Ézai 48:9 - Kazambale lé Sebe Sauunu 1979

⁹ An tɔ lé we ma, an daan anlé bliflile ma, Anlé fuasan we ma, anbo kun ka vazia, Dé maa da ka kulu ga.

Ézai 48:9 ပူးပေါင်းရင်းမြစ်များ

Lɛrɛvɔ Sɛbɛ 106:8

Naa, Bale wo si we gi é tɔ lé we ma, ’Élé plɛplɛ tagɔɔnle munu lɛ we gi.

Lɛrɛvɔ Sɛbɛ 143:11

Gakelebale, i tɔ lé we ma ’i an béli ma, I a tegele, ’i an boen si kleblele gi.

Lɛrɛvɔ Sɛbɛ 25:11

Oo Gakelebale, i tɔ lé we ma ’I an mawe vo anlé weple ma, naa, é a blɛn.

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Lɛrɛvɔ Sɛbɛ 79:9

Ko Siéwegizan Bale, ’i bɔ ko va, i tɔ kɛlɛle blɛn lé we ma. ’I ko si munu lee yé ’i ko ma we vo kolé wenyanénu ma, i tɔ lé we ma.

Wegɔnévɔlenu 19:11

Wedɔɔzan bli ’ka flian é kele lo, yé a tɔbɔle lé ke a gi sanle a ’namawenu ma nya.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 37:35

Maa dan fla ’ko takuun lɛ, a sile we gi we ma, Maa koo, an wuozan David koo, kolé we ma.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Ézai 48:11

An sɔ anbo lɛ; an sɔle anbo lɛ lé we ma lé maa dan a kɛlɛ lɛ; An tɔ é dan sɛrɛ lɛ kaa? Maa ’ka dan an tɔbɔle nɔ lɛ mi bɛ lɛ lo.

Ézai 65:8

Gakelebale léma: Dé wo dɔrɔporo do ye, ’té a ’yi a a gi, wo léé: Té bé sɛrɛ lo, naa, mi drɔɔvofɛ lé. Yee duo yɛrama lé maa dan a kɛlɛ lɛ, an wuozannu sɔle an lɛ we ma, léé, maa ’ka dan wo faa kulu ga lɛ lo.

Jérémi 14:7

Dé kolé weplenu éé kɛla ko ma kolé wenayezan nyaoo, Gakelebale ’i we kɛlɛ i tɔ lé we ma; Naa, ko yuɛ gi blan namɔn, Ko wenyané kɛlɛ i ma.

Ézékiɛl 20:14

Naa, duowo, an we kɛlɛ an tɔ lé we ma, léé, bɛnnu lé maa Izraɛl si Éjipiti tɛrɛ la wo yuɛ va bɛ, té an tɔ é sɛrɛ ’bɛnu va lo.

Ézékiɛl 20:22

Naa, duowo, an bɛ si wo ma, yé an we kɛlɛ an tɔ lé we ma léé, bɛnnu lé maa wo si Éjipiti tɛrɛ la ’bɛnu yuɛ va bɛ, té an tɔ é sɛrɛ ’bɛnu va lo.

Ézékiɛl 20:44

Oo Izraɛl munu, an ’ka dan we kɛlɛ lɛ ka giébɛ naané valé ka kɛlɛwe vɔnlenu lé we ma lo, an dan we kɛlɛ lɛ ka lɛ an tɔ lé we ma, ’bɛna lé ka dan a gi dɔɔ lɛ léé, maa ɛ ke Gakelebale nya. A zo lé maa, Mizan Gakelebale a fe.

Ézékiɛl 20:9

Naa, duowo, maa we kɛlɛ an tɔ lé we ma, léé, bɛnnu lé Izraɛlnu ke é nyanale wo méléna bɛ, ’té maa wo si Éjipiti tɛrɛ la ’bɛnu yuɛ va anbo nagɔɔnle nya wo lɛ bɛ, té an tɔ é sɛrɛ ’bɛnu va lo.

Ézékiɛl 36:21

Yé an tɔ sauun lé Izraɛl munu a sɛrɛ bɛntɛrɛnu lé wo go ana bɛ, ’bɛna, maa a a va léé, maa an tɔ ’ko nwa é ziin.

Jozué 7:9

Kanaannu koo, munu faa lé ke é nyanale wolé tɛrɛ la koo, dé wa ’ma, wo dan ko zi lɛ sɔɔ lɛ, yé wo dan ko tɔ si lɛ tɛrɛ la, yé i dan a kɛlɛ lɛ kaa i tɔ blɛn lé we maa?

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.