Ézai 48:6 - Kazambale lé Sebe Sauunu 1979

⁶ Wenu lé maa wo fe, ka a ’ma yé ka wo lɛsɔɔle ye, Yé ka ’ka a nyi sié léé, ka fe loo? Sin, maa we dɛrɛ lɛ kini ka lɛ, We yɔɔle lé ka ’ka a gi dɔɔa lo, maa fe ka lɛ.

Ézai 48:6 ပူးပေါင်းရင်းမြစ်များ

Lɛrɛvɔ Sɛbɛ 107:43

Mian a ’wuo ke a ta, ’é tawo we ’konu ta ma, Yé ’é bɔn‐in bɔrɔ Gakelebale lé zin ma ma.

Lɛrɛvɔ Sɛbɛ 119:13

Maa i ’léé wegibɔidérenu faa nɔnɔan An lɔlu nya.

Ézai 21:10

Anlé munuoo, anlé munu, wo ka sunwo bélé ’sa sunwole zo. We lé lai sunyanu lé Gakelebale, Izraɛl lé Bale a fe an lɛ, maa a fe ka lɛ.

Ézai 42:20

I we kiɛre na ye, yé i ’ka a pa lɛ i ’wuo gi lo I tɔné lɛ so, naa, i ’ka we ’ma lɛ lo.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 42:9

Ka ye, we vininnu lɛ sɔɔ, Maa a we dɛrɛnu fena sin; Maa wo fe ka lɛ wo bɔle ’lɛ.

Ézai 43:19

Ka ye, maa a dana we dɛrɛ kɛlɛ lɛ, é bɔ é pu; Ka ’ka a yé loo? Maa dan zi pla lɛ nyéné lé fɛna, Maa dan yuunu bɔra lɛ bwi gi.

Ézai 48:7

Wo dan kɛlɛ lɛ laoɛ, we giéle kaan lo; Ka ’ka dan a gi dɔɔ lɛ lo, fɔɔ yé wo bɔ a zo, Dé ka da a fe léé, ’wa gi dɔɔ é kyɛn.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 33:3

’I an tɔ laa yé an dan we lɛ; we blɛnblɛnnu valé weyɔɔlenu lé i ’ka wo dɔɔa lo, maa dan wo lɛ kini lɛ i lɛ.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Amɔs 3:6

Dé wo béli fɛn fla, kana ’ka zén‐é munu gi loo? Wenaané do bɔ fla, ’té é ’ka sié Gakelebale va loo?

Misé 6:9

Gakelebale dére a wena fla, yé mi lé é we dɔɔ, é dan kana lɛ a tɔ ma. ’Ka vlewɔlɛ valé ézan dére ’ma ma.

Matio 10:27

We lé maa a fé ka lɛ gunutinu va, ’ka a fe é yiéyi, yé we lé ka maan ka tɔné gi, ’ka dɔ kɔn nwiin yé ’ka siaa a nya.

WENÉNÉ LE JAN A GYE (Évangile selon Jean) 15:15

We lé mi a kɛla, a wuozan ’ka a dɔɔa lo, bɛwemalé maa ’ka ka laan an wuomunu é dɛrɛ lo; we faa lé maa a ’ma an Ti va, maa ka bɔn‐in kini a nya, bɛwemalé maa ka laa an béénu.

Kelewenu 1:8

Naa, dé Léli Sauun vɔ ka ta tɔɔn ’té ka plɛplɛ ye, yé ka kɛlɛ anlé wenayezannu nya, Jérusalɛm koo, Judé tɛrɛ faa koo, Samari tɛrɛ koo, wona, fɔɔ tɛrɛ glɛ sina.

1 Korent munu 2:9

’Ko zo lé é a é gyɛle Bale lé sɛbɛ gi: Fɛnu lé mi ’ka tan a ye lɛ é yuɛ nya lo, Wenu lé mi ’ka tan a ’ma lɛ é tɔné gi lo, É valé wenu lé mi ’ka tan boenwo é bɔn‐in bɔrɔ lɛ a ma lo, Woo lé Kazambale wo ma’lɛrɛ, munu lé Kazambale sɔ wo lɛ, wozé nya.

Wegɔɔnle 1:19

Fɛ lé bé ye, bé gyɛ sɛbɛ ta; we lé ke ana, é valé yee lé é dan bɔ lɛ é voéla, ’bé gyɛ.

Wegɔɔnle 4:1

’Bɛ zuo, maa a nagini, ’té la lɛ a é sole. Dére lé maa a ’ma é vinin bélé béli vun zo, é we fe an lɛ yé é léma: ’I da loru ’ko, yé we lé é dan bɔ lɛ é voéla yé maa a nagɔɔn i lɛ.