Ézai 5:13 - Kazambale lé Sebe Sauunu 1979

¹³ Bɛwemalé wo dan bɔra lɛ anlé munu ma fiaa yé wo go wo nya luu gi. Alé tɛrɛwɔlɛnu é dan ga lɛ lɔrɔ nya, yé alé mi gu bɔrɔ gi é dan ga lɛ ’yiminilɔrɔ nya.

Ézai 5:13 ပူးပေါင်းရင်းမြစ်များ

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

Wegɔnévɔlenu 10:21

Mi tegele lɔlu éé zi gɔɔn‐an mi kiɛre lɛ, yé ’tugyɛzannu éé gaan wo ’wuo gi vurule ’wo ma we ma.

Ézai 1:3

Dirigɔné ézan dɔɔ yé sokofalezan éé fɛ no ’é lɛ fɛan gi, é a dɔɔ; Izraɛl ’ka we do kpen dɔɔa lo; ’wuo ’ka anlé munu ta lo.

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 23:9

Lai sunyanu lé Gakelebale ɛ fe, fɛ faa lé woo bié, wolé boblɛn yigale we gi, tɛrɛ la mi blɛnnu faa kɛlɛle kiéné we ma.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 3:1

Fɛnu faa lé mi éé paan a ta, é valé wolé fɛ faa pun sina, Mizan, lai sunyanu lé Gakelebale é dan wo si lɛ Jérusalɛm munu valé Juda munu lee. Wolé fɛblele sinanu faa koo, wolé ’yi’wuonu faa koo, Gakelebale é dan wo si lɛ wo lee.

Ézai 3:3

mi yɔ fié wɔlɛ vu nwiinzan valé flanwiinzan koo, weplamilɛzan koo, blabozan baba valé yokɛlɛzan baba koo, é dan wo si lɛ wo lee.

Ézai 44:19

É ’ka ’é gi bɔrɔan lo; é ’ka we dɔɔa lo, yé ’wuo ’ka a ta yé é a fe léé: Maa a kuru do sɔn kyɛ nya, yé maa fɛ dɔne a nyɛ ma; maa wi pane a ma yé maa ble ’naan, yé maa bozofɛ kɛlɛ a pɔnénu nyaa? Maa diaan an bli la yilikuru do lɛɛ? ’Wuo ’ka wo ta yé wa fé ’bɛ zo lo.

Ézai 49:21

Yé i dan a fe lɛ i bli gi léé: De ɛ wo yaa an lɛɛ? Naa, nénu ’ka turu an lee lo, ’té maa a sɔnzan nya. Wo so an va yé wo an bɔra, de ɛ anlé nénu paa? Maa vo turu an do ’naan, wonu ’ko, wa turu kyɛɛn?

Ézai 65:13

Bɛwemalé Mizan Gakelebale léma: Ka ye, an wuozannu é dan fɛ ble lɛ yé lɔrɔ é dan ka gyɛ lɛ; ka ye, an wuozannu é dan ’yi mini lɛ, yé ’yiminilɔrɔ é dan ka gyɛ lɛ; ka ye, an wuozannu gi é dan nana lɛ yé ka gi é dan blin lɛ ka ma;

Jérémi 14:18

Dé an go féioo, gwɔun gyɛzannu a ’bɛna; Dé an da flaoo, lɔrɔgyɛzannu a ’bɛna. Balelayezan boen valé Balebanzan woo nɔɔan tɛrɛ ’ko la, Yé wo ’ka wo gona dɔɔa lo.

Jérémi 14:3

Mi segelenu éé né kiénénu nwunvɔa ’yi tɔna, Yé nénu éé goo ’yibagi, yé wo ’ka ’yi yé a gi lo; Woo nɔlaan bɔ koro nya wo lee. Yara wo gyɛ; wo kua yara nya yé wo sɔ zén ’wo ’wuo ma.

Jérémi 8:7

Bwibalo boen ézé bléyi dɔɔ lanu gi; plala koo, leelené koo, valusanbla koo, wo ’wo gobléyi dɔɔ. Naa, anlé munu ’ka Gakelebale lé bélidɔwe dɔɔa lo.

Jérémi Lé Wuvɔ Sɛbɛ 4:9

Munu lé woo zamaga wo gwɔun lee, wozé néné mini Munu lé wo zamaga wo lɔrɔ lee, ’Té gyɛ bɛ ’na wo gi, ’Té féifɛ ’ka wo lee lo, wozé ta.

Ézékiɛl 7:12

A bléyi bɔ, a yi bɔ é pu; té fɛlɔzan gi é nana lo, té fɛdanzan bli kyɛ é dɔ lo. Naa, bliflile nwa mi gu blɛn faa ma.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Amɔs 8:13

’Bɛ yi nya blɛn nɔnɔminu valé pɛniɛnu é dan ga lɛ ’yiminilɔrɔ nya.

WENÉNÉ LÉ LUK A GYE (Évangile selon Luc) 19:44

Wo dan i guru zana lɛ a gi tata, bii valé i ta munu nya. Bléyian va lé an da ka va, ka ’ka a gi dɔɔ lɛ lo, amalé wo ’ka dan i gɔlɛ do kpen vo lɛ é ke ta lo.

Rom munu 1:28

Kazambale dɔɔle gi bɔrɔ ’ka aan wo wo ma lo, Kazambale wo nɔ wolé gi bɔrɔle naanénu lɛ, yaragyɛwe gɔnɔ faa kɛlɛle we ma.

2 Piɛri 3:5

Munu ’konu gi san we kenu ma wobo yuɛ va; yee lé ke léé, é vinin, lanu valé tɛrɛ ana; Kazambale wo kɛlɛ é dére nya, yé é wo si ’yi va yé é wo kɛlɛ ’yi nya;