Ézai 5:1 - Kazambale lé Sebe Sauunu 1979

¹ Lɛrɛ lé an sɔlɛzan a vɔ élé dɔrɔféi ma, maa dan a vɔ lɛ an sɔlɛzan lɛ. An sɔlɛzan lé dɔrɔféi ana, Gɔpané lé ana tɛrɛ ke é zima, ana.

Ézai 5:1 ပူးပေါင်းရင်းမြစ်များ

Lɛrɛvɔ Sɛbɛ 101:1

Lɛrɛ lé. David zé lé. Maa dan zin valé we tegele vɔ lɛ lɛrɛ nya; Bii Gakelebale lɛ lé maa dan lɛrɛ vɔ lɛ.

Lɛrɛvɔ Sɛbɛ 45:1

Lɛrɛvɔzannu nwiinzan zé lé. ’Wa vɔ lɛrɛvɔafɛ lé wa laama bolu lé goo, a va. Koré kulunu ɛ vɔ. Bale tɔbɔlɛrɛ do lé. Sɔlɛle lɛrɛ lé.

Lɛrɛvɔ Sɛbɛ 60:5

I we tɔntɔn kɛlɛ ilé munu lɛ, I yuɛgi nɔɔn nwɛ nɔ ko lɛ, ko mini.

Lɛrɛvɔ Sɛbɛ 80:8

Lai sunyanu lé Bale, ’i ko nwa, ’I yara soi ko lɛ, yé ko dan si lɛ we gi.

Wegɔné Ma Lɛrɛ 2:16

An sɔlɛzan a anzé nya, yé maa a yee ɛzé nya; Élé trubɛ blena kɛla bolu lé goonu méléna.

Wegɔné Ma Lɛrɛ 5:16

A lagolo ma a néné saawo, É a mi faa ginanamazan nya. Jérusalɛm lomu, An sɔlɛzan, an bwɛ a yee ɛ zo. —

Wegɔné Ma Lɛrɛ 5:2

Maa a yibla, naa, an bli a é vuole; Maa an sɔlɛzan dére ’ma kɔkɔ gyɛna: — É léé: An buru, an bwɛ, Anlé plala, anlé gun‐amalozan, ’i kɔn lɛ so an lɛ; Naa, fli vɔ an ’wuo ma, An nwin a é fanle lolu nya. —

Wegɔné Ma Lɛrɛ 6:3

Maa a an sɔlɛzan zé nya, yé an sɔlɛzan a anzé nya; Éé fɛblele no élé trubɛnu lɛ bolu lé goo gi.

Jérémi 12:10

’Blatabinzannu kiɛre ’wii anlé dɔrɔféi ta, Woo anlé féi zɔn‐o ’wo gane nya; Woo anlé ginanama féi kinié bwi nya, Wa kɛlɛ fɛna tété nya.

Jérémi 2:21

An ka suru dɔrɔyili zima lé A gɔnɔ ke tegele, a féi nya. É kɛlɛ kaa yé sin ka dɔbɛ nɔla Yé ka kinin dɔrɔyili dɛn nyaa?

Ézékiɛl 15:2

Blami be, dɔrɔyili lé ke pɔrɔ gi yilinu va, a bɛ gale mini yili bɛ lɛ kaa?

Ézékiɛl 19:10

I bu a bélé bii zo; bélé dɔrɔféi lé É ke é pale ’yinu sɔnɔ, a zo. É a é fanle; ’té a bɛnu a di, ’Yi kiɛre lé we ma.

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

Matio 21:33

’Ka tɔné dɔ gɔné do vɔle lɛ é ziin. Gɔnézan do ana, kɔnzan lé, yé é dɔrɔféi pa. É gɔrɔ bo a zi, yé é dɔrɔ borona kɛlɛ, yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, yé é si tɛrɛ ’ko la.

Maak 12:1

’Bɛ zuo Jézu kun gɔnénu vɔle ma wo lɛ. Gɔnézan do dɔrɔféi pa. É gɔrɔ bo a zi, yé é dɔrɔ borona kɛlɛ yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, léé, ’wa guli wo nya, yé é si tɛrɛ ’ko la.

WENÉNÉ LÉ LUK A GYE (Évangile selon Luc) 20:9

’Bɛ zuo Jézu kun gɔné do vɔle ma munu lɛ yé é léé: Gɔnézan do dɔrɔféi pa. É a bɛ pa féinwiinzannu lee, yé é go tɛrɛ bɛ la yé é mɔn ana mi.

WENÉNÉ LE JAN A GYE (Évangile selon Jean) 15:1

Maa a bélé dɔrɔyili bozen zo, yé an Ti a bélé féipazan zo.

Bélidɔwesɛbɛ Fiézan 8:10

Dé ka fɛ ble, dé ka kan, ka dan Gakelebale, kalé Bale drɔɔ vo lɛ, tɛrɛ zin lé é a nɔ ka lɛ, alé we ma.

Bélidɔwesɛbɛ Fiézan 8:7

Naa, Gakelebale, kalé Bale é dan go lɛ ka nya tɛrɛ zin ta; yuunu koo, ’yibɔnanu valé doo blɛnnu koo, ’yi’wuo lé woo voo duunna pɛnguru valé gɔnu ma koo, wa tɛrɛ ’ko la;