Ézai 48:8 - Kazambale lé Sebe Sauunu 1979

⁸ Ka ’ka we do kpen ’ma lɛ a gi lo, yé ka ’ka we do kpen dɔɔ lɛ a gi lo, Yé ana we do kpen ’ka go lɛ ka tɔné gi lo; Naa, maa gi dɔɔ é kyɛn léé, ka ’ka yara pa lɛ anlé we ta lo, É sia ka yaabléyi va, woo ka laama nwamimazannu

Ézai 48:8 ပူးပေါင်းရင်းမြစ်များ

Lɛrɛvɔ Sɛbɛ 40:6

Gakelebale, anzé Bale, ilé we blɛnnu valé i gidanmawenu lé Woo wezin kɛla ko lɛ, i wo gi gyɛ. I zoɛ mi ’ka lo. É sɔ an lɛ léé, an ilé we ’konu faa zana dɔɔ yé maa a nwɛɛn fɛfaana, Naa, wo ’léé a kiɛre fɛan zo, an ’ka bɔa wo faa zuo fele lɛ lo.

Lɛrɛvɔ Sɛbɛ 51:5

Naa, maa anlé bélidɔwe sɛrɛlenu dɔɔ, Yé anlé wenyané sele a an gi bléyi faa va.

Lɛrɛvɔ Sɛbɛ 58:3

Gba, ka weple kɛla kabo yuɛ va. Kalé tɛrɛ la, woo mi gya we nya é gi.

Ézai 21:2

Yuɛzi giwe naané do da an va. Yaamitazan a yaana mi ta, fɛsɛrɛzan a fɛ sɛrɛna. Élam munu, ’ka go loru. Médi munu, ’ka fla mabɛn. Maa dan bamaflinle dɔ lɛ.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Ézai 46:8

We ’konu sele ’é dɔ ka gi, yé ’ka kɛlɛ mi nya. Wenyanékɛlɛzannu, ka ’wuo ’é dɔ ka ta ma.

Ézai 47:11

We tɔntɔn é dan bɔ lɛ i ma, Yé i ’ka bɔa sole lɛ a lee lo, Dirikiniwe é dan bɔ lɛ i ma, Ilé yo kɛlɛle ’ka dan sɔ lɛ a nya lo, I guru é dan zana lɛ a gi fiaa I ma trɔnné va.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Ézai 48:7

Wo dan kɛlɛ lɛ laoɛ, we giéle kaan lo; Ka ’ka dan a gi dɔɔ lɛ lo, fɔɔ yé wo bɔ a zo, Dé ka da a fe léé, ’wa gi dɔɔ é kyɛn.

Ézai 50:5

Mizan Gakelebale an tɔné lɛ so, Yé maa ’ka sɔn vɔ lɛ a ma lo, Maa ’ka gyɛ lɛ an zuo pelo.

Ézai 57:4

Ka a we nanana de ɛ maa? Ka ’léé blɛn fuoan de ɛ ma, ’té ka nɛnɛ bɔraan ’bɛ lɛɛ? Ka ’ka wenyané kɛlɛnénu valé viéwobɛn nya loo?

Jérémi 3:20

Naa, fɛan zo lé le do ’ka voo é sɔlɛzan va lo, A zo lé Izraɛl ’ka vo lɛ an va lo. Maa Gakelebale ɛ ke a fena.

Jérémi 5:11

Naa, Izraɛl munu valé Juda munu ’ka plaan an wuo lo, azama. Maa Gakelebale ɛ ke a fena.

Jérémi 5:21

’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

OZÉ (Osée) 5:7

Wo kɛlɛ gɔné bɛ ginizan nya Gakelebale wuo yé wo nénu yaa gɔrɔ la. Sin, maa dan wolé fɛ zin faa si lɛ wo lee moné do gi.

OZÉ (Osée) 6:7

Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

OZÉ (Osée) 7:9

Bɛnnu alé plɛplɛ nyaa a va, yé é ’ka a gi dɔɔa lo. É kwa gyɛ yé é ’ka a gi dɔɔa lo.

Malasi 2:11

Juda ébo gɔɔn yuɛiblanzan nya; wo bozowe kɛlɛ Jérusalɛm Izraɛl bɛn gi. Fɛ lé wa pa é yɛrama Gakelebale zé nya, ’té é sɔ Gakelebale lɛ bɛ, Juda a sɔnné sɛrɛ yé é yo lé lomu si.

Éfez munu 2:3

Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 31:18

Maa dan an yara si lɛ wo ta ’bɛ yi ’ko la, wenyané faa lé wa kɛlɛ gole nya bale bɛnu zuo, a we ma.