ka kana yee ɛ lee, yee ɛ tun dɔ ka gi.

Ézékiɛl 20:41

Tɛrɛnu lé maa ka nwɛɛn ana munu méléna, dé maa ka si ana bléyian va, ’bɛ bléyi va maa dan ka si lɛ bélé lasikɔrɔ gin néné zo. Yé ka dan maa kɛlɛ lɛ segele bɛnnu yuɛ va.

Ézékiɛl 28:22

Bé fe a lɛ léma: Mizan Gakelebale léma: Bé ye, Sidɔn, ko kee i nya; dé an dɔra i ta bléyian va, dé maa anbo nagɔɔn mi sauun nya ka lɛ, ’bɛ bléyi va an tɔ é dan kɛlɛ lɛ blɛn, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 28:25

Mizan Gakelebale léma: Dé maa Izraɛl munu si é nwɛɛnle bɛnnu méléna yé maa wo zén ékeva ’ko, ’bɛna lé maa dan anbo nagɔɔn lɛ mi sauun nya bɛnnu yuɛ va, yé anlé munu é dan nyana lɛ wolé tɛrɛ lé maa a nɔ an wuozan Jakɔb lɛ, a ta.

Ézékiɛl 36:23

An tɔ blɛn lé ka sɛrɛ bɛntɛrɛnu ta, ’té ka a sɛrɛ wo méléna bɛ, maa dan a kɛlɛ lɛ tegele. Yé Mizan Gakelebale léma: Dé kalé we kɛlɛ blɛn bɛnnu yuɛ va, wo dan a gi dɔɔ lɛ léé, maa lé ke Gakelebale nya.

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Ézékiɛl 38:23

A zo lé maa dan an blɛn valé kɛlɛle sauun nagɔɔn lɛ wo lɛ, yé wo dan a gi dɔɔ lɛ léé, maa lé ke Gakelebale nya.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.

Mi Nɔnɔle 20:13

’Yinu ’ko tɔ lé Mériba. Ana lé Izraɛlnu za kɛlɛ Gakelebale va, ’té ébo kɛlɛ lɛamazan nya wo lɛ bɛ, a va.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

1 Piɛri 1:16

fɛan zo lé Bale lé sɛbɛ a fe, a zo. É léé: Maa Bale a sauun, amalé ’ka kɛlɛ sauun.

1 Piɛri 2:15

É a Kazambale lé blibɔmawe nya léé, wezin kɛlɛle nya lé ka tavomunu lé tanyila wefele tadɔa.

1 Piɛri 3:15

naa, ’ka Krist pa é yɛrama ka bli gi Kazan nya. We lé ka bli ke a lɛ, dé miomian é a gi laa ka lee, ’ka gi fe a lɛ. ’Ka a fe bli drɔɔ valé kanale nya,

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.